+7 (701) 759 90 19
USD 375.87 EUR 406.24
RUB 5.84 CNY 53.45
Jańalyqtar

Qyzylordada estý qabileti erekshe 98 jastaǵy maıdanger turady

2019 jylǵy 10 mamyr 05:43
Bólisińiz:
Qyzylordada estý qabileti erekshe 98 jastaǵy maıdanger turady

QYZYLORDA. QazAqparat - Qyzylorda qalasynda turatyn 98 jastaǵy soǵys jáne eńbek ardageri Ibragım Nurymbetov kóptegen derekterdi áli kúnge deıin kúni men saǵatyna deıin jatqa aıtady, dep habarlaıdy QazAqparat tilshisi.

Qart maıdanger Jańaqorǵan óńirindegi qarapaıym otbasynyń shańyraǵynda dúnıege keldi. Jastaıynan ómirdiń aýyr taýqymetin tartty. Asharshylyq jyldarynda ata-anasynan kóz jazyp qaldy. Qaryndasy ekeýi balalar úıinde tárbıelendi. Eseıgen shaǵynda Tashkent temirjol tehnıkýmyna oqýǵa qabyldandy. Sol jyldarda kóptegen qıyndyqtardy bastan keshti. Kıerge kıim, isherge tamaq bolmaǵan sátter de kezdesti.

1941 jyly qarasha aıynda soǵys dalasyna attanǵanda 20 jasqa endi kelgen edi. Maıdanǵa barǵan sátten №99 kavalerııalyq polk sapynda pýlemetshi boldy. Artıllerııa quramynda kóptegen shaıqastarǵa qatysty. «Erligi úshin» medalin, úshinshi dárejeli «Dańq», ekinshi dárejeli «Otan soǵysy» ordenderin keýdesine taqty. 1945 jyldyń aqpan aıynan bastap Dnestr, Tıraspol, Rýmynııa jerlerin fashıstik basqynshylardan bosatty. Sondaı-aq, «Za vzıatııa Býdapeshta» medali de búginde keýdesinde jarqyraıdy.

1947 jyly elge oralǵannan keıin eńbek jolyn bastap bas esepshi qyzmetin atqardy. Sondyqtan shyǵar, búgingi kúnge deıin esep pen sanǵa qatysty málimetterdi jatqa aıtady. Tipti, ul-qyzynyń, nemere-shóbereleriniń týǵan kúnderin arnaıy bloknotqa jazyp qoıǵan. Kúndelikti shyǵatyn gazet-jýrnaldardy qalt jibermeıdi.

«Men býhgalterlik kýrsty támamdap, eńbek jolymdy bastadym. Bul mamandyq qashanda jaýapkershilikti qajet etedi emes pe? Sondyqtan esep, sanǵa qatysty derekterdi umytpaýǵa tyrystym. Búgingi kúnge deıin oǵan úlken jaýapkershilikpen qaraımyn», - deıdi ardager Ibragım Nurymbetov.

Aǵamyz 1950 jyly ómirlik jary - Nálshaıymmen otaý kóterdi. Qyryq jyldan astam tatý-tátti ǵumyr keshken ol kisiler eki ul, úsh qyz súıip, olardy tárbıelep ósirdi. Búginde balalarynan 20 nemere, 27 shóberesi kórip otyr.

Jeńis merekesine oraı qart maıdangerge jergilikti basshylyq tarapynan qurmet kórsetildi. Qyzylorda qalasynyń ákimi Nurlybek Nálibaev maıdanger Ibragım Nurymbetovke arnaıy baryp, jergilikti jurtshylyq atynan quttyqtaý lebizin bildirdi. Syı-sııapat tabystady.

Bizdiń kanalymyzǵa jazylyńyz:

Basty sózder: Qyzylorda oblysy, Jeńis kúni,
Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT