Qyzylordada 25 jastaǵy jigit tún jarymda telemunaraǵa shyǵyp alǵan

QYZYLORDA. QazAqparat - Qyzylorda qalasynda telemunaraǵa shyǵyp alǵan jigit qutqaryldy, dep habarlaıdy QazAqparat tilshisi.

Oblystyq Tótenshe jaǵdaılar departamentine túngi saǵat 00.23-te 25 jastaǵy jigit Negodalov kóshesindegi telemunaraǵa kóterilip, qaıta túse almaı turǵany jóninde habar túsken.

Departamentke qarasty jedel qutqarý jasaǵynan 5 qutqarýshy 1 tehnıkamen, 5-inshi órt sóndirý bólimshesinen 2 qyzmetker 1 avtosatymen oqıǵa ornyna dereý jetken.

«Telemunaraǵa úsh qutqarýshy shyqty. Mamandar jigitti 116 metr bıikten tómen túsirdi», - dep málim etti Qyzylorda oblystyq Tótenshe jaǵdaılar departamenti Órt sóndirý jáne apattyq-qutqarý jumystary qyzmetinen.

Oqıǵanyń mán-jaıy anyqtalýda.