+7 (701) 759 90 19 Lenta
USD 385.16 EUR 425.95
RUB 6.01 CNY 54.51
Jańalyqtar

Qyzylorda jylyjaılarynda ósirilgen ónimder eksportqa shyǵarylyp jatyr

2019 jylǵy 30 maýsym 17:48
Bólisińiz:
Qyzylorda jylyjaılarynda ósirilgen ónimder eksportqa shyǵarylyp jatyr

QYZYLORDA. QazAqparat - Qyzylorda oblysynda jylyjaılardyń jumysyn jandandyrýǵa kóńil bólinetin boldy, dep habarlaıdy QazAqparat tilshisi.

Tuńǵysh Prezıdent - Elbasy Nursultan Nazarbaev 2018 jylǵy 5 qazandaǵy Qazaqstan halqyna Joldaýynda agroónerkásip kesheniniń áleýetin tolyq iske asyrý kerektigin atap kórsetken bolatyn.

Qazaqstan Respýblıkasynda agroónerkásiptik keshenin damytýdyń 2017-2022 jyldarǵa arnalǵan memlekettik baǵdarlamasyna sáıkes, oblystyń agrokartasy boıynsha bıyl agroónerkásip keshenin damytýdyń nysanaly ındıkatorlary belgilendi. Agrokarta aıasynda oblystyń aýyl sharýashylyǵy salasynda birqatar iri jobalar iske asyryldy.

«Búgingi kúni oblysta egin egý jumystary tolyǵymen aıaqtaldy. Bıyl barlyǵy 183,8 myń gektar alqapqa aýyl sharýashylyǵy daqyldary ornalasyp, mejeden 5,2 myń gektarǵa artyq oryndaldy. Agrokarta boıynsha, bıyl oblysta egilgen maıly daqyldar kólemi 7 myń gektardy, mal azyqtyq daqyldar kólemi 62,7 myń gektardy qurady», - dedi Qyzylorda oblystyq aýyl sharýashylyǵy basqarmasy basshysynyń orynbasary Marjan Ómirbaeva.

Qazirgi tańda oblys boıynsha jalpy kólemi 10,5 ga quraıtyn barlyǵy 164 jylyjaı bar. Qolda bar jylyjaılardyń 90-y naqty jumys jasap tur. Degenmen, 74 jylyjaıda eshqandaı jumys joq. Osyǵan oraı, Qyzylorda qalasy men barlyq aýdandarda jylyjaı sharýashylyǵyn damytý jóninde arnaıy is-sharalar qabyldandy. Bul baǵytta tıisti jumystar júrgizildi. Nátıjesinde, bıyl jańadan qolǵa alynǵan jáne jumysy toqtap turǵan jalpy kólemi 6,395 ga bolatyn 43 jylyjaıdy iske qosý josparlanyp otyr.

2018 jyly oblystan 34,5 mln dollardy quraıtyn 95,8 myń tonna aýyl sharýashylyǵy ónimderi eksporttalyp, 2017 jylmen salystyrǵanda 18,2% artqan. Onyń ishinde, óńdelgen aýyl sharýashylyǵy ónimderiniń úlesi 94,5% qurap otyr.

2018 jyldan bastap eksporttalatyn ónim túrleri ulǵaıtylyp, Qytaı, Túrkııa, Arab Ámirligi memleketteriniń naryǵy ıgerilýde. 2019 jyly eksportqa baǵyttalǵan jobalyq quny 5,4 mlrd teńgeni quraıtyn 9 ınvestıtsııalyq jobany júzege asyrý josparlanýda.

Bizdiń kanalymyzǵa jazylyńyz:

Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT