Qyzylorda – Jezqazǵan joly qashan jóndeledi
2022 jylǵy 23 qańtar 19:31

Qyzylorda – Jezqazǵan joly qashan jóndeledi

QARAǴANDY. QazAqparat – Qaraǵandy oblysynda kıeli jerlerge aparatyn joldar jóndeledi. Bıyl eki kesenege jaıly jol salý kózdelip otyr. Aýyl ishindegi joldardy retke keltirý jalǵasady. Osakarovka jáne Nura arasyndaǵy nashar jol qalpyna keledi. Jalpy alǵanda, respýblıkalyq, oblystyq jáne jergilikti trassalarda 1 400 shaqyrymǵa jýyq jol jóndeledi. Aldaǵy maýsymǵa arnalǵan jospar týraly Qaraǵandy oblysynyń jolaýshylar kóligi jáne avtomobıl joldary basqarmasynyń basshysy Saıat Shaımın aıtyp berdi.

- Avtoáýesqoılardy nemen qýanta alasyz?

- Ózderińiz bilesizder, sońǵy jyldary jol jumystarynyń aýqymy aıtarlyqtaı ósti. Bıyl ınfraqurylymdy jaqsartýdy jalǵastyramyz.

1 336 shaqyrym avtojoldy jóndeý josparlanǵan. Bul tek respýblıkalyq jáne oblystyq mańyzy bar magıstral ǵana emes, sonymen qatar qalalar men aýdandardaǵy joldar.

Respýblıkalyq mańyzy bar Qaraǵandy – Balqash jáne Balqash – Býrylbaıtal avtojoldarynyń ýchaskelerin qaıta jańartý jalǵastyrylady. Jańa jolmen kólikter qazirdiń ózinde júrip jatyr, biraq keıbir jerlerde aınalma joldar qaldy. Mindet – múmkindiginshe tezirek jańa joldy tolyǵymen ashý.

Taǵy bir kópten kútken joba – uzyndyǵy 208 shaqyrym bolatyn Qyzylorda –Jezqazǵan avtojolyn qaıta jańartý. Merdigerlerdi tańdaý boıynsha konkýrs jarııalandy. Onyń nátıjeleri kóktemde belgili bolady. Jóndeýge bıyl kirisýi tıis. Qarjylandyrý Azııa Damý Banki arqyly júzege asyrylady.

Jezqazǵan – Qaraǵandy jolyn qaıta jańartý úshin JSQ ázirleý bastaldy.

Oblystyq joldar boıynsha jalpy uzyndyǵy 464 shaqyrym bolatyn 29 nysan salýdy josparlap otyrmyz. Týrıster úshin de jaqsy jańalyq bar. Bıyl Joshy han men Dombaýyl kesenelerine jol salynady.

Qaıta qalypqa keltirý jumystarymen uzyndyǵy 131 shaqyrym jeti jol ýchaskesi qamtyldy. Biz ótken jyly bastalǵan jobalardy aıaqtaýymyz kerek. Buqar Jyraý aýdanynda bul Novodolınka – Shahan – Molodetskoe, Nurada – Nura – Shahter avtojoly, Jartas – Dolınka, Qaraǵandy – Úshtóbe – Qurylys, Osakarovka – Molodejnoe avtomobıl joldarynda jumystar jalǵasady. Jańaarqa aýdanynda Qarajal – Atasý joly jańartylady.

Uzyndyǵy 313 shaqyrym avtojoldardyń 20 ýchaskesinde ortasha jóndeý kózdelgen.

- Al Nura men Osakarovka arasyndaǵy problemalyq jolǵa qatysty ne aıta alasyz? Júrgizýshilerdiń qınalýy qashan doǵarylady?

- Onyń jalpy uzyndyǵy - 83 shaqyrym. Eki jylda 63 shaqyrymy jasaldy, 20-sy qaldy – bul eń problemaly ýchaske. Ony qaıta jańartýǵa oblystyq bıýdjetten qarajat bólindi. Bıyl jumystar bastalady. Onda jaramsyz topyraqty aýystyrý kerek. Sodan keıin asfaltbeton jabynynyń úsh qabaty salynady.

2023 jyly osy jobany tolyǵymen aıaqtaımyz.

- Oblysta kentishilik joldar belsendi qolǵa alyndy. Bul protsess toqtamaıdy ma?

- Joq. Bıyl «Aýyl – El besigi» arnaıy jobasy boıynsha segiz aýyldyq eldi mekendegi joldardy jóndeý josparlanǵan. Abaı aýdanynda – Taszaımka aýyly jáne ıÝjnyı kenti, Nura aýdanynda – Egindi jáne Baıtýǵan aýyldary, Buqar Jyraý aýdanynda – Botaqara aýdan ortalyǵy, Shet aýdanynda – Aqjal kenti, Ulytaý aýdanynda Qarsaqpaı temir jol stantsııasyna deıingi jol jóndeledi. Qarqaraly aýdanynda Búrkitti stantsııasyna kireberis jol ashylady.

- Al, sapa týraly máselege toqtalar bolsaq. Keıbir jerlerde asfalt qarmen birge erip ketpeı me?

- Barlyq jobalardy Ulttyq jol aktıvteri sapasy ortalyǵy fılıalynyń mamandary súıemeldeıdi. Sondaı-aq avtorlyq jáne tehnıkalyq qadaǵalaý júrgiziledi. Kóktemde tekseremiz.

Eger qandaı da bir aqaýlar anyqtalsa, onda kompanııalar olardy kepildik mindettemeler sheńberinde óz esebinen joıýy tıis. Qurylys, rekonstrýktsııalaý, kúrdeli jóndeý nysandarynda kepildik 5 jyl, ortasha jóndeý kezinde – eki jyl qoldanylady.


Jańalyqtar

MURAǴAT