Qyzmet babynda qaza tapqan polıtseıdiń otbasyna páter kilti tabystaldy
2022 jylǵy 25 maýsym 19:01

Qyzmet babynda qaza tapqan polıtseıdiń otbasyna páter kilti tabystaldy

NUR-SULTAN. QazAqparat – QR Іshki ister organdarynyń qurylǵanyna 30 jyl tolýyna oraı ótken merekelik kontsertte elorda ákimi Altaı Kólginov qyzmet babynda qaza tapqan polıtseıdiń otbasyna páter kiltin tabystady, dep habarlaıdy QazAqparat Nur-Sultan qalasy PD baspasóz qyzmetine silteme jasap.

Atap aıtqanda, páter kilti Nur-Sultan qalasy PD Mamandandyrylǵan patrýldik polıtsııa batalonynyń aǵa ınspektory Baýyrjan Sambetovtyń jubaıy Farıza Sambetovaǵa berildi. Marqumnyń artynda bes balasy qalǵan.

«Biz qaza bolǵan qyzmetkerlerimizdiń qaısarlyǵy men erligine zor qurmetpen qaraımyz. Erik-jigeri men rýhynyń jeńilmeıtindigin kórsetip, antyna sońyna deıin adal bolyp, ózgelerdi qutqarý jolynda janyn pıda etip, paryzyn abyroımen atqardy. Jalpy, táýelsizdik jyldarynda elordalyq departamenttiń 27 ofıtseri qyzmet babynda jáne qyzmettik mindetterin atqarý kezinde qaza tapty», - dedi Nur-Sultan qalasy Polıtsııa departamentiniń bastyǵy, general-maıor Marat Tólebaev.

Sondaı-aq, qyzmettik mindetterin adal atqarǵany, jumysta joǵary nátıjelerge qol jetkizgeni úshin ІІM Mınıstriniń buıryǵymen jáne Nur-Sultan qalasy PD bastyǵynyń buıryǵymen elordalyq polıtsııa qyzmetkerlerine basshy quramnyń arnaýly ataqtary merziminen buryn berildi jáne medaldar, gramotalar men alǵys hattar tabystaldy.

Bir satyǵa bıik basshy quramnyń «polıtsııa polkovnıgi» arnaýly ataǵy Nur-Sultan qalasy PD Jergilikti polıtsııa qyzmeti basqarmasynyń aǵa ınspektory, polıtsııa podpolkovnıgi Botagóz Ahmanovaǵa berildi.

Qazaqstan Respýblıkasy ІІM Qurmet gramotasymen Nur-Sultan qalasy PD aıdaýyldaý qyzmeti vzvodynyń polıtseıi, polıtsııa aǵa serjanty Lazzat Júsipova marapattaldy.

ІІM gramotasymen Nur-Sultan qalasy PD Esil aýdany PB tyldyq qamtamasyz etý bólimshesiniń polıtseı-júrgizýshisi, polıtsııa starshınasy Muratbek Orynbaev, Nur-Sultan qalasy PD Kınologııalyq qyzmet ortalyǵynyń ınspektor-kınologi, polıtsııa aǵa leıtenanty Damır Jumajanov marapattaldy.

«Memleket basshysy quqyq qorǵaý júıesin dáıekti túrde transformatsııalaý belgilengen qaıta qurýlardyń negizgi baǵyty bolyp tabylatynyn atap ótti. Ol úshin kadr áleýetin turaqty jetildirýdi, kásibılikti arttyrýdy jáne qyzmetkerlerdiń moraldyq rýhyn nyǵaıtýdy qamtamasyz etý qajet. Prezıdenttiń tapsyrmasy boıynsha osy jyldyń maýsym aıynan bastap jergilikti polıtsııa qyzmetkerleriniń jalaqysyn 30%-ǵa kóterdik. 140 patrýldik avtokólik, 1 600 elektrondy tehnıka satyp aldyq, Baıqońyr jáne Saryarqa aýdandaryna jeke ǵımarattar usyndyq, Esil aýdanynyń polıtsııasy men PD bólinisteri úshin ǵımarattar saldyq. Bıyl polıtsııa departamentine taǵy 54 patrýldik avtokólik satyp alyp berýdi josparlap otyrmyz», - dedi Altaı Kólginov saltanatty shara barysynda.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT