Qyzylordada 11 adam  qaza tapqan avtobýs apatyna kináliler anyqtaldy

QYZYLORDA. QazAqparat - Qyzylordada «Saýts-Oıl» kompanııasynyń 11 vahtalyq jumysshysy qaza tapqan jol apatyna kináli adamdar qylmystyq jaýapkershilikke tartylady, dep habarlaıdy QazAqparat tilshisi.

Uqsas jańalyqtar

Aqtóbede jedel járdem kóligi aýdarylyp, bir jolaýshy kóz jumdy

Almatyda trolleıbýs 4 kólikpen soqtyǵysty Qyzylordadaǵy jol apatynan taǵy eki adam kóz jumdy Qyzylorda oblysynda jol apatynan úsh adam kóz jumdy

Esterińizge sala ketelik, atalmysh oqıǵa 2019 jyldyń 3 jeltoqsanynda oryn aldy. Sonyń saldarynan «Saýts-Oıl» kompanııasynyń 10 adamy men avtobýs júrgizýshisi qaza boldy.

«Atalmysh oqıǵa boıynsha QR Qylmystyq kodeksiniń 345-babynyń 4-bóligi boıynsha tergeý amaldary bastaldy. Onda abaısyzda eki nemese odan da kóp adamnyń ólimine ákep soqqan is-áreket jaǵdaıy kórsetilgen», - dep málim etti Qyzylorda oblystyq prokýratýrasy .

Vedomstvonyń málimetinshe, óz mindetine salǵyrt qaraǵany úshin «Saýts-Oıldyń» vahtalyq jumysshylaryn tasymaldaýmen aınalysqan kompanııa dırektory qylmystyq jaýapkershilikke tartylady. Sondaı-aq, «Saýts-Oıl» JShS vahtalyq aýysym bastyǵy men «Avtotrans» JShS dırektoryna qylmystyq is qozǵaldy. Olar sınoptıkterdiń dabyldy eskertýin qaperge almaǵan. Avtobýstyń tehnıkalyq jaǵdaıyna mán bermegen. Oǵan qosa júrgizýshide joldama paraǵynyń joqtyǵyna qaramastan kóktaıǵaqta jolǵa shyǵýyna ruqsat bergen.