+7 (701) 759 90 19
USD 412.10 EUR 454.34
RUB 5.82 CNY 57.62
Jańalyqtar

Qyzylordada aýyl ákimi tótenshe jaǵdaı kezinde toıǵa barǵan

2020 jylǵy 1 sáýir 15:43
Bólisińiz:
Qyzylordada aýyl ákimi tótenshe jaǵdaı kezinde toıǵa barǵan

QYZYLORDA. QazAqparat - Qyzylorda oblysynda kroonavırýs indetine baılanysty qalyptasqan kúrdeli jaǵdaıǵa qaramastan tártip buzǵandar bar. Olardyń qatarynda aýyl ákimi de bar, dep habarlaıdy QazAqparat tilshisi.

Bul jóninde oblys prokýrorynyń birinshi orynbasary Talǵat Álibaev óńirlik kommýnıkatsııalar qyzmetinde ótken brıfıngte málim etti.

Sońǵy derekter boıynsha oblysta 24 adam koronavırýs juqtyrǵan. Qyzylorda qalasy men Jańaqorǵan aýdanynda karantın jarııalandy. Tótenshe jaǵdaı kezinde sporttyq, oıyn-saýyq jáne basqa da buqaralyq is-sharalar, sondaı-aq otbasylyq, ataýly is-sharalardy ótkizýge tyıym salynǵan. Soǵan qaramastan Shıeli aýdany Tóńkeris aýylynyń ákimi týysqanynyń úıindegi kelin túsirý toıyna qatysqan.

«Úı ıesi Shıeli aýdandyq sotynyń qaýlysymen 10 táýlikke ákimshilik qamaýǵa alyndy. Sol sııaqty Qyzylorda qalasyndaǵy «Orıgon» kafesiniń ıesine ákimshilik hattama toltyryldy», – dedi oblys prokýrorynyń birinshi orynbasary.

Osyndaı talaptardy eskermeı, úıinde toı jasaǵan jekelegen azamattar,kafe, meıramhana jáne ózge de oıyn-saýyq oryndary tıisti jazaǵa tartylǵan. Quqyq qorǵaý organdary tarapynan tótenshe jaǵdaı jarııalanǵaly beri QR Ákimshilik quqyq buzý týraly kodeksiniń 476-babymen 49 tulǵaǵa ákimshilik hattama toltyrylǵan.

Atap aıtqanda, 14-i sottyń qaýlysymen ákimshilik qamaýǵa alynsa, 23-ne ákimshilik aıyppul salyndy. Qalǵan 12-i sot óndirisinde qaralýda.


Bizdiń kanalymyzǵa jazylyńyz:

Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT