«Qyzyl» aımaqtaǵy Qostanaı oblysynda karantın 7 jeltoqsanǵa deıin sozyldy

QOSTANAI. QazAqparat - Qostanaı oblysynda karantın sharalarǵy 7 jeltoqsanǵa deıin uzartyldy, dep habarlaıdy QazAqparat.

Uqsas jańalyqtar

Almaty oblystyq sotynyń ǵımaraty karantınge jabyldy

Rýdnyıda oıyn klýby karantınge qaramastan jumys istep turǵan Karantın: Elordada bir táýlikte 108 kásipkerlik nysan tekserildi Qyzylorda oblysynda 6 myń túlek segiz testileý ortalyǵynda UBT tapsyrady

Esterińizge sala keteıik, 16 qarashadan bastap Qostanaı oblysynda qatań karantın sharalary engizilgen bolatyn.

Oblystyq jedel shtabtyń sheshimimen jabyq sport obektileriniń jumysyna tyıym salyndy. Sonymen qatar qoǵamdyq tamaqtaný oryndaryna shekteý engizildi, atap aıtqanda, 1 ústelge 4 adamnan artyq otyrmaıdy, ústelder arasyndaǵy qashyqtyq 2 metrden kem bolmaýy tıis, al taǵamdy jetkizý qyzmetine saǵat 22:00-ge deıin ruqsat etildi.

Basseınderdiń jumysyna tyıym salynyp, monsha men saýna 09-19.00 arasynda ǵana isteıdi. Sanatorıı men demalys bazalarynyń jumysy toqtatylǵan.

Demalys jáne mereke kúnderi avtomobılder men aýyl sharýashylyǵy tehnıkasyna arnalǵan qosalqy bólshek satatyn dúkender istemeıdi.

Medıtsınalyq-áleýmettik sala obektileriniń jumysy karantın rejımine kóshirildi.

Balalar sektsııasy, úıirmelerdiń qyzmetine tyıym salynyp, profılaktıkalyq egýdi qospaǵanda, medıtsına-sanıtarııa alǵashqy kómek kórsetý uıymdarynda josparly skrınıng pen profılaktıkalyq tekserý jasaýdy toqtata turý jóninde sheshim qabyldanǵan.

Qostanaı jáne Rýdnyı qalalaryna kirip-shyǵýǵa tyıym salynǵan.

Búgin Qostanaı oblysynyń bas sanıtar dárigeri Vladımır Nechıtaılo jańa qaýly shyǵardy.

Oǵan sáıkes, atalǵan shekteý sharalary 7 jeltoqsan saǵat 00:00 deıin sozyldy.

Qaýlynyń tolyq mátinimen myna siltemede tanysýǵa bolady.