Qyzylorda oblysynda elsiz dalada qalyp qoıǵan 19 adam qutqaryldy
2022 jylǵy 23 qańtar 03:09

Qyzylorda oblysynda elsiz dalada qalyp qoıǵan 19 adam qutqaryldy

QYZYLORDA. QazAqparat - Qyzylorda oblysynda tún ishinde kólikpen aıdalada qalyp qoıǵan 19 adam qutqaryldy, dep habarlaıdy QazAqparat tilshisi.

Oqıǵa búgin, 22 qańtarda túngi saǵat 4.00 shamasynda bolǵan.

Túrkistan oblysynyń Jetisaı qalasynan Qyzylorda oblysynyń Qarmaqshy aýdanyna bet alǵan «Mercedes-Benz Sprinter» avtokóligi negizgi baǵytynan adasyp, aýa raıynyń qolaısyzdyǵynan basqa jolǵa túsip ketken.

«Avtokóliktiń akkýmýlıatory buzylyp, jolaýshylar aıdalada qalyp qoıǵan. Oqıǵa ornyna tótenshe jaǵdaılar salasy jáne №14 órt sóndirý bóliminen 4 qyzmetker bardy. Avtokólikti jóndep, jolaýshylardy negizgi jolǵa baǵyttap jiberdi», - dep málim etti Qyzylorda oblystyq tótenshe jaǵdaılar departamenti órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.

Eske salsaq, Qyzylorda oblysyndaǵy jol apaty 8 adamnyń ómirin qıyp ketti.



Jańalyqtar

MURAǴAT