Qyzmet babynda qatal bolǵanymyzben, úıde meıirimdimiz – túrkistandyq polıtseı
2022 jylǵy 23 maýsym 14:06

Qyzmet babynda qatal bolǵanymyzben, úıde meıirimdimiz – túrkistandyq polıtseı

TÚRKІSTAN. QazAqparat - Qazirgi qoǵamda abyroıly qyzmetimen jáne otbasylyq ómirimen kópshilikke úlgi bolyp otyrǵan jastar kóp. Solardyń biri sozaqtyq Nurdáýletovter otbasy. Ózara syılastyǵymen kópshiliktiń qurmetine bólengen jaıdary jupty búgingi kúnniń ózinde zamandastary úlgili otbasy dep ataıdy.

Quqyq qorǵaý salasynda qyzmet etetin erli zaıyptylar abyroıly eńbegimen qoǵam tynyshtyǵyn kúzetip keledi. Otaǵasy Іlııas Nurdáýlet aýdandyq polıtsııa bóliminiń ýaqytsha ustaý ızolıatorynda eńbek etse, jubaıy Rahat Ýálıeva kámeletke tolmaǵandar isi jónindegi ýchaskelik polıtsııa ınspektory.

Tańerteń jumysqa úıden birge shyǵatyn olar, qyzmet ornyna birge barady. Jumys barysy qaýyrt bolmaǵan kúnderi túski asty da birge ishedi. Árdaıym bir birine qoldaý bildirip, kópshilikke abyroıly eńbekterimen úlgi bolyp keledi.

«Men Otyrar aýdany, Aqqum aýylynda dúnıege keldim. QR ІІM qarasty Almaty akademııasynda bilim aldym. Eńbek jolymdy týǵan jerim Otyrar aýdanynda bastadym. Degenmen, Sozaq aýdanyna kelin bolyp, osynda qyzmetimidi de aýystyrdym. Ata – enemmen birge turamyz. Otbasylyq jumystarmen qatar qyzmet babyna da úlgeremiz. Ata-enem árdaıym qoldaý bildirip, jumysyma túsinistikpen qaraıdy. Men ol kisilerge rızashylyǵymdy bildirip, alǵysymdy aıtamyn» – deıdi Rahat Ámirhanqyzy.

Búginde Rahat polıtsııa kapıtany. Ózine bekitilgen aýmaqtaǵy mektepterde únemi profılaktıkalyq jumystardy júrgizip otyrady. Al, keshkisin reıdke shyǵyp, jastardyń beımezgil júrýin qadaǵalaıdy. Kámeletke tolmaǵandar arasyndaǵy qylmystyq oqıǵalardyń aldyn alý maqsatynda túsindirme jumystaryn júrgizedi.

Al, jubaıy polıtsııa leıtenanty Іlııas Qaıryǵalıuly buǵan deıin qoǵamdyq tynyshtyqty kúzetý jolyndaǵy qaltqysyz eńbegi úshin kóptegen alǵys hattarmen marapattalǵan. Teriskeıdiń týmasy Shymkentte bilim alǵan soń, Shyǵys Qazaqstan oblysyndaǵy shekara zastavasynda Otan aldyndaǵy boryyn ótedi. Keıin Báıdibek aýdanynda qyzmet etti.

«Er azamattyń eń basty maqsaty naǵyz er bolý. Otan aldyndaǵy boryshyn ótep, elin jerin qorǵaý. Bul jolda kez kelgen jas qyzmet etip, óz eliniń patrıoty ekendigin dáleldeýi qajet» – deıdi ol.

Búginde qos juptyń otaý qurǵandaryna 3 jyl tolyp otyr. Bir birine «sen»-dep sózge kelmeıtin jaıdary jup, kez kelgen máseleni qas qabaqtary arqyly biledi. Túsinistik ornaǵan tusta ǵana, bereke birlikti artatyn baǵamdaıdy.

Al, Óskentaevtar otbasynyń otaý qurǵandaryna da 2 jyl tolyp otyr. Janerke Shýanbaeva tergeýshi. Sozaq APB tergeý bóliminde qyzmet etedi. Al, jubaıy Nurhat Óskentaev ýaqytsha ustaý ızolıatorynda eńbek etýdi. Qos jup qoǵam tynyshtyǵyn jolynda qaltqysyz eńbek etip, qyzmetimen kópshiliktiń ystyq yqylasyna bólenep keledi.

«Bala kezden polıtsııa qyzmetkeri bolýdy qatty armandadym. Kóp izdendim. Oqydym. Mektep kezinde de quqyq qorǵaý salasyna qatysty kitaptardy kóp qaraıtynmyn. Keıin QR ІІM qarasty Qaraǵandy akademııasynda bilim aldym. Sol kezde aldyma «tergeýshi bolam» degen maqsat qoıdym. Forma kıip, shen taǵý meniń bala kúngi armanym bolatyn. Qazir bul jolda eńbek etip jatqanymdy maqtan tutamyn» – deıdi aǵa leıtenant Janerke Jánibekqyzy.

Jalpy Teriskeılik eki jasty mamandyqtary tabystyrǵan. Qyzmet babynda bastalǵan tanystyq, keıin úlken mahabbatqa aınaldy.

«Qyzmet babyndy qatal, talapshyl bolǵanymyzben, úıde meıirimdimiz. Bos ýaqytymyzdy qydyrýǵa arnaımyz. Qyzmetimizge túsinistikpen qaraımyz. Bir shańyraqta turyp, bir qyzmette júrý biz úshin qıyn emes. Oıymyz da, isimiz de bir jerden shyǵyp otyrady. Keı sátterde, bir-birimizdiń aqyl-keńesimizge júginemiz. Alǵa qoıǵan josparlarymyz kóp. Sol jolda eńbek etip kelemiz» – deıdi tártip saqshysy.

Sózden kóri iske jaqyn Nurhat Baqytuly eńbekqorlyǵymen jáne qyzmettegi adaldyǵymen kópke úlgi. Minsiz qyzmeti úshin birneshe ret arnaıy marapatqa ıe bolǵan. Jıi-jıi sport zalǵa baryp, jattyǵýlar jasap, denesin shynyqtarady. Kitap oqyp, únemi bilimin jetildirip otyrady.


Seriktester jańalyqtary

Jańalyqtar

Úrdis

MURAǴAT