+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Qyzylorda ákimi qaladaǵy birqatar nysandy aralady

2020 jylǵy 11 shilde 22:43
Bólisińiz:
Qyzylorda ákimi qaladaǵy birqatar nysandy aralady

QYZYLORDA. QazAqparat - Qyzylorda qalasynyń ákimi Nurlybek Nálibaev qaladaǵy epıdemıologııalyq ahýaldy turaqtandyrý men indettiń aldyn alý sharalaryn saralaý maqsatynda birqatar nysandy aralady, dep habarlaıdy QazAqparat.

Qala basshysy aldymen, indetpen tynymsyz kúresip, oqshaýlaý ortalyqtarynda jatqan medıtsına salasynyń qyzmetkerlerimen kezdesti.

Halyqtyń amandyǵy úshin kúrdeli jumys jasap jatqan dárigerlermen tildesken shahar basshysy qolaıly jaǵdaı jasalatynyn jetkizdi.

«Biz úshin árbir adamnyń amandyǵy - ómiri qymbat. Sizderdiń eren eńbekterińiz sheksiz. Barlyq jaǵdaılaryńyzdy jasaımyz. Meniń orynbasarlarym, bólim basshylary mán-jaıdy qadaǵalap, qajettilikterdi jetkizedi», - dedi ol.


Qala ákimdigi tarapynan medıtsına qyzmetkerleriniń qaýipsizdigin qamtamasyz etip, qolaıly jaǵdaı jasaý jolǵa qoıylǵan. Máselen, dárigerlerdi ornalastyrý úshin «Syrdarııa» lagerinen 100 oryn daıyndalsa, «Bella Vista» kesheni de óz ǵımaratyn paıdalanýǵa usyndy. Budan bólek, «Qyzylorda» qonaqúıi basshylyǵy qalalyq aýrýhana qyzmetkerleri úshin 120 oryn bólgen.

Dárigerlerdi tasymaldaý qyzmetine qala ákimdigi tarapynan arnaıy avtokólikter qarastyrylǵan. Eldegi ahýal turaqtalǵansha bul kólikter medıtsına qyzmetkerlerine, densaýlyq saqtaý salasyna qyzmet kórsetetin bolady.

Munan soń shahar basshysy juqpaly aýrýlar emhanasynyń mamandary oqshaýlanǵan «Syrdarııa» tynyǵý lagerine bardy.

Kezdesý barysynda lagerdegi dárigerlerdiń jaı-kúıin bile otyryp, kadr tapshylyǵy boldyrmaý maqsatynda úıde otyrǵan dárigerlermen medıtsına mamandyǵynyń sońǵy kýrsynda oqyp júrgen myqty stýdentterdi jumysqa tartýdy tapsyrdy. Qosymsha shtat ashýǵa qarjylaı múmkindik bolmasa, belsendi kásipkerler arqyly jalaqy jaǵyn sheship beretindigin jetkizdi.


N.Nálibaev dárihanalardy aralaý barysynda turǵyndarmen tildesip, halyqqa qajetti farmatseftıka ónimderiniń qory jaqyn kúnderi tolyqtaı sheshimin tabatynyn jetkizdi.

Jalpy, dári tapshylyǵy Qyzylorda óńirinde ǵana emes, barlyq óńirlerde baıqalýda. Degenmen, dárihanalar aldaǵy kúnde dárimen tolyǵymen qamtamasyz etilmek. Qala ákimi dári-dármektiń baǵasy negizsiz qymbattamaýyn, sondaı-aq halyqqa jetkilikti bolýy tikeleı memleket basshysynyń baqylaýynda ekenin jetkize otyryp, uzyn sonar kezekti boldyrmaý maqsatynda dárihanalardyń syrtynda bar dárilerdiń tizimimen, satylymda joq dárilik preparattardyń qaı ýaqytta bolatynyn jazyp, kórsetip qoıýdy tapsyrsa, múmkindigi shekteýli jandarǵa, zeınetkerler men bala kútimindegi ata-analarǵa dári-dármekti adresti jetkizý jumystaryna volonterlardy jumyldyrýdy sala basshylaryna júktedi.


Qyzylorda ákimi aralaǵan kelesi nysan - «Kvant» mehanıkalyq zaýyty. Bul óndiris orny qala aýrýhanalaryn kúnine 200 ottegi ballonymen qamtamasyz etýde. Óndiristiń qýattylyǵyn arttyrý maqsatynda Baıqońyr qalasyndaǵy kıslorod-azot zaýytynan daıyn ottegini aldyrýǵa yqpal jasaýyn suraǵan mekeme basshysyna qala ákimi tolyq qoldaý bildiretindigin jetkizdi.

Aıta ketý kerek, ottegi ballondaryn tasymaldaý qyzmeti aımaǵymyzdaǵy kásipkerlerdiń jáne erikti azamattar men qoǵam belsendileriniń kómegimen júzege asýda.

Qajettilikti óteý maqsatynda ottegimen emhanalardy qamtamasyz etip otyrǵan kásiporynnyń taǵy biri «Shyńǵys LTD» JShS. Seriktestik medıtsınalyq mekemelerge kúnine 300-400 ottegi ballonyn jetkizýde.

«Shyńǵys LTD» JShS dırektory qala basshysyna aýdandarǵa ottegi ballonyn jetkizýdi qolǵa alý úshin transport máselesi jetispeı turǵanyn jetkizdi. Qala ákimi Nurlybek Mashbekuly eshqandaı máselesiz transportty sol mezette sheship berdi.


«Qysyltaıań ýaqytta qol qýsyryp qarap otyrmaı, elge qyzmet etýdiń jarqyn úlgisin kórsetip júrgen barsha belsendi azamattarǵa úndeý jasadyq. Belsendi jandar bizdi qoldap, ıgi iske uıysa ketti. Qıyn kezde elge kómektesip jatqan kásipkerlerge oblys basshysynyń, aımaq turǵyndarynyń atynan alǵysymdy bildiremin», - dep qala ákimi rızashylyǵyn bildirdi.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Úmbet Sholpan
Úmbet Sholpan
954-059

MURAǴAT