FÝTBOLDAN ÁLEM ChEMPIONATY-2022

Qyzylordada bıyl myńǵa tarta adam janýarlardan jaraqat alǵan

2022 jylǵy 2 qazan, 04:22
Qyzylordada bıyl myńǵa tarta adam janýarlardan jaraqat alǵan

QYZYLORDA. QazAqparat - Qyzylorda oblysynda bıylǵy 6 aıda 961 adam ártúrli janýarlardan jaraqat alǵan. Olardyń 90 paıyzǵa jýyǵy ıtten zardap shekken, dep habarlaıdy QazAqparat tilshisi.

Óńirde alty aıdyń ishinde 961 adam ártúrli janýarlardan jaraqat alǵan. Olar janýarlardyń tisteýinen, tyrnap, silekeılenýinen zardap shegip, medıtsınalyq kómekke júgindi. Bul byltyrǵy osy merzimimen salystyrǵanda sál tómendegenin kórsetedi.

Jaraqat alǵandardyń 36,2%-y 14 jasqa deıingi balalar arasynda anyqtaldy. Sonymen qatar jaraqattanýdyń 57-si aýdandar kóleminde anyqtalsa, 43%-y qalalyq turǵyndarynyń úlesinde.

Jaraqat alǵandardyń basym kópshiligi (90%) ıtten zardap sheken. Oǵan qosa 8,3%-y mysyq, 0,6 %-y jylqy, 0,1%-y sıyrdan jáne qalǵany basqa janýarlardan alǵan jaraqattar.

«Oblys qutyrma aýrýynyń tabıǵı oshaǵynda ornalasqan. Óńirde 2010-2014 jyldar aralyǵynda 8 adam syrqattanyp, olardyń barlyǵy da ólim jaǵdaıymen aıaqtaldy. 2020 jyly «Veterınarııa boıynsha Ulttyq referenttik ortalyǵy» ShJQ RMK zerthanasynda qutyrmaǵa tekserilgen 5 synama oń nátıje kórsetti. Bul óz kezeginde oblys kóleminde qutyrma aýrýynyń tabıǵı oshaqtarynyń belsendiligi áli de joǵary ekendigin aıqyndaýda», - dedi Qyzylorda oblystyq sanıtarııalyq-epıdemıologııalyq baqylaý departamentiniń baspasóz hatshysy Aıman Janahaeva.

Eske salsaq, Qyzylorda oblysynda kene shaǵý deregi ótken jyldan 4 esege artqan .


Uqsas jańalyqtar
Seriktester jańalyqtary

Jańalyqtar