+7 (701) 759 90 19
USD 425.05 EUR 509.29
RUB 5.58 CNY 64.66
Jańalyqtar

Qyzylordada balyq sharýashylyǵyn damytýdyń óńirlik baǵdarlamasy qabyldanady

2020 jylǵy 30 qazan 20:52
Bólisińiz:
Qyzylordada balyq sharýashylyǵyn damytýdyń óńirlik baǵdarlamasy qabyldanady

QYZYLORDA. QazAqparat - Qyzylorda oblysynyń balyq sharýashylyǵyn damytýdyń 2021-2030 jyldarǵa arnalǵan óńirlik baǵdarlamasy júzege asatyn boldy, dep habarlaıdy QazAqparat tilshisi.

Uqsas jańalyqtar

Atalmysh baǵdarlama Úkimet basshysynyń tapsyrmasyna sáıkes ázirlengen. Ony iske asyrý jónindegi is-sharalar jospary birneshe baǵyttan turady.

Atap aıtqanda, olardyń qatarynda turaqty sýmen qamtamasyz etý, memlekettik qoldaý, ınfraqurylymdy qurý, balyq resýrstaryn qorǵaý, halyqaralyq yntymaqtastyqty damytý, salany ǵylymı súıemeldeý jáne kadrlarmen qamtamasyz etý jónindegi sharalar bar.

«Syrdarııa ózeniniń arnasyn retteý jáne Aral teńiziniń soltústik bóligin saqtaý» jobasy aıasynda aımaqta balyq sharýashylyǵyn damýyna úlken múmkindikter jasaldy. Oblys aýmaǵynda balyq aýlanatyn Syrdarııa ózeni, Kishi Aral teńizi jáne 207 kól bar. Ony óńdeýmen jáne eksport shyǵarýmen aınalysatyn 9 balyq óńdeý zaýyty jumys isteýde. Olardyń jyldyq qýaty – 12,5 myń tonna. Ǵylymı uıymdardyń zertteýine sáıkes oblystaǵy 207 kóldiń 95-si taýarly balyq ósirýge qolaıly. Sondyqtan 2030 jylǵa qaraı óńirde taýarly balyq ósirýdi 5 myń tonnaǵa jetkizý josparlanýda.

Baǵdarlamany iske asyrý úshin 30,6 mlrd teńge qarjy qarastyrý josparlanyp otyr. Atap aıtqanda, balyq sharýashylyǵyn qoldaý maqsatynda «Baıqońyr» áleýmettik kásipkerlik korporatsııasyna 2021 jyly oblystyq bıýdjetten 1 mlrd teńge qarjy bólinedi.

«2030 jylǵa deıin 4 sharbaqtyq balyq ósirý sharýashylyǵy qurylady. Oǵan qosa taýarlyq balyq ósiretin 10 toǵan sharýashylyǵy soǵylady jáne 3 tuıyq júıeli sýmen qamtamasyz etý qurylǵysy iske qosylady. Kól-taýarly sý aıdyndary sany 55-ke jetedi. Qurama jem zaýytynda táýligine 80 tonna jem óndiriledi. Plastıkalyq qaıyq shyǵaratyn tseh salynyp, Qamystybas balyq pıtomnıgin qaıta jańǵyrtylady. Sondaı-aq, baǵdarlama aıasynda 45 kólge elektr júıesin jetkizý jáne 49 dana gıdrotehnıkalyq qondyrǵylar ornatylady», - dep málim etti oblys ákimdiginen.

Aldaǵy ýaqytta «Balyq sharýashylyǵyn damytýdyń 2021-2030 jyldarǵa arnalǵan óńirlik baǵdarlamasyn bekitý týraly» oblys ákimdiginiń qaýlysyn ázirlenedi. Aıta keteıik, Qyzylorda oblysy elimiz boıynsha alǵashqy bolyp balyq sharýashylyǵyn damytýdyń óńirlik baǵdarlamasynyń jobasyn ázirlep, Ekologııa, geologııa jáne tabıǵı resýrstar mınıstrliginen kelisim aldy.


Bizdiń kanalymyzǵa jazylyńyz:

Bólisińiz:

Avtor:

Ádiljan Úmbet

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT