Jańalyqtar  >

Qyzylordada alapespen aýyratyn 50 naýqas emdelip jatyr

2022 jylǵy 1 qazan, 14:15
Qyzylordada alapespen aýyratyn 50 naýqas emdelip jatyr

QYZYLORDA. QazAqparat - Ajar Ǵınııat Qazaq respýblıkalyq leprozorııdiń jumysymen tanysty, dep habarlaıdy QazAqparat vedomstvonyń baspasóz qyzmetine silteme jasap.

Densaýlyq saqtaý mınıstri Ajar Ǵınııat Qyzylorda oblysyna jumys sapary barysynda 75 tósek-orynǵa eseptelgen Qazaq respýblıkalyq leprozorııdiń jumysymen tanysty.

Búginde munda alapespen aýyratyn 50 naýqas emdelip jatyr.

Mınıstr aýyr juqpaly aýrýdy emdeý ádisterin jetildirý, naýqastardy áleýmettik ońaltý máselelerine qyzyǵýshylyq tanytty.

Leprozorıı ujymynda 12 dáriger, 36 orta býyn medıtsına qyzmetkeri, barlyǵy 185 qyzmetker bar.

Alapes - Qazaqstanda halyq densaýlyǵynyń asa kúrdeli problemasy emes. 2019 jyldyń 1 qańtaryndaǵy jaǵdaı boıynsha bizde 381 naýqas tirkelgen.

Biraq sońǵy on jylda elde bul derttiń bes jaǵdaıy jańadan anyqtalsa, taǵy beseýi qaıtalandy.

Jekelegen endemııalyq óńirlerde naýqastardyń jetkilikti kólemi shoǵyrlanǵan (báriniń 80 paıyzy).

Sondyqtan bul qıyn ınfektsııany tolyǵymen joıý týraly aıtýǵa áli erte.

Mamandandyrylǵan mekemedegi naýqastarǵa zerthanalyq dıagnostıka, fızıoterapııa, ońaltý, massaj sııaqty barlyq qajetti medıtsınalyq kómek kórsetiledi, dárihana bar.

Alapes (Hanzen aýrýy, eskirgen ataýy alapes) – teriniń, joǵarǵy tynys joldarynyń shyryshty qabattarynyń, perıferııalyq júıke júıesiniń, tirek-qımyl apparatynyń jáne ishki aǵzalardyń ártúrli klınıkalyq kórinisterimen sıpattalatyn alapes mıkobakterııalary týdyratyn sozylmaly juqpaly aýrý.

Kesh dıagnoz qoıylǵan jáne ýaqtyly emdelmegen jaǵdaıda aýrý aýyr múgedektikke ákeledi.


Foto: t.me/DenMinPR



Uqsas jańalyqtar
Seriktester jańalyqtary

Jańalyqtar