+7 (701) 759 90 19
USD 399.51 EUR 447.33
RUB 5.78 CNY 56.10
Jańalyqtar

Qyzylorda oblysynda koronavırýs juqtyrǵandarmen qarym-qatynasta bolǵan 388 adam anyqtaldy

2020 jylǵy 31 naýryz 17:09
Bólisińiz:
Qyzylorda oblysynda koronavırýs juqtyrǵandarmen qarym-qatynasta bolǵan 388 adam anyqtaldy

NUR-SULTAN. QazAqparat – Qyzylorda oblysynda koronavırýs juqtyrǵan adamdarmen qarym-qatynasta bolǵan 388 adam anyqtaldy. Onyń ishinde 101 adam juqtyrǵandarmen jaqyn qarym-qatynasta bolǵan, dep habarlaıdy QazAqparat tilshisi.

«Jalpy oblysymyzda koronavırýsqa qarsy statsıonarlarda tósek oryndar daıyndalǵan. Qazirgi tańda 135 tósek orynǵa deıin keńeıtildi. Sonymen qatar provızorlyq statsıonar 100 tósek oryn bolsa, qazir 260 tósek orynǵa deıin keńeıtildi. Karantındik qosymsha 600 tósek oryn bar», - dedi Qyzylorda oblysynyń densaýlyq saqtaý basqarmasynyń basshysy Jaqsylyq Ábdýsámetov «Habar 24» arnasynda tikeleı efırden sóılegen sózinde.

Basqarma basshysy oblys aýmaǵyna syrttan kelgen azamattardyń bári de baqylaýǵa alynǵanyn aıtyp ótti.

«1A sanatyndaǵy elderden kelgen 33 azamat bar. Onyń 9-y aýrýhanada oqshaýlansa, 23-i úı jaǵdaıynda. 1V sanatynan kelgen 148 azamattyń 12-i aýrýhana, qalǵan 136-y úı jaǵdaıynda oqshaýlaýǵa alynǵan. Medıtsınalyq uıymdardyń qyzmetkerleriniń bári qazirgi ýaqytta syrttan kelgen azamattardy anyqtaý jáne úıde baqylaý jumystaryn júrgizýde. Juqpaly aýrýlardyń aldyn alý, taralýynyń qaýpin boldyrmaý maqsatynda aýyr naýqastarǵa jáne jalǵyzbasty analarǵa qatysty dári-dármekti úıdi-úıge taratý jumystary jolǵa qoıylǵan», - dedi ol.

Jaqsylyq Ábdýsámetov sondaı-aq Qyzylorda oblysynda koronavırýs juqtyrǵan azamattarmen qarym-qatynasta bolǵan 388 adamnyń anyqtalǵanyn qosyp ótti.

«Onyń ishinde 101-i tyǵyz qarym-qatynasta bolǵan. Atalǵan azamattar úı karantıninde. Aldynda anyqtalǵan 9 azamat em alyp jatyr. Qazirgi dınamıkada jaǵdaılarynyń nasharlaǵany baıqalmaıdy. Osy naýqastardy emdeýge qajetti dári-dármek qory bar», - dedi ol.

Basqarma basshysy el ishinde toı-jıynǵa barmaý týraly nasıhat jumystary júrgizilip jatqanyn jetkizdi.

«Bir úıdiń azamattarynan jáne sol tóńirektegi kósheniń boıynda turatyn azamattardan osynsha naýqastyń tirkelýi – saqtaný sharalarynyń tolyq kólemde oryndalmaýynan bolyp otyrǵanyn atap ótkimiz keledi. Aldaǵy ýaqytta turǵyndardy oqshaýlaý máselesine mán berýge, indettiń taralýyna jol bermeýge shaqyramyz», - dedi ol.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT