Qyzylordada bir adamnan Kongo-Qyrym gemorragııalyq qyzbasy anyqtaldy
2022 jylǵy 20 mamyr 12:21

Qyzylordada bir adamnan Kongo-Qyrym gemorragııalyq qyzbasy anyqtaldy

QYZYLORDA. QazAqparat - Qyzylordada bir adamnan Kongo-Qyrym gemorragııalyq qyzbasy naqtylandy, dep habarlaıdy QazAqparat tilshisi.

Jyl basynan beri búgingi kúnge deıin 205 adamdy kene shaqqan. Olardyń arasynan 3 adam Kongo-Qyrym gemorragııalyq qyzbasy aýrýyna kúdikti bolǵan edi.

«Naýqastardyń 1-ýiniń dıagnozy zerthanalyq, epıdemıologııalyq jáne klınıkalyq jolmen naqtylandy. Al 2-ýiniń dıagnozdary zerthanalyq zertteý qorytyndysy teris bolýyna baılanysty ózgertildi», - dep málim etti Qyzylorda oblystyq sanıtarııalyq-epıdemıologııalyq baqylaý deparatamentiniń baspasóz hatshysy Aıman Janahaeva.

Byltyr óńirde 12 adamnan Kongo-Qyrym gemorragııalyq qyzbasy anyqtalǵan edi.

Bıyl óńirde 116 eldi mekende keneler kóbeıýi múmkin degen qaýip bar.

Atap aıtqanda, aýdandar boıynsha Aralda - 25, Jańaqorǵanda - 19, Shıelide - 16, Qazalyda - 14 eldi meken bolsa, qalǵany ózge aýdandarda ornalasqan.

Bul eldi mekenderdiń zalalsyzdandyrý is-sharalaryna jergilikti bıýdjetten qarjy qarastyrylǵan.



Uqsas jańalyqtar

Jańalyqtar

MURAǴAT