Qyzylordada abaısyzda aryqqa qulap ketken sábı kóz jumdy
2022 jylǵy 21 mamyr 17:22

Qyzylordada abaısyzda aryqqa qulap ketken sábı kóz jumdy

QYZYLORDA. QazAqparat - Qyzylorda qalasyna qarasty Qaraózek aýylynda abaısyzda aryqqa qulap ketken bes jastaǵy ul bala kóz jumdy, dep habarlaıdy QazAqparat tilshisi.

Oqıǵa búgin, 21 mamyrda saǵat 12:00 shamasynda bolǵan. Qyzylorda qalasyna qarasty Qaraózek aýylynda turatyn 2017 jylǵy sábı balalarmen birge dúkenge shyǵyp ketken.

«Sábı abaısyzda aýylǵa kire beriste ornalasqan aryqqa qulap ketip, sol jerde qaza bolǵan. Aýyl turǵyndary onyń jansyz denesin óz kúshimen shyǵaryp alǵan», - dep málim etti Qyzylorda oblystyq tótenshe jaǵdaılar departamenti órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.

Eske salsaq, budan buryn Qyzylordada sýǵa batyp ketken oqýshynyń denesi tabyldy.


Uqsas jańalyqtar

Jańalyqtar

MURAǴAT