+7 (701) 759 90 19 Lenta
USD 385.42 EUR 424.58
RUB 6.00 CNY 54.31
Jańalyqtar

Qyzylordada ǵasyrdan astam saqtalǵan besik bar

2019 jylǵy 18 tamyz 18:53
Bólisińiz:
Qyzylordada ǵasyrdan astam saqtalǵan besik bar

QYZYLORDA. QazAqparat - Qyzylorda qalasyna qarasty Tasbóget kentinde turatyn Amanovtar áýletinde kóneniń kózindeı bolǵan jádiger – besktiń jasalǵanyna ǵasyrdan astam ýaqyt ótken, dep habarlaıdy QazAqparat tilshisi.

Uqsas jańalyqtar
Sısem ata qorymyna 10 myń adam jınaldy Petropavl turǵyny áıelder zorlyǵyna qatysty mýzykalyq klıp túsirdi «Habar» arnasy Sentral Asia’s got Talent shoýyn kórsetedi

Ǵasyrdan astam ýaqyt boıy urpaqtan urpaqqa ulaǵat syılap kele jatqan besiktiń qalaı jasalǵany jóninde áýlettiń úlkeni Ahmetjan Amanov tereńirek aıtyp berdi. Kıeli dúnıe ol kisiniń atasynyń óz qolymen jasalǵan. Sodan beri ǵasyrdan astam ýaqyt ótti, ǵıbrat syılaǵan qundylyq tórt urpaqty tárbıelep ósirdi.

Ahmetjan aǵamyzdyń atasy Álbatyr kezinde sal-serligimen, ustalyǵymen Aral teńizi aımaǵyndaǵy aǵaıynǵa keńinen tanymal bolǵan. Qudaı qosqan qosaǵy - Sánim on úsh qursaq kótergenmen náreste turaqtaı qoıǵan joq eken. Birinen keıin biri shetinep, bul shańyraqta sábıdiń únin estý birazǵa deıin muńǵa aınalǵanǵa uqsaıdy. Osyndaı kúnderdiń birinde Álbatyr Amanov óziniń qolymen besik jasaǵan. Budan keıin shańyraqta bala turaqtap, eki sábı urpaǵyn jalǵastyrǵan.

«Úlkenderden atamyzdyń temirden túıin túıgen usta bolǵanyn estip óstik. Oǵan qosa aǵashtan da oıý oıǵan sheberligin jergilikti jurtshylyq jaqsy biledi. Besikti jasaǵan sátte ol kisi «osy besikte terbetetin bala bere gór» dep tilegen eken. Tileýi qabyl bolǵan. Sodan keıin meniń ákem Ibadýlla, keıinnen inisi dúnıe esigin ashqan. Osylaısha áýlette urpaq jalǵasty. Ájemiz kıeli besikti eshkim bermeı, keıinnen ol urpaqtan urpaqqa amanatqa aınaldy», - dedi Ahmetjan.

Alǵashqyda ákesi terbelgen besikke beride Ahmetjan aǵanyń ózi de bólengen. Baýyrlary da kıeli dúnıeniń qasıetin sezinip ósti. Odan bergi kezeńde balalary da osy besikte jatyp ana áldıimen er jetti. Búgingi kúni onda Ahmetjan aǵanyń nemereleri terbelip keledi.

Úı ıesiniń aıtýynsha, beride tuńǵyshy dúnıege kelgende oǵan arnaıylap besik jasatqan kórinedi. Degenmen ol besikti anasy sol otbasyndaǵy qyz balaǵa berip, onyń ornyna ǵasyr saqtalǵan osy qundylyqty tapsyrǵan. Sodan beri kıeli dúnıe Ahmetjan Amanovtyń shańyraǵynda qundy jádiger esebinde saqtalyp keledi.

«Ǵasyrdan astam ýaqyt saqtalǵan dúnıe ǵoı. Sondyqtan oǵan azdap óńdeý júrgizdik. Alda da dúnıege kelgen barlyq urpaǵymyz osy besikte terbelip ósedi dep oılaımyn», - deıdi ol kisi.

Kezinde belgili usta Álbatyr Amanovtyń qolynan shyqqan bul dúnıe osylaısha urpaǵyna ulaǵat syılaıtyn jádigerge aınaldy.


Bizdiń kanalymyzǵa jazylyńyz:

Basty sózder: Mádenıet, Qyzylorda oblysy,
Bólisińiz:

Aýdarma:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT