+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Qyzylorda oblysynda ákim saılaýyna turǵyndar belsene qatysýda

2021 jylǵy 25 shilde 11:15
Bólisińiz:
Qyzylorda oblysynda ákim saılaýyna turǵyndar belsene qatysýda

QYZYLORDA. QazAqparat - Qyzylorda oblysy Jalaǵash aýdanyna qarasty Qaraketken eldi mekeninde aýyl ákimi saılaýyna 4 adam úmitker retinde tirkelgen, dep habarlaıdy QazAqparat tilshisi.

Uqsas jańalyqtar

Elimiz úshin mańyzdy shara tańǵy ýaqytta bastaldy. Eldi mekendegi №657 saılaý ýchaskesine jınalǵan kópshilik óz tańdaýyna jasaýǵa belsendilik tanytyp otyr. Saılaý ýchaskesiniń tóraıymy munda 15 baqylaýshy jumys jasap jatqanyn aıtty. Olardyń qatarynda partııalar qatarynan kelgen azamattar, senimdi ókilder bar.

Alǵashqy daýysty kópbalaly ana, zeınetker Ryskal Qaldanova berdi. Ol kisi saılaýǵa túsken tórt azamattyń da baǵdarlamasymen tolyq tanys ekenin atap ótti.

«Aıta keteıik, bul elimizdiń saıası ómirinde mańyzy zor shara. Ol halyqtyń ózin-ózin basqarý isinde jasalǵan izgi qadamnyń biri. Aýyldyq okrýgte saılaýǵa túsip jatqan tórt azamat ta halyqtyń muń-muqtajyn sheshýge belsene atsalysady degen oıdamyn. Bul baǵytta elmen etene jumys jasaý arqyly kóptegen túıtkil sheshimin tabady degen oıdamyn», - dedi R. Qaldanova

Al Jánibek Salmanov bıyl 18-ge endi tolǵan. Alǵash ret saılaýǵa qatysyp otyr. Ol aýyl damýyna osylaısha óz úlesin qosqanyna aıtady.

Aıta keteıik, óńirdegi jeti aýdanda aýyl ákimi saılaýy ótýde. Saılaýǵa 40 aýyldyq okrýgte 131 úmitker qatysýda.

Oblys boıynsha 54 saılaý ýchaskesinde daýys berý ótip jatyr. Oǵan 304 komıssııa múshesi tartylǵan.

Saılaý komıssııalarynyń usynǵan derekterine sáıkes 2021 jylǵy 25 shildedegi saǵat 09.00-degi jaǵdaı boıynsha saılaý bıýlletenderin tizimge engizilgen saılaýshylardyń jalpy sanynyń 23,6 % aldy.


Bizdiń kanalymyzǵa jazylyńyz:

Bólisińiz:

Avtor:

Ádiljan Úmbet

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT