Qyzylorda qalasynda elektr energııasyn berý shekteldi
2022 jylǵy 25 qańtar 13:26

Qyzylorda qalasynda elektr energııasyn berý shekteldi

QYZYLORDA. QazAqparat - Qyzylorda qalasynyń birqatar aýmaǵynda aqaýlyqqa baılanysty elektr energııasyn berý ýaqytsha shekteldi, dep habarlaıdy QazAqparat tilshisi.

Bul jóninde Qyzylorda qalasynyń ákimdigi málim etti.

Elektr jaryǵyn ýaqytsha óshirý KEGOK AQ mekemesiniń menshigindegi 220kV áýe jelisiniń boıynda aqaý týyndaýyna baılanysty qabyldanyp otyr. Shekteý búgin jergilikti ýaqytpen 11.00-de bastaldy.

«Osyǵan baılanysty qala ortalyǵy, Tasbóget, Belkól kentteri jáne Aqsýat aýyldyq okrýginde elektr jaryǵy ýaqytsha óshirildi. Osyǵan oraı aýyz sý berý ýaqytsha toqtatyldy. Qazirgi tańda qalpyna keltirý jumystary júrgizilýde», - dep málim etti Qyzylorda qalasynyń ákimdiginen.


Jańalyqtar

MURAǴAT