+7 (701) 759 90 19
USD 377.09 EUR 407.37
RUB 5.93 CNY 53.95
Jańalyqtar

Qyzylordada aýdan turǵyndary kópirden ótýge qorqady

2020 jylǵy 15 qańtar 21:22
Bólisińiz:
Qyzylordada aýdan turǵyndary kópirden ótýge qorqady

JAŃAQORǴAN. QazAqparat - Senat depýtattary Murat Baqtııaruly men Bekmyrza Elamanov Qyzylorda oblysyna jumys sapary aıasynda Jańaqorǵan aýdanyndaǵy Suńqat jáne Tómenaryq aýyldarynda jergilikti halyqpen, aýdandyq mekemelerdiń basshylarymen jáne ardagerler keńesiniń ókilderimen kezdesti, dep habarlaıdy QazAqparat.

Uqsas jańalyqtar
Birjan Nurymbetov zeınetaqy jınaǵynyń áıelder úshin belgilengen shekti somasyn atady Qazaqstanda 100 myńǵa tarta kásiporynnyń zeınetaqy jarnasy boıynsha qaryzy bar Birjan Nurymbetov: Qazaqstanda zeınetaqy jınaǵy 500 myń teńgege ǵana jetetin 5,3 mln adam bar

Kezdesý barysynda «Qyzylorda-Semeı» júırik poıyzynyń Tómenaryq stansysynda aıaldaýy, áıelderdiń zeınetkerlik jasyn tómendetý, halyqty aýyzsýmen qamtý jáne ózge de máseleler talqylandy.

Senatorlar aýyldaǵy aýrýhana qurylysynyń qujattary qaralyp jatqanyn aıta kelip, kópbalaly jáne az qamtylǵan otbasylar úshin jańa sıpattaǵy áleýmettik kómekke, sondaı-aq shaǵyn jáne orta kásipkerlikti damytý jónindegi jeńildiktermen qosa, aýyl sharýashylyǵy salasyn damytýǵa baılanysty engizilgen ózgeristerge toqtaldy.

Budan bólek, depýtattar Shıeli aýdanynyń Júrek, Balabı jáne Báıgequm aýyldarynda aýrýhana qyzmetkerlerimen jáne jergilikti turǵyndarmen kezdesti. Júzdesýde kópbalaly analar áleýmettik járdemaqyǵa qatysty suraqtaryn qoıdy. Sonymen qatar, 3 aýyldyń turǵyndary aýyzsý máselesin sheshýdi jáne kóktemgi, kúzgi kezeńderde joldardy sý basatyndyqtan, «Nansaı» arnasyndaǵy kópirdi jańartýdy surady. Senatorlar barlyq máseleler turaqty baqylaýda bolatynyn, sondaı-aq jekelegen máseleler Parlament Senatynda talqylanatynyn atap ótti.

Depýtattar sondaı-aq Qorqyt ata atyndaǵy Qyzylorda memlekettik ýnıversıtetiniń oqytýshy quramymen jáne stýdenttermen kezdesti. Onyń barysynda «Pedagog mártebesi týraly» zań túsindirildi. Senatorlar sonymen qatar stýdentterge alkogolmen jáne esirtkimen mas bolýdyń zııandy saldaryn egjeı-tegjeıli túsindirip, olardyń qaıtymsyz zalaly men osy máselelerge baılanysty zańdardyń óte qatańdyǵy týraly aıtyp berdi. Budan bólek, palata ókilderi stýdentter Jastar jyly qoǵamdyq isterge belsendi qatysqany úshin alǵysyn bildirip, jastardy Qyzylorda óńiriniń kórkeıýine jáne qoǵamdyq-áleýmettik máselelerdi sheshýge belsene qatysýǵa shaqyrdy.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT