+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

Qytaılyq ushaq Qazaqstanda ýly zattar shashyp júrgeni týraly aqparat – feık

2020 jylǵy 13 qyrkúıek 21:05
Bólisińiz:
Qytaılyq ushaq Qazaqstanda ýly zattar shashyp júrgeni týraly aqparat – feık

NUR-SULTAN. QazAqparat – WhatsApp áleýmettik jelisinde Almatyda «qytaılyq ushaq hımııalyq radıoaktıvti zattar shashyp júrgeni týraly aýdıojazba tarap jatyr. Buǵan dálel retinde flightradar24 saıtynan jasalǵan skrınshot usynylǵan. Sýrettegi kartada ushaqtyń ushý baǵyty kórsetilgen, dep habarlaıdy QazAqparat.

Stopfake.kz saıtynyń málimetinshe, bul habarlama – jalǵan.

Shyn máninde, aýdıojazbamen birge taratylyp júrgen sýrette katarlyq Qatar Airways áýe kompanııasynyń «Beıjiń – Doha» baǵytynda turaqty reıs jasaǵan azamattyq jolaýshylar ushaǵy beınelengen. QR Indýstrııa jáne ınfraqurylymdyq damý mınıstrligi Stopfake.kz saıtyna bul aqparatty rastaǵan.

«Qatar Airways áýe kompanııasynyń tirkeý nomeri A7-BAL «Beıjiń – Doha» baǵytyndaǵy turaqty reısi Boıng-777 áýe kemesimen 2020 jylǵy 13 qyrkúıekte oryndaldy. Bort QR áýe keńistigine RULAD núktesi arqyly saǵat 06:08-de kirdi jáne saǵat 06:46-da SULET núktesi arqyly QR áýe keńistiginen shyqty. QR áýe keńistigin kesip ótý kezinde áýe kemesiniń ushý bıiktigi 11 myń metrdi qurady. Bul reıs kún saıyn oryndalady», – dep habarlady mınıstrlikten.

Sonymen qatar salalyq vedomstvo «ushaqtan hımııalyq zattar shashylǵany» týraly aqparatty resmı túrde joqqa shyǵardy: «Mundaı bıiktikte qandaı da bolmasyn hımııalyq zattardy shashý múmkin emes. Sondaı-aq, áýe kemesiniń bul túri ondaı jumystardy júrgizý úshin jabdyqtalmaǵan».

Flightradar24 saıty 13 qyrkúıekte tańerteń jolaýshylar ushaǵy saǵat 03.50 Beıjińnen ushyp shyǵyp, jergilikti ýaqyt boıynsha saǵat 7.31 Katar astanasy Doha qalasyna qonǵanyn rastady. Reıstiń nomeri – QR 8069.

Beıjińnen Doha qalasyna baǵyt alǵan ushaq Qytaı, Mońǵolııa, Qazaqstan, Qyrǵyzstan, Ózbekstan, Túrikmenstan, Iran jáne Katar arqyly ushady. Ushý qashyqtyǵy shamamen 6 174 km.

Solaısha, WhatsApp-ta ushaqtyń «hımııalyq zattar shashqany» týraly taratylyp jatqan aqparat shyndyqqa janaspaıdy. Al jerden kózge kórinetin qubylys ushaqtan keıin qalatyn kondensatsııalyq iz bolyp tabyldy.

Kondensatsııalyq iz –ushaqtan keıin aspanda qalatyn kondensatsııalanǵan ylǵaldan paıda bolatyn iz. Ol aýa raıy ashyq bolǵanda anyq kórinedi. Qarapaıym tilmen aıtqanda, bul tumannan nemese usaq sý krıstaldarynan týyndaǵan «shleıf». Olar sýǵa qaraǵanda baıaý býlanady, sondyqtan aq iz aspanda uzaq ýaqyt turady. Ylǵaldylyq neǵurlym joǵary bolsa, jolaqtar soǵurlym uzaq jáne aıqyn bolady.

Hımıotrassalar týraly konspırologııalyq teorııa (aýdıohabarlama bul týraly belgisiz áıel aıtady) álemde burynnan belgili. Biraq Qazaqstanda bul feık sońǵy kezderi keńinen qoldanylýda.

«Koronavırýs – bul ókpedegi, bronhtaǵy radıoaktıvti kúıikter», – deıdi áıel aýdıojazbada.

Eske salaıyq, COVID-19 – koronavırýs tektes sońǵy ashyq vırýstardan týyndaǵan juqpaly aýrý. COVID-19 aýrýyn týdyratyn vırýs negizinen jótel, túshkirý nemese tynys alý kezinde adamnyń tynys alý joldarynan bólinetin tamshylar arqyly juǵady. Tolyǵyraq DDSU saıtynan oqýǵa bolady.


Bizdiń kanalymyzǵa jazylyńyz:

#Qytaı   #Internet  
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Úmbet Sholpan
Úmbet Sholpan
954-059

MURAǴAT