+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Qyzylordada Kete Júsipke arnalǵan jyraýlar baıqaýy ótti

2021 jylǵy 24 qyrkúıek 21:38
Bólisińiz:
Qyzylordada Kete Júsipke arnalǵan jyraýlar baıqaýy ótti

QYZYLORDA. QazAqparat - Qyzylordada Syr súleıi Kete Júsip Eshnııazulynyń 150 jyldyǵyna arnalǵan «Jyrlansyn, Táýelsizdik jyr bulaǵy» atty respýblıkalyq jyrshy-jyraýlar baıqaýy máresine jetti, dep habarlaıdy QazAqparat tilshisi.

Uqsas jańalyqtar
Aqtóbede Tólegen Aıbergenov pen Shámshi Qaldaıaqovqa eskertkish ornatyldy Saıyn Muratbekov atyndaǵy áńgimeler baıqaýy jarııalandy Jetinshi synyptan jetpiske kelgenshe qolymnan qalam túsken joq – Belgili ǵalym, jazýshy Tursyn Jurtbaı 70 jasta

Atalǵan baıqaý el Táýelsizdiginiń 30 jyldyq mereıtoıy aıasynda N.Bekejanov atyndaǵy oblystyq mýzykalyq drama teatrynda bolyp ótti.

Baıqaýdyń ashylý rásiminde oblys ákimi Gúlshara Ábdiqalyqova kópshilikti el Táýelsizdiginiń 30 jyldyǵymen quttyqtap, dodaǵa qatysýshy jyrshylarǵa sáttilik tiledi.

«Bizdiń aımaqty ózgeler «Syr eli - jyr eli» dep ataıdy. Qasıetti ólkemiz talaı týma talanttyń besigi boldy. Kóptegen daýylpaz súleıler shyqty. Abyz Qorqyttan bastaý alatyn jyraýlyq dástúrdiń mektebin Shoraıaqtyń Omary, Balqy Bazar, Qarasaqal Erimbet, Kete Júsip, Dúr Ońǵar, Turmaǵambet, Nartaı, Nurtýǵand qalyptastyrdy. Búgingi respýblıkalyq dástúrli oryndaýshylardyń baıqaýy Arqa men Batystyń, Jetisý men Syrdyń daryndaryn toǵystyryp, Syr jerinde jyrdyń jalaýyn jelbiretken kún desek qatelespeımiz», - dedi oblys ákimi.

Jyr dodasynda belgili jyraý Almas Almatov tórelik jasady. Sondaı qazylar quramynda belgili jyraý Elmıra Jańabergenova, Qurmanǵazy atyndaǵy Qazaq Ulttyq konservatorııasynyń aǵa oqytýshysy Uljan Baıbosynova, qoǵam qaıratkeri, óner janashyry Rzaqul Nurtaev, jyrshy-jyraý, «Mádenıet salasynyń úzdigi» tósbelgisiniń ıegeri Maıra Sársenbaeva qazylyq etti.

Baıqaýǵa barlyǵy 13 jyr júırigi qatysty. Óner ıeleri dańqty óner ıesi Kete Júsip Eshnııazulynyń mol murasyn ulyqtady.

Jyr dodasyna aqtóbelik Demeýbaı Jolymbetov, mańǵystaýlyq Amangeldi Sáńkibaev, pavlodarlyq Bóken Jiger, Almaty qalasynan Baqyt Toǵjanova, qyzylordayqtar Ádilhan Qýańbaev, Bolat Baımuratov, Serik Jaqsyǵulov, Jaqsan Jánibek, Malıka Aldamjarova qatysýty. Sondaı-aq, Aral aýdanynan Aıbek Táńirbergenov pen Beksultan Orynbasar, Shıeliden Muhamedáli Bekpeıisov jáne Qarmaqshydan Álisher Myrzaǵalıev kórermenge ulyq ónerdi taǵy bir dáriptedi.

Saltanatty shara sońynda oblys ákiminiń orynbasary Serik Ahmet jyr dodasynyń jeńimpazdaryn quttyqtap, jaýhar ónerdi dáripteıtin baıqaýdyń Syr elinde bastaý alýy rýhanı sabaqtastyqty jalǵap otyrǵanyn jetkizdi.

Qazylar alqasynyń sheshimimen bas júlde araldyq jyrshy-jyraý Aıbek Táńirbergenovke tabystaldy. Bas júlde ıegerin oblys ákiminiń orynbasary Serik Ahmet marapattady.

Baıqaýda birinshi orynǵa qyzylordalyq Serik Jaqsyǵulov ıe boldy. Al aqtóbelik Demeýbaı Jolymbetov ekinshi oryn alsa,, pavlodarlyq Bóken Jiger, Qyzylorda qalasynan Jaqsan Jánibek jáne Aral aýdanynan Beksultan Orynbasar úzdikti úshtikti ózara bólisti.

Al, qalǵan 7 qatysýshyǵa yntalandyrý syılyǵy buıyrdy.

Aıta ketý kerek, bas júlde ıesine 500 myń. teńge tabystaldy. Al, birinshi orynǵa 300 myń, eiknshi orynǵa 200 myń jáne úshinshi oryn ıelerine 100 myń teńgeden berildi.

Eske salsaq, Qyzylorda oblysynyń ákimi Gúlshara Ábdiqalyqova budan buryn qyzylordalyq jastarmen júzdesti.



Bizdiń kanalymyzǵa jazylyńyz:

Bólisińiz:

Avtor:

Ádiljan Úmbet

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT