Qyzylordada kásipker muqtaj otbasylarǵa úı salyp berdi

QARMAQShY. QazAqparat - Qyzylorda oblysy Qarmaqshy aýdanyna qarasty Jańajol aýyldyq okrýginde turmysy tómen baspanaǵa muqtaj otbasylarǵa 2 jańa turǵyn úıdiń kilti tabys etildi, dep habarlaıdy QazAqparat tilshisi.

Uqsas jańalyqtar

Qaraǵandy oblysynda aldaǵy eki jylda dárigerlerge 300 páter bólinedi

Qarqaralyda dárigerler páter aldy Zeınetaqy qarajatyn alý: Turǵyn úıdi 5 jylǵa deıin satýǵa tyıym salý tártibi túsindirildi «Otbasy banki» zeınetaqynyń bir bóligin alýǵa ótinim qabyldaıtyn saıtty jarııalady

Atalmysh ıgilikti isti aýyldyq okrýgte «Jańajol» JShS tóraǵasy Orynbasar Tólepov júzege asyrdy. Sońǵy úlgidegi talaptarmen salynǵan turǵyn úıler aýmaǵy 200 sharshy metrdi quraıdy.

Atalmysh shara barysynda jańa qonys ıelerine Qyzylorda oblysy boıynsha «Zeket» qaıyrymdylyq qorynyń Qyzylorda oblysyndaǵy ókili Ońtalap Jıdebaev pen «Qarmaqshy Ata» meshitiniń bas ımamy Jaqsybek Ábıuly da syı-sııapat jasady.

Muqtaj otbasylarǵa turǵyn úı kiltin tabys etýde aýdan basshysy Musa Qaldarbekov óz tilektestigin bildirdi.

«Qoǵamda bıznestiń áleýmettik jaýapkershiligi mańyzdy oryn alady. Bul rette bıznes ókilderiniń áleýmettiń osal toptaryna bir kisideı jumylyp, elimizdiń órkendeýi úshin qyzmet atqarýy mańyzdy. Búgingi ıgi bastamalardy júzege asyryp el yqylasyna bólengen «Jańajol» JShS alǵysymyzdy bildiremiz», - dedi aýdan ákimi.