+7 (701) 759 90 19
USD 380.19 EUR 419.01
RUB 6.08 CNY 54.81
Jańalyqtar

Qyzylorda oblysynyń úzdik aýyly anyqtaldy

2019 jylǵy 12 jeltoqsan 19:05
Bólisińiz:
Qyzylorda oblysynyń úzdik aýyly anyqtaldy

QYZYLORDA. QazAqparat – Táýelsizdik merekesi qarsańynda Qyzylorda oblysyndaǵy úzdik aýyl anyqtaldy. Bul shara elimiz boıynsha tek Qyzylorda oblysynda dástúrli túrde ótkizilip keledi, dep habarlaıdy QazAqparat tilshisi.

Baıqaýdyń maqsaty - jurtshylyqtyń qorshaǵan ortany qorǵaý men ornyqty damý máselelerin sheshýge jan-jaqty qatysýyn qamtamasyz etý. Onyń basty erejesi tirek aýyldyq eldi mekender arasynda eki sanat boıynsha, sondaı-aq, kógaldandyrý, abattandyrý jáne sanıtarlyq tazalyqtyń jaı-kúıi boıynsha baǵalandy.

Baıqaý eki kezeńnen turady. Alǵashqysynda aýdan jáne qalaishilik, ekinshi kezeńde oblystyq baıqaý ótkiziledi. Oblystyq komıssııa aýdan, qala ákimdikteri usynǵan aýyldyq okrýgterdiń qujattarymen tanysyp, baǵalap, úzdik aýyl anyqtalady.

Búgin oblys ákimi Qýanyshbek Ysqaqov «Úlgili aýyl» baıqaýy jeńimpazdaryn marapattady.

«Aýyldardyń jaǵdaıyn jaqsartyp, jergilikti halyqtyń turmysyn kóterý úshin elimizde «Aýyl - el besigi» jobasy qolǵa alynǵan. Bul maqsatta eldi mekenderdi damytýǵa baǵyttalǵan aýqymdy ister júrgizilýde. «Aýyl - el besigi» arnaıy jobasyn júzege asyrýǵa bıyl oblysta 1,9 mlrd teńge qarjy bólindi. Al 2020 jylǵa «Aýyl - el besigi» arnaıy jobasyn iske asyrýǵa 1,6 mlrd teńge qarastyrylǵan. Sonyń negizinde 4 eldi meken boıynsha 31 joba irikteldi. Sonymen qatar, búgin jeńimpaz bolyp tanylǵan aýyldyq okrýgterge berilgen qarjylaı syıaqynyń 80 paıyzy sol aýyldyń kórkeıip-kógaldanýyna, abattanýyna, sanıtarlyq tazalyǵyna jumsalýy tıis»,- dedi oblys ákimi.

Nátıjesinde tirekti eldi mekender baıqaýynda Qarmaqshy aýdanynyń ІІІ Internatsıonal aýyly jeńimpaz atanyp, 10 mln teńge syıaqy berildi. Ekinshi orynǵa Jalaǵash aýdany Aqqum, úshinshi orynǵa Syrdarııa aýdany Aqjarma aýyldary ıe boldy. Olarǵa 5-7,5 mln teńge tabys etildi. Al eldi mekender boıynsha Jalaǵash aýdany Tań aýyly laıyqty dep tanylyp, olar 10 mln teńge syıaqyǵa qol jetkizdi. Odan keıingi oryndardaǵy Shıeli aýdany Gıgant jáne Jańaqorǵan aýdany Qojakent aýyly 5-7,5 mln teńge aldy. Sondaı-aq, birqatar eldi mekenderge 2,5 mln teńge kóleminde yntalandyrý syılyǵy berildi.

Bizdiń kanalymyzǵa jazylyńyz:

Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT