Qyzylorda oblysyndaǵy 22-razezd aýylyna qazaqsha ataý beriledi

2022 jylǵy 4 jeltoqsan, 13:17
Qyzylorda oblysyndaǵy 22-razezd aýylyna qazaqsha ataý beriledi

ASTANA. QazAqparat – Qyzylorda oblysy Shıeli aýdanyna qarasty 22 razezd aýylyna qazaqsha ataý berilmek. «Ashyq» NQA portalynda jarııalanǵan oblys ákimdiginiń qaýlysy men maslıhattyń sheshim qujatynda osylaı jazylǵan, dep habarlaıdy QazAqparat tilshisi.

«Halyqtyń pikirin eskere otyryp, oblystyq ákimdik qaýlysy men maslıhat sheshimine sáıkes, Shıeli aýdanynyń Báıterek aýyldyq okrýgindegi 22 razezd aýyly Yntymaq aýyly bolyp atalsyn», - dep kórsetilgen ákimdik pen maslıhattyń birlesken sheshiminde.

Qosa keteıik, buǵan deıin Aqmola oblysyna qarasty Arshaly aýdanyndaǵy 2 aýyl men 1 aýyldyq okrýgke qazaqsha ataý berilgen edi. Atap aıtqanda, Donetskoe aýyly – Anarkól, Volgodonov aýyly – Eltoq jáne Volgodonov aýyldyq okrýgi - Eltoq aýyldyq okrýgi dep ózgerdi.


Uqsas jańalyqtar
Tegı:
Seriktester jańalyqtary

Jańalyqtar