Jańalyqtar  >
Qyzylordada kólik basqarý quqyǵynan aıyrylǵan júrgizýshi polıtseılerden qashpaq boldy
2022 jylǵy 13 tamyz 09:35

Qyzylordada kólik basqarý quqyǵynan aıyrylǵan júrgizýshi polıtseılerden qashpaq boldy

QYZYLORDA. QazAqparat - Qyzylordada kólikti mas kúıinde basqaryp, jol erejesin buzǵan júrgizýshi polıtseılerden qashyp ketýge árekettendi, dep habarlaıdy QazAqparat tilshisi.

Qyzylorda qalasynyń ortalyq kóshesiniń birinde túngi ýaqytta patrýldik polıtsııa ekıpajy jol erejesin buzǵan ÝAZ avtokóligin baıqaǵan. Júrgizýshi polıtsııanyń kólikti toqtatý týraly talabyn eskergen joq. Polıtseıler avtokólikti qala shetindegi jolsyz jerde ustady.

«Tekserý barysynda avtokólikti kólik quralyn basqarý quqyǵynan aıyrylǵan 46 jastaǵy qyzylordalyq turǵyn basqarǵany anyqtaldy. Oǵan qatysty QR Ákimshilik quqyq buzýshylyq týraly Kodeksiniń eki baby boıynsha, ıaǵnı 613-baptyń 3-1-bóligimen jáne 612-baptyń 1-bóligimen hattamalar toltyryldy», - dep málim etti Qyzylorda oblystyq polıtsııa departamentinen.

Eske salsaq, budan buryn otbasy shyrqyn buzǵan 852 qyzylordalyq esepke alyndy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT