Qyzylordada kólikteri qar qursaýynda qalǵan alty ańshy qutqaryldy

QYZYLORDA. QazAqparat - Qyzylorda oblysy Jańaqorǵan aýdanynda kólikteri omby qarǵa batyp qalǵan ańshylar qutqaryldy, dep habarlaıdy QazAqparat tilshisi.

Uqsas jańalyqtar

Almaty dárigerleri er adamnyń kózinen 3 sm sym temir alyp shyqty

5 naýryz. QazAqparat kúntizbesi BQO trassasynda júk kóliginiń tirkemesi janyp ketti Jarylys qaýpine baılanysty Táj-Mahaldan myńnan astam týrıst evakýatsııalandy

Oqıǵa Jańaqorǵan aýdanyna qarasty Birlik aýyly aýmaǵyndaǵy Qarataý betkeıinde boldy. 22 qarashada saǵat 18.30 shamasynda aýyldan alty adam taý jaqta ań aýlaýǵa shyqqan. Olardyń qatarynda 56, 35 jastaǵy eki azamat pen birge 39 jastaǵy tórt jigit bolǵan. Qolaısyz aýa raıy saldarynan qar qalyń jaýyp, atalǵan azamattar úılerine qaıta almaı qalǵan.

«Ol jónindegi habar 23 qarashada saǵat 20.55-te tústi. Tótenshe jaǵdaılar departamentiniń 11 qyzmetkeri 2 tehnıkamen izdeý jumystaryna kiristi. Joǵalǵan adamar saǵat 6.03-te Birlik aýylynan 48 shaqyrym jerde Qarataý betkeıinen tabyldy. Olar mingen ÝAZ avtokóligi qar qursaýynan shyǵaryldy», - dep málim etti Qyzylorda oblystyq Tótenshe jaǵdaılar departamenti Órt sóndirý jáne apattyq-qutqarý jumystary qyzmetiniń baspasóz hatshysy Álııa Erejepova.

Esterińizge sala ketelik, budan buryn Qyzylordada qalyń qar jaýyp, kólik qozǵalysyna shekteý qoıylǵany habarlandy.