+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Qyzylordada halyqtyń 71,7 paıyzy ákim saılaýynda tańdaý jasap úlgerdi

2021 jylǵy 25 shilde 19:41
Bólisińiz:
Qyzylordada halyqtyń 71,7 paıyzy ákim saılaýynda tańdaý jasap úlgerdi

QYZYLORDA. QazAqparat - Aýyl ákimderiniń saılaýy Syr óńirinde joǵarǵy qarqynmen ótýde. Qazirge deıin saılaýshylardyń 71,7 paıyzy óz tańdaýyn bildirip úlgerdi, dep habarlaıdy QazAqparat tilshisi.

Uqsas jańalyqtar

Oblys boıynsha 54 saılaý ýchaskesinde tizimge engizilgen 36 071 saılaýshy bar.

Kelip túsken aqparat boıynsha qazir daýys bergender sany 25 873 adamǵa jetken. Ol - saılaýshylardyń 71,7% qurap otyr.

Aral aýdanynda 12 okrýgte saılaý ótýde. Onda qazirge deıin 78% aýyl halqy óz tańdaýyn jasap úlgergen.

Saılaýshylardyń belsendiligin arttyrý baǵytynda túrli aktsııalar da uıymdastyrylǵan.

Máselen, shalǵaıdaǵy Qaraqum aýyldyq okrýginde aýyl ákimine daýys berýge kelgen Maral Nurjanova 100-saılaýshy retinde tirkelip, arnaıy syılyqqa ıe boldy.

Al Qazalyda eń jas saılaýshyǵa syı-qurmet kórsetildi. Óz kezeginde alǵash ret daýys berý quqyǵyna ıe bolǵan Aıbıbi Orazbek egemen eldiń bolashaǵy úshin barsha zamandastaryn daýys berýde belsendi bolýǵa shaqyrdy.

Qarmaqshynyń Aqaı aýylynda saılaýshylardyń kóshin ardager Qurymjan Temirbaev bastady.

78 jasty eńsergen aýyl aqsaqaly el úshin mańyzdy saıası qadamnyń sátti júzege asýyn tilep, aq batasyn berdi.

Jalaǵashtaǵy jurtshylyq ta tarıhı kúni joǵary jaýapkershilikpen el tutqasyn ustar úmitkerdi tańdaýǵa atsalysýda.

Aýdandaǵy Qaraketken aýylyna ákim bolýǵa 4 adam úmitti.

Aýyl ákimdigine úmitkerlerdiń saılaýaldy baǵdarlamasymen tyńǵylyqty tanysqan kópbalaly ana Rysqal Qaldanova eń birinshi bolyp daýys berýge kelgen.

Syrdarııa aýdany N.Іlııasov aýyldyq okrýgindegi saılaý ýchaskesi de daýys berýge kelýshilerge syılyq tabystaýdy umyt qaldyrmady.

Syılyqtyń ıegeri 500-saılaýshy bolǵan, aýyl turǵyny Baǵdat Qoshqarov atandy.

Shıeli aýdany Jólek aýyldyq ardagerler keńesiniń tóraǵasy Seıtkereı Ábenov aqsaqal eń birinshi bolyp daýys bergeni úshin marapattaldy.

Al Jańaqorǵanda jas býynnyń belsendiligi joǵary. Aýdandaǵy eń jas daýys berýshi Almat Óskenbaı bul saılaýdan kúteri kóp ekenin jasyrmady.

«Bastysy týǵan jerin túletip, aýyldy gúldendirýge qarymy jeter azamat ákim bolsa», - dep tileıdi ol.



Bizdiń kanalymyzǵa jazylyńyz:

Bólisińiz:

Avtor:

Ádiljan Úmbet

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT