Qyzylordada biryńǵaı baılanys ortalyǵyna tótenshe jaǵdaı kezinde 70 myń qońyraý túsken
2022 jylǵy 17 qańtar 00:21

Qyzylordada biryńǵaı baılanys ortalyǵyna tótenshe jaǵdaı kezinde 70 myń qońyraý túsken

QYZYLORDA. QazAqparat - Qyzylordada aımaqtyq 1414 biryńǵaı baılanys ortalyǵyna tótenshe jaǵdaı rejımi engizilgeli 70 myń qońyraý túsken, dep habarlaıdy QazAqparat tilshisi.

Biryńǵaı baılanys ortalyǵy elimizdiń 5 oblysynda ǵana bar. Qyzylorda qalasyndaǵy ortalyqtyń mamandary ár aımaqtan qońyraý qabyldap, jaýapty óńirlerge baǵyt berdi. Tótenshe jaǵdaı kúrdeli kezde ortalyq negizgi úsh baǵyt boıynsha jumys istedi.

Elde tótenshe jaǵdaı rejımi engizilgeli aımaqtaǵy 1414 biryńǵaı baılanys ortalyǵyna 70 myń qońyraý túsken. Onyń basym bóligi - jappaı tártipsizdik kezinde týǵan-týysynyń joǵalýyna qatysty shaǵymdar.

Qazir munda 70 operator kópshilikti tolǵandyrǵan kez kelgen saýaldarǵa jaýap berýde. Sońǵy kúnderi turǵyndar tarapynan áleýmettik tólemderge, memlekettik qyzmetterdi alýǵa baılanysty suraqtar da jıiledi, -dedi «Azamattarǵa arnalǵan úkimet» MK KEAQ oblys boıynsha fılıal dırektory Aınur Tobaeva.

Eske salsaq, ıýudan buryn Qyzylordada tótenshe jaǵdaı kezinde 308 quqyq buzýshylyq anyqtaldy.

Jańalyqtar

MURAǴAT