Qyzylordada «antıkorda isteımin» dep jalǵan kýálikpen júrgen turǵyn ustaldy
2022 jylǵy 4 mamyr 11:43

Qyzylordada «antıkorda isteımin» dep jalǵan kýálikpen júrgen turǵyn ustaldy

QYZYLORDA. QazAqparat - Qyzylordada jalǵan qyzmettik kýálikpen júrgen 34 jastaǵy qala turǵyny ustaldy, dep habarlaıdy QazAqparat tilshisi.

Qyzylorda qalalyq polıtsııa basqarmasy jedel basqarý ortalyǵynyń beınekamerasy qaladaǵy ortalyq kóshelerdiń birinde avtokólik ıesiniń jol erejesin buzǵanyn anyqtady.

Bul boıynsha polıtseılerge baǵyt-baǵdar berilip, kólik toqtatyldy.

«Patrýldik polıtsııa qyzmetkerleri kólik ıesin toqtatqan sátte júrgizýshi ózin «Antıkordyń qyzmetkerimin» dep tanystyryp, qyzmettik kýáligin usynǵan. Tekserý barysynda qyzmettik kýáliktiń jalǵan ekendigi anyqtaldy. Aıǵaqty zattar alyndy. Atalǵan derek boıynsha QR Qylmystyq kodeksiniń 385-babynyń 3-bóligimen tergeý júrip jatyr. Kúdiktige qatysty eshqaıda ketpeý jáne tıisti minez-qulyq týraly qolhat túrinde bultartpaý sharasy tańdaldy. Polıtseıler oqıǵanyń mán-jaıyn anyqtaýda», - dep málim etti basqarmadan.

Vedomstvo málimetinshe, atalǵan júrgizýshige qatysty QR Ákimshilik quqyq buzýshylyq týraly kodeksiniń 593-babynyń 2-bóligi boıynsha ákimshilik hattama toltyrylǵan.


Seriktester jańalyqtary

Jańalyqtar

Úrdis

MURAǴAT