+7 (701) 759 90 19
USD 381.10 EUR 420.81
RUB 5.65 CNY 54.57
Jańalyqtar

Qyzylordada qaıyrymdylyq telemarafony ótti

2019 jylǵy 28 jeltoqsan 01:20
Bólisińiz:
Qyzylordada qaıyrymdylyq telemarafony ótti

QYZYLORDA. QazAqparat - Qyzylorda oblysynda oblystyq «Meıirimdilik shapaǵaty» qaıyrymdylyq telemarafony ótti.

Uqsas jańalyqtar
Sozaqta kásipker kópbalaly otbasyǵa  baspana tartý etti «100 jańa esimge» engen kásipker jalǵyzbasty anaǵa baspana syılady Polıtseıler men volonterler zeınetkerlerdiń aýlasyn qardan tazartty

Syr óńirinde mundaı qaıyrymdylyq sharalary jyl boıyna uıymdastyrylyp keldi. Jeltoqsan aıynda ataýly merekelerge oraı áleýmettik osal toptaǵy otbasylarǵa qajetti kómek kórsetildi. Telemarafonǵa Qyzylorda oblysynyń ákimi Qýanyshbek Ysqaqov qatysty. Shara barysynda Almaty qalasynda ushaq apatynan qaza tapqan azamattard bir mınýttyq únsizdikpen eske alyndy. Kelesi kezekte oblys ákimi qaıyrymdylyq sharasyna qatysqan kópshilik aldynda júrekjardy lebizin bildirdi. «Meıirimdilik shapaǵaty» atty qaıyrymdylyq sharasynyń mańyzdylyǵy jaıynda toqtalyp ótti.

«Meıirimdilik – izgiliktiń joly. Rııasyz jasalǵan jaqsylyq - bıik adamgershiliktiń belgisi. Búgingi sharaǵa jomart júrek azamattar qatysty. Nátıjesinde qala boıynsha áleýmettik jaǵynan az qamtylǵan, asyraýshysynan aırylǵan, qarttar men ata-ana qamqorlyǵynsyz qalǵan balalar, kóp balaly, múgedek, turmysy tómen otbasylarǵa azyq-túlik túrinde kómek kórsetildi. Osy shara barysynda oblystyń memlekettik qyzmetkerleri men jekelegen azamattar ózderiniń bir kúndik jalaqysyn aýdaryp, 4 mln teńgeden asa qarjylaı kómek berdi. 2013 jyldan beri kópbalaly jáne az qamtylǵan otbasylardyń, ásirese, aýyldyq jerden shyqqan talapty balalardy oqytýǵa oblys ákiminiń arnaıy grantyn taǵaıyndap kelemiz. Búgingi kúni myńnan asa mektep túlegi grant ıegeri atandy. Apatty jaǵdaıdaǵy úıler men jataqhanalarda turyp kelgen otbasylardy jańadan salǵan úılerge qonystandyrý úrdisimizge aınaldy. Qyzylorda oblysy áleýmettik salaǵa qarjy bólýden aımaqtar arasynda kósh bastap tur»,- dedi oblys ákimi.

Sondaı-aq, Syr óńirinde muqtaj adamdarǵa qoldaý kórsetý baǵytynda nátıjeli jumystar atqarylyp keledi. Osy baǵytta jyl basynda kópbalaly jáne az qamtylǵan otbasylarǵa qosymsha qoldaý sharalaryn usyný úshin 2019-2021 jyldarǵa arnalǵan óńirlik áleýmettik jol kartasy qabyldanǵan. Jol kartasynda tabysty arttyrý jáne halyqtyń az qamtylǵan toptaryn qoldaý, tabysy tómen azamattardyń baspana máselesin sheshý jáne bilim berý men densaýlyq saqtaý salalaryn jaqsartý, sondaı-aq, óńirlerdi keshendi damytý baǵytyndaǵy aýqymdy is-sharalardy júzege asyrý sharalary kózdelgen.


Bizdiń kanalymyzǵa jazylyńyz:

Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT