Qyzylorda oblysynda bıyl 288 ınternet-alaıaqtyq qylmysy tirkelgen
2022 jylǵy 16 tamyz 23:40

Qyzylorda oblysynda bıyl 288 ınternet-alaıaqtyq qylmysy tirkelgen

QYZYLORDA. QazAqparat - Qyzylorda oblysynda bıyl 288 ınternet-alaıaqtyq qylmysy tirkelgen, dep habarlaıdy QazAqparat tilshisi.

Óńirde bıyl alaıaqtyq qylmystardyń 529 deregi tirkelgen. Oblys aýmaǵynda atalǵan sanattaǵy qylmystar azaıǵan. Degenmen ınternet-alaıaqtyq artyp ketken.

«Alaıaqtar uıaly telefonǵa habarlasyp, ózin bank qyzmetkeri retinde tanystyrady nemese ózge tásilmen jábirlenýshini aldaý arqyly atynan nesıe rásimdetip alady. Bul qarjyny ózge adamdardyń esepshottaryna aýdartyp alý jaǵdaıy kezdesedi. Ótken aıda osyndaı 31 alaıaqtyq qylmys jasaǵan kúdikti qolǵa túsip, tergeý amaldary júrgizilýde», - dedi Qyzylorda oblysynyń polıtsııa departamentiniń krımınaldyq polıtsııa basqarmasynyń aǵa jedel ýákili Danııar Dóńesuly.

Sondaı-aq, áleýmettik jeliler men onlaın habarlandyrý qosymshalarynda qarajatty eselep berý, tıimdi shartpen saýda-sattyq jasaý tásilimen qyzyqtyrý arqyly aldaý deregi de jıi kezdesedi. Alaıaqtyq qylmystarynyń, onyń ishinde ınternet alaıaqtyq qylmystarynyń aldyn alý maqsatynda Qyzylorda oblysy polıtsııa departamenti tarapynan arnaıy jospar qurylǵan.

Eske salsaq, budan buryn otbasy shyrqyn buzǵan 852 qyzylordalyq esepke alyndy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT