Qyzmetimdi jalǵastyrǵym keledi: Qańtar oqıǵasynan keıin búıregi isten shyqqan polıtseı
2022 jylǵy 20 aqpan 22:54

Qyzmetimdi jalǵastyrǵym keledi: Qańtar oqıǵasynan keıin búıregi isten shyqqan polıtseı

ALMATY. QazAqparat – Bıylǵy qańtar aıynyń basynda Almatydaǵy jappaı tártipsizdikter kezinde polıtseıler men áskerı qyzmetshiler qaza boldy, aýyr jaraqattar aldy, dep habarlaıdy QazAqparat.

Aýyr jaraqat alǵandardyń biri – Ǵazız Nurǵalymov. Ol – Almaty qalalyq Polıtsııa departamenti Áýezov aýdany Polıtsııa basqarmasynyń ýchaskelik ınspektory. Іshki ister organdarynda 2014 jyldan beri jumys isteıdi. Búlik kezinde ozbyr toptyń arasynda qalyp qoıǵan polıtsııanyń aǵa leıtenanty qazir qalalyq aýrýhanalardyń birinde em alyp jatyr. Moınyna zaqym alǵan ınspektor Polisia.kz saıtynyń tilshisine bolǵan oqıǵany egjeı-tegjeıli áńgimelep berdi.

«Keshke qaraı adam kóbeıe bastady. Adamdar aggressıvti boldy. Teýip, qalqanymyzdy julqylap, kúsh kórsete bastady. Bizdi, áskerı qyzmetshilerdi jerge jatqyzyp, bastaryp jardy, meniń moınyma temirmen soqqy jasady. Talyp qaldym», - deıdi ol.

Qazir polıtseıdiń búıregi isten shyqqan. Kóp júrse esinen tanyp qulaıdy.

«Búıregim istemeı, qan qasymym joǵarylap jatqanyn aıtty. Moınymdy tesip, trýbkalar qoıdy da, shuǵyl túrde apparatqa qosty. Kóp júrýge bolmaıdy. Dıalızden sharshaısyń, 6 saǵattan 12 saǵatqa deıin qozǵalmaı jatasyń. Gemodıalız jasap jatyr. Kóp júrsem talyp qalamyn. Aýrýhanada jatqanyma 1 aıdan asty», - deıdi polıtsııa qyzmetkeri.

Ǵ.Nurǵalymov muny qarapaıym halyq jasamaǵanynan senimdi.

Ǵazız bala kezinen polıtseı bolýdy armandaǵan. Ol halyq ıgiligi úshin qyzmet etýge árdaıym daıyn. «Aýrýhanadan shyqqannan keıin qyzmetimdi jalǵastyramyn», - dedi ol.

Jappaı tártipsizdik saldarynan polıtsııanyń jáne Ulttyq ulannyń 3037 qyzmetkeri zardap shekti. Qazir olardyń 107-si asa aýyr jaraqattarynan em alýda. Іshki ister organdarynyń 8 qyzmetkeri qaza boldy.




Uqsas jańalyqtar
Seriktester jańalyqtary

Jańalyqtar

Úrdis

MURAǴAT