+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Qyzylordada ákim saılaýynda partııalyq emes baıqaýshylar jumys jasaýda

2021 jylǵy 25 shilde 19:09
Bólisińiz:
Qyzylordada ákim saılaýynda partııalyq emes baıqaýshylar jumys jasaýda

QYZYLORDA. QazAqparat - Qyzylorda oblysynda 40 aýyldyq okrýgte ótip jatqan ákim saılaýynda partııalyq emes baıqaýshylar jumys isteýde, dep habarlaıdy QazAqpaart tilshisi.

Uqsas jańalyqtar

«Elimizde tuńǵysh ret aýyldyq okrýg ákimderiniń saılaýy ótip jatyr. Bizdiń maqsatymyz - saılaýdyń ashyq, ádil, zańnamaǵa sáıkes ótýine úles qosý» - dedi «Partııalyq emes baıqaý ortalyǵy» respýblıkalyq qoǵamdyq birlestiginiń oblystyq fılıalynyń tóraǵasy Jandos Tusmaǵambetov.

Onyń aıtýynsha, baıqaýshylar shilde aıynyń basynda arnaıy oqý semınarynan ótken. Óz mindeti men quqyǵyn jaqsy biledi.

Baıqaýshylar tańǵy 6-dan bastap saılaý ýchaskelerinde daýys berý úderisin baqylaýda.

Saılaýǵa aýyl turǵyndary belsendi qatysyp, óz tańdaýyn jasaýda. Baqylaýshylardyń aıtýynsha, osy ýaqytqa deıin saılaý ýchaskelerinde zań buzýshylyqtar oryn alǵan joq.

Syr óńirinde 146 aýyldyq okrýgtiń 40-ynda aýyl ákimi saılanýy tıis. Bul - jalpy aýyldyq okrýgterdiń 27,4% qurap otyr.

Saılaýdy uıymdastyrýǵa 7 aýmaqtyq jáne 54 ýchaskelik saılaý komıssııasy jumyldyrylǵan.

Aýyl ákimi laýazymyna 122 kandıdat úmitker bolyp otyr. Onyń 49-y - saıası partııalardan bolsa, 80-i - ózin-ózi usynýshylar.

Orta eseppen bir orynǵa 3 kandıdattan keledi.


Bizdiń kanalymyzǵa jazylyńyz:

Bólisińiz:

Avtor:

Ádiljan Úmbet

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT