USD 435.1 EUR 493.27
RUB 5.69 CNY 68.63
Jańalyqtar

Qyzylorda oblysyn gazdandyrý jumysy qarqyndy júrgizilýde

2021 jylǵy 5 qazan 22:14
Bólisińiz:
Qyzylorda oblysyn gazdandyrý jumysy qarqyndy júrgizilýde

QYZYLORDA. QazAqparat - Qyzylorda oblysynda gazdandyrý jumystary qarqyndy júrgizilip keledi. Qazir onyń negizgi úles 65% jetti, dep habarlaıdy QazAqparat tilshisi.

Oblys ákimi Gúlshara Ábdiqalyqova oblystyq máslıhattyń kezekti sessııasynda 8 aı qorytyndysyn saralap, birqatar salalarda oń dınamıka qalyptasqanyn málimdedi.

Oblysta gazdandyrý jumystary qarqyndy júrýde. Negizgi úles 65 paıyzǵa jetti. Bıyl Tereńózek, Josaly men Jalaǵash kentteri sekildi aýdan ortalyqtary gazdandyrylǵan. Al jyl sońyna deıin Qazaly qalasy, Shıeli aýdanyndaǵy Bekejanov jáne Qodamanov aýyldaryn gazdandyrý aıaqtalady. Al Qyzylorda qalasyna qarasty Naýryz jáne Mahambetov aýyldaryn gazdandyrý sharasyna respýblıkalyq bıýdjetten 500 mln teńge qarjy bólinip, oǵan merdiger anyqtaldy. Qurylys jumystary osy aıda bastalady dep kútilýde. Jyl sońyna deıin oblysta gazben jabdyqtaý úlesin 67,4 paıyzǵa deıin jetkizý josparlanyp otyr.

Sondaı-aq, oblysta bıylǵy jyldyń 8 aı qorytyndysy boıynsha birqatar salada oń dınamıka baıqaldy. Atap aıtqanda, esepti merzimde negizgi kapıtalǵa salynǵan ınvestıtsııa kólemi 158,1 mlrd teńgeni qurap, ótken jyldyń esepti kezeńimen salystyrǵanda 3,3% joǵarylady. Al, jeke ınvestıtsııalar kólemi 114,8 mlrd teńgeni (úlesi 72,6 %) qurap, ótken jyldyń 8 aıymen salystyrǵanda 11,1% artty. Turǵyn úı salý jospary 644,7 myń sharshy metr bolsa, 8 aıda turǵyn úıdi paıdalanýǵa berýdiń boljamdy kólemi 443,3 myń sharshy metrdi qurap otyr.

Óńirde qazirge deıin 4 áleýmettik nysan paıdalanýǵa berildi. Jyl sońyna deıin 15 nysannyń qurylysy ael ıigiligine aınalady.

Eske salsaq, budan buryn Gúlshara Ábdiqalyqova Eýropa qaıta qurý jáne damý bankiniń ókilderimen kezdesti.


Bizdiń kanalymyzǵa jazylyńyz:

Bólisińiz:

Avtor:

Ádiljan Úmbet

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT