Qyzylordada kanalǵa kólikpen qulap ketken adamnyń denesi 3,5 jyldan keıin tabyldy
2022 jylǵy 23 mamyr 17:07

Qyzylordada kanalǵa kólikpen qulap ketken adamnyń denesi 3,5 jyldan keıin tabyldy

QYZYLORDA. QazAqparat - Qyzylorda oblysynda kólikpen kanalǵa qulap ketken adamnyń múrdesi úsh jarym jyldan keıin tabyldy, dep habarlaıdy QazAqparat tilshisi.

Oqıǵa 2018 jyldyń 17 jeltoqsanynda Qyzylorda qalasyna qarasty Qaraózek kanaly aýmaǵynda boldy. Sol kúni mal izdeýge shyqqan eki azamat kanalǵa abaısyzda kólikpen qulap, eki adam kólikpen birge sýǵa ketti.

«Tótenshe jaǵdaılar salasy mamandarynyń kúshimen kólik sol kúni tabyldy. Kólik júrgizgen adamnyń denesi alty aıdan keıin tabyldy. Al 1973 jyly týǵan azamattyń denesi úsh jarym jyldan astam ýaqyt boıy tabylmaı keldi. Jaqynda onyń týystary denesin izdestirýge ótinish jasaǵan. Osyǵan baılanysty mamandar 20 mamyrdan bastap qaıtadan izdestirý jumystaryn bastap ketti. Nátıjesinde er adamnyń denesi tabyldy. Ol kólik qulaǵan jerden 50 shaqyrymdaı qashyqtyqta jatyr. Eki metr tereńdikten marqumnyń dene bólikteri men kıimi tabyldy. Týystary marqumdy tanydy», - dedi Qyzylorda oblysy Tótenshe jaǵdaılar departamenti órt sóndirý jáne avarııalyq qutqarý jumystary qyzmetiniń baspasóz hatshysy Álııa Erejepova.

Uqsas jańalyqtar

Jańalyqtar

MURAǴAT