Qyzylorda emdeý oryndarynda koronavırýspen kúreste nátıjeli jumystar atqaryldy

QYZYLORDA. QazAqparat - Qyzylorda oblysynda koronavırýspen kúres baǵytynda oblystyq aýrýhana men psıhıkalyq densaýlyq ortalyǵynyń mamandary qajyrly eńbek etti, dep habarlaıdy QazAqparat tilshisi.

Uqsas jańalyqtar

Almaty oblysynda vaktsınatsııalaýdyń ekinshi kezeńi bastaldy

Jańa qaýly: 27-shi aqpannan bastap Aqmola oblysynda qandaı shekteýler alynady Koronavırýspen kúres: Vaktsınanyń ekinshi partııasyn jetkizý bastaldy COVID-19: Aqmola oblysynda 34 mektep qashyqtan oqytýǵa kóshti

Pandemııamen kúreste kópbeıindi oblystyq aýrýhananyń fıltr bóliminde 180 tósek oryn daıyndalǵan. Onyń ishinde jańsaqtaý palatasynda 20 tósek oryn jáne ota zaly jabdyqtaldy. Sondaı-aq, fıltr jáne qabyldaý bólimderinde 150 medıtsına qyzmetkeri jumys istedi.

«Aýrýhanada 15373 naýqas emdeldi. Oǵan qosa pandemııa kezinde 30 orynǵa arnalǵan ınfektsııalyq bólim ashylyp, 87 naýqas em aldy. Qabyldaý jáne fıltr bólimderine 144 dana ortalyqtandyrylǵan ottegi júıesi ornatyldy. Munan ózge, oblystyq aýrýhananyń materıaldyq-tehnıkalyq bazasy jańa zamanaýı medıtsınalyq qural-jabdyqtarmen tolyqtyryldy. ıAǵnı, 326 ottegi rozetkasy, tsıfrlyq jyljymaly rentgen, «S-dýga» rentgen-apparattary, 3 narkoz jáne jansaqtaý tósek oryny, 9 IVL apparaty alyndy», - dedi kópbeıindi oblystyq aýrýhananyń bas dárigeri Nurıdın Amıtov.

Mundaı jumystar oblystyq psıhıkalyq densaýlyq ortalyǵynda da júzege asty.

«Іndet órshigen ýaqytta oblystyq psıhıkalyq densaýlyq ortalyǵyna qarasty «Seıhýn» provızorlyq statsıonary ashylyp, 1 aı jumys istedi. 1000-ǵa jýyq naýqasty qabyldap, medıtsınalyq kómek kórsettik»,-dedi oblystyq psıhıkalyq densaýlyq ortalyǵy dırektorynyń orynbasary Gúlaıym Seıilhanova.

Esterińizge sala ketelik, Qyzylordada jyl basynan beri 114 adam koronavırýs juqtyrǵan.