Qyzylordada asa iri mólsherde esirtki tasymaldaǵandar ustaldy
2022 jylǵy 4 shilde 22:10

Qyzylordada asa iri mólsherde esirtki tasymaldaǵandar ustaldy

QYZYLORDA. QazAqparat – Qyzylorda oblysynda asa iri mólsherde esirtki tasymaldaǵan eki adam ustaldy, dep habarlaıdy QazAqparat tilshisi.

Qyzylorda oblysy Polıtsııa departamenti patrýldik polıtsııa rotasynyń qyzmetkerleri «Shymkent-Samara» tasjolynyń Aral aýdany Shıjaǵa aýylynyń tusynda «Volkswagen» avtokóligin toqtatqan. Kólikte 49 jastaǵy kólik júrgizýshisi men jolaýshy bolǵan.

«Tekserý barysynda kólikten bir qapqa salynǵan shóp untaqtary tárkilendi. Saraptama qortyndysyna sáıkes, tárkilengen zat salmaǵy 4 keliden astam keptirilgen marıhýana ekeni belgili boldy. Atalǵan derek boıynsha QR Qylmystyq kodeksiniń 296-baby 4-bóligimen sotqa deıingi tergep-tekserý áreketteri júrgizilip jatyr. Onda asa iri mólsherdegi esirtki, psıhotroptyq zattardy, sol tektesterdi ótkizý maqsatynsyz zańsyz daıyndaý, qaıta óńdeý, ıemdený, saqtaý, tasymaldaý jaǵdaıy kórsetilgen», - dep málim etti Qyzylorda oblystyq polıtsııa departamentinen.

Vedomstvo málimetinshe, eki kúdikti Aral aýdandyq polıtsııa bóliminiń ýaqytsha ustaý ızolıatoryna qamaýǵa alyndy.

Eske salsaq, budan buryn memleketten páter áperemin dep 19 adamdy aldaǵan qyzylordalyq áıel qolǵa túsken edi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT