+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Qyzylorda oblysynyń ekonomıkalyq kartasy jasalyp, 265 joba qamtyldy - Gúlshara Ábdiqalyqova

2020 jylǵy 26 qazan 08:55
Bólisińiz:
Qyzylorda oblysynyń ekonomıkalyq kartasy jasalyp, 265 joba qamtyldy - Gúlshara Ábdiqalyqova

NUR-SULTAN. QazAqparat – Pandemııa kezinde Qyzylorda oblysynda ekonomıkalyq karta jasalyp, oǵan 265 joba daıyndaldy. Bul joba aıasynda shamamen 271 mlrd. teńge ınvestıtsııa keledi. Bul týraly Qyzylorda oblysynyń ákimi Gúlshara Ábdiqalyqova «Apta» baǵdarlamasyna bergen suhbatynda aıtty, dep habarlaıdy QazAqparat tilshisi.

Uqsas jańalyqtar
Tarazdaǵy úlken toıhana azyq-túlik dúkenine aınaldy

«Bir jaǵynan, ekonomıkaǵa koronavırýs pandemııasynyń áseri bar. Ekinshi jaǵynan, munaı, jerasty qazba baılyqtarynyń baǵasy da tómendep ketti. Mysaly, bizdiń oblysty alsaq: basty qazbalardyń, óndiristiń biri – munaı men ýran. Sońǵy jyldary osy óndiristiń tómendeýi baıqalady. 2011 jyly Qyzylorda oblysynda 11 mln. tonna munaı óndirilgen bolsa, byltyr, 5,6 mln. tonna ǵana munaı óndirilgen. Bıyl 4,2 mln. tonna ǵana munaı óndirileıin dep otyr», - deıdi Qyzylorda oblysynyń ákimi Gúlshara Ábdiqalyqova.

Onyń aıtýynsha, taǵy birneshe kórsetkishtiń qarqyny tómendegen. Soǵan oraı, ınvestıtsııa tartý máselesi ózekti bolyp otyr. «Bıyl 230 mıllıard teńge shamasynda ınvestıtsııa tartamyz dep otyrmyz, biraq bul ótken jylmen salystyrǵanda tómen kórsetkish. Bul jerde de obektıvti faktorlar bar. Birinshiden, ótken jyly respýblıkalyq iri jobalar boldy. Mysaly, «Saryarqa» gaz qubyry boldy, eki gaz stansasy salyndy. Sonymen qatar kún jylý elektr stantsııasy salyndy», - deıdi ol.

Sondaı-aq, oblys ákiminiń sózine qaraǵanda, koronavırýs indeti órship turǵan kezde kóp máseleni oblysta qarap, oblys ishinde sheshý kerektigi aıqyn bolǵan. Osy baǵytta aýqymdy saraptama da jasalǵan.

«Mysaly, bizde eń qajet degen azyq-túliktiń 70-i, eń qajet degen azyq-túlik emes taýarlardyń 35-i syrttan alynady. Oılana kele ózimizdiń ekonomıkalyq kartamyzdy jasadyq. Sonymen qazirgi kezde biz 265 joba daıyndap qoıdyq. 265 joba 271 mlrd. teńge ınvestıtsııa alyp keledi dep otyrmyz. Sút ónimderin ózimizde óndirýge bolady, biraq suranys pen óndiristiń arasynda tepe-teńdik joq. Et te, kókónis te solaı. Negizinde eń qajetti degen azyq-túlikterdi qaıta óńdeýge bolady. Mysaly, pandemııa kezinde ár otbasynyń qajettiligin tolyq óteı almadyq. Túrkistan oblysyndaǵy áriptesterimizben habarlasyp, kólik jiberip otyrdyq», - deıdi ol.


Bizdiń kanalymyzǵa jazylyńyz:

Bólisińiz:

Avtor:

Zarına Qaharman

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT