+7 (701) 759 90 19
USD 421.91 EUR 511.57
RUB 5.59 CNY 65.2
Jańalyqtar

Qyzylorda oblysynda modýldi ınfektsııalyq aýrýhana ashylady

2020 jylǵy 4 jeltoqsan 14:30
Bólisińiz:
Qyzylorda oblysynda modýldi ınfektsııalyq aýrýhana ashylady

QYZYLORDA. QazAqparat - Qyzylordada jaqyn kúnderi modýldi ınfektsııalyq aýrýhana ashylady, dep habarlaıdy QazAqparat tilshisi.

Oblystyq densaýlyq saqtaý basqarmasynyń málimetinshe, aımaqta koronavırýs derti asqynǵan jaǵdaıda 21 ınfektsııalyq jáne provızorlyq emdeý oryndary qaıta ashylady. Olardyń jalpy sany 3 myń oryndy quraıdy. Sondaı-aq, búginde tez soǵylatyn qurylys zattarynan salynǵan 200 adamdyq modýldi ınfektsııalyq aýrýhana jaqyn kúnderi paıdalanýǵa beriledi dep kútilýde.

Aımaqta medıtsınalyq qural-jabdyqtarmen qamtamasyz etý deńgeıi artyp keledi. Bastapqyda ókpeni jasandy jeldetý (IVL) apparattarynyń sany 76 bolsa, qazir 244 danaǵa jetip otyr. Oǵan qosa, jergilikti bıýdjetten 4 flıýro jáne 6 dana statsıonarly rentgen apparatyn satyp alý josparlanýda.

Kópbeıindi oblystyq aýrýhana bazasynda ottegi stantsııasy iske qosyldy. Al Qazaly aýdanynda 1 ottegi stantsııasy salynýda.

«Shilde aıynan bastap emhanalar deńgeıinde qala, aýdan ákimdikterimen birlesip, úı jaǵdaıynda dárigerlik jáne dınamıkalyq baqylaýdy qajet etetin 161 mobıldi brıgada uıymdastyryldy. Olardyń árbiri 5 myń adamǵa qyzmet kórsetti. Brıgadalardyń 38-i qalada bolsa, 28-i aýdan ortalyqtary jáne 95-i eldi mekende jumys jasady», - dedi oblystyq Densaýlyq saqtaý basqarmasy basshysynyń orynbasary Oljas Iskakov.

Jedel járdem qyzmetine jergilikti bıýdjet esebinen lızıng arqyly tolyǵymen jabdyqtalǵan 40 jedel járdem reanımobılderi jetkizildi. Odan bólek, 2 jyljymaly medıtsınalyq keshen kiltteri Jalaǵash, Qarmaqshy aýdandyq aýrýhanalaryna tapsyryldy.

Esterińizge sala ketelik, Qyzylordada koronavırýspen kúreske qarsy medıtsına qyzmetkeriniń rezervi quryldy.
Bizdiń kanalymyzǵa jazylyńyz:

Bólisińiz:

Avtor:

Ádiljan Úmbet

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT