+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Qyzylorda oblysyn sý basý qaýpi bar ma - mınıstrlik jaýaby

2019 jylǵy 5 jeltoqsan 19:13
Bólisińiz:
Qyzylorda oblysyn sý basý qaýpi bar ma - mınıstrlik jaýaby

NUR-SULTAN. QazAqparat – Qyzylorda oblysynyń eldimekenderin sý basý qaýpi joq. Bul týraly QR Ekologııa, geologııa jáne tabıǵı resýrstar mınıstrligi málimdedi, dep habarlaıdy QazAqparat.

«Qazirgi ýaqytta respýblıka boıynsha ózenderde muz qatyp jatyr. Syrdarııa transshekaralyq ózen jáne onyń ereksheligi – ońtústikten soltústikke qaraı aǵady. Muzdyń qatýy Aral teńizi jaqtan bastalady. Bul, jyl saıyn qaıtalanatyn tabıǵı qubylys. Bıyl qarasha aıynyń sońynda Qarmaqshy aýdany, Josaly kenti janyndaǵy ózende shamamen 20-25% qabyrshaq muz qatty jáne Baltyq júıesi boıynsha sý deńgeıi 98,46 metr boldy. Jeltoqsan aıynyń basynda jylyný saldarynan qabyrshaq muz qatý protsesi tómendep, 5% qurady», - dedi mınıstrliktiń Sý resýrstary komıtetiniń tóraǵasy Arman Turlybek búgin Ortalyq kommýnıkatsııalar qyzmetinde ótken brıfıngte.

Onyń aıtýynsha, muz qatý Qyzylorda qalasynan 300 km jáne Josaly kentinen 5 km jerlerde baıqalady.

«Tutynýdyń joqtyǵynan osy aımaqta sý shyǵyny sekýndyna 280 tekshe metrge deıin ósti. Tıisinshe, ózendegi sý deńgeıi 99,89 metrge kóterildi. Munyń bári uzaq merzimdi ortasha statıstıkaǵa, muzdyń paıda bolý protsesterine sáıkes keledi. Biz Tótenshe jaǵdaılar komıteti jáne oblys ákimdigimen birlesip, turaqty baqylaý júrgizip otyrmyz. Qyzylorda oblysyndaǵy eldimekenderdi sý basý qaýpi joq», - dedi Arman Turlybek.

Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT