+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Qytaıdyń Aqsaı aýdanynda kıiz úı parki ashyldy – Sheteldegi qazaqtildi BAQ-qa sholý

2020 jylǵy 14 maýsym 11:00
Bólisińiz:
Qytaıdyń Aqsaı aýdanynda kıiz úı parki ashyldy – Sheteldegi qazaqtildi BAQ-qa sholý

NUR-SULTAN. QazAqparat- «QazAqparat» HAA ádettegideı sheteldegi qazaq tilinde taraıtyn aqparat kózderine aptalyq sholýyn usynady.

Qytaıda qazaqtyń kıiz úı mádenıetin damytý parki quryldy - CNR

Qytaıdaǵy Aqsaı qazaq avtonomııaly aýdany saıahat kásibin ulttyq mádenıetpen birge damytýdyń tıimdi ekenin bilgen. Sol úshin olar týrızmdi myqtap ilgeriletý úshin qazaqtyń kıiz úı mádenıetin paıdalaný kerek dep sheshti, dep habarlaıdy kazakcnr.com saıty.

Aqsaı aýdanynyń qazaq kıiz úıi men bıznesti qatar damytýdy maqsat etken parkte kóńil ashý alańy, jasandy taý, shaǵyn kól sııaqty kórinis aýdandary salynǵan. Sondaı-aq 13 qazaq kıiz úıinen daıyndalǵan qonaqjaı ázirlendi.

Atalǵan oryn jaýaptysynyń aıtýynsha, demalys parki bıyl mamyrdyń basynda jumys isteı bastaǵan. Kıiz úıdiń ishi qazaq ultynyń mádenıeti boıynsha bezendirilip, ulttyq erekshelikke, dástúrge saı qonaq qabyldaıdy.

Aqsaıǵa kelgen týrıster qazaqtyń kıiz úıinen jasalǵan ulttyq erekshelikke ıe qonaq úıler kóńilderinen shyqqanyn aıtady. «Ózgeshe ulttyq erekshelikke ıe, tazalyq shart-jaǵdaıy jaqsy, jýynýǵa da qolaıly, qaı jaǵynan bolsada zamandyq talapqa saı eken. Basqa qonaqúılermen salystyrǵanda adamǵa ulttyq mádenıettiń ózgesheligimen tańdandyrady» deıdi týrısterdiń biri.

«Atalǵan demalys parkine qonaqtardyń bergen jaqsy pikirlerinen keıin jergilikti úkimette olardy qoldaı bastady», dep túıindeıdi qytaılyq BAQ.

Tashkent eń arzan qala dep tanyldy - ÓzA

Halyqaralyq «Mercer» konsaltıngti kompanııasynyń mamandary ótkizgen zertteýlerge oraı Tashkent qalasy sheteldikter úshin ómir súrýge eń qolaıly qala ekeni aıtylady, dep jazady ÓzA memlekettik aqparat agenttigi.

Atalǵan aqparat kóziniń deregine súıensek, kompanııa sarapshylary júrgizgen zertteýde Gonkong - ómir súrýge eń qymbat qala dep tanylǵan. Qyzyqty tusy - sheteldik mamandar ómir súrýdiń qymbat qalalar arasynda ekinshi orynǵa Túrkimenstan astanasy Ashhabad qalasy jaıǵasqan.

Keıingi oryndarda Tokıo, Tsıýrıh, Sıngapýr, Seýl jáne Shanhaı syndy alyp shaharlar oryn alǵan. Al Tashkent qalasy bul reıtıngte eń arzan qalalar tizimine engen.

Iranda koronavırýsty anyqtaý úshin 72 mln adamǵa skrınıng jasaldy - Parstoday.com

Iranda koronavırýspen kúresý ulttyq jobasy boıynsha 72 mıllıon adamǵa skrınıng jasaldy, dep jazady Fars aqparat agenttigi.

Atalǵan BAQ-tyń dereginshe, Irandaǵy koronavırýspen kúres ulttyq shtabynyń úılestirýshi dırektory koronavırýsqa qarsy ulttyq jobasy boıynsha elde 72 mıllıon adamǵa skrınıng jasalǵany habarlanǵan.

«Fars» aqparat agenttiginiń málimetinshe, Nasrolla Fatahıan beısenbi kúni Irannyń Densaýlyq saqtaý mınıstrliginiń densaýlyq saqtaý ortalyqtary men qarýly kúshterdiń kómegimen 2 aıdyń ishinde 72 mıllıon ırandyqqa skrınıng jasalǵanyna toqtalǵan.

«Bul jumysty Dúnıejúzilik densaýlyq saqtaý uıymynyń erekshe atap ótti»,- degen ol.

Mońǵolııaǵa Qazaqstannan barǵan 3 adamnan koronavırýs tabyldy - Kaznews

Mońǵolııa Densaýlyq saqtaý mınıstrliginiń 12 maýsym kúngi baspasóz maslıhatynda Juqpaly aýrýlardy zertteý jónindegi ulttyq ortalyǵynyń dırektory D.Nıamhúú málimet berdi, dep habarlaıdy mońǵolııalyq Kaznews aqparat portaly.

Mońǵolııalyq BAQ keltirgen derekke súıensek, D.Nıamhúú myrzanyń aıtýynsha, bir táýlikte el boıynsha 241 adamnan synama alynǵan. Onyń 238-inen koronavırýs anyqtalmaǵan. 10 maýsym kúni Nur-Sultan-Ulanbatyr baǵyty boıynsha ushaqpen kelgen 184 azamattyń úsheýin juqpaly aýrýlardy zertteý jónindegi ulttyq ortalyǵyna oqshaýlaǵan. Olardan koronavırýs anyqtalmaǵan.

Biraq qalǵan 181 azamattyń zertteý qorytyndysynan 3 adam koronavırýs indetimen aýyrǵany belgili bolǵan.

«Jalpy el boıynsha aýyrǵandar sany – 197-ge jetip, onyń 95-i juqpaly indetten aıyǵyp shyqqan. Em qabyldap jatqandar sany 102. El kóleminde koronavırýs anyqtaıtyn alty laboratorııa jumys jasaýda. Batys ólkede Hobda qalasynda, shyǵys ólkede Dornodta, Darhan qalasynda jáne Ulanbatyrda úsh laboratorııa jumys istep tur» dep jazady mońǵolııalyq BAQ.

Aıta ketý kerek, Qazaqstan Respýblıkasynyń Mońǵolııadaǵy elshiliginiń usynysymen mońǵol tarapynyń qoldaýymen 2020 jylǵy 10 maýsymda tańǵy saǵat 8.00-de Ulanbatyr – Nur-Sultan baǵyty boıynsha «MIAT» Mońǵolııanyń memlekettik áýe kompanııasynyń arnaıy charterlik reısi uıymdastyryldy.

Osy ushaqpen Qazaqstan Respýblıkasynyń 96 azamaty otanyna qaıtaryldy.

Túrkııa koronavırýsqa qarsy dári jasady - TRT

Favipiravir atty dáriniń otandyq sıntezi lıtsenzııa alý satysyna jetti. Osyǵan baılanysty Túrkııa Respýblıkasy Ónerkásip jáne tehnologııa mınıstri Mustafa Varank koronavırýsqa qarsy otandyq dári jasalǵanyn aıtty, dep habarlaıdy Túrkııa radıotelevızııa portaly.

Túrik dárisin 32 adamdyq komanda 40 kúnde óndirip shyqqan.

Dárini jetildirgen Ystanbul Medıpol ýnıversıteti oqytýshysy Mustafa Gúzel jáne dárini ındýstrııa deńgeıine jetkizgen Atabaı Hımııa ónerkásibi fırmasynyń basshysy men TÜBİTAK tóraǵasy professor Hasan Manda tarapynan mınıstr Varankqa tapsyrdy.

«Túrik dárigerleri koronavırýsta kóp qoldanǵan dáriniń otandyq sıntezin ǵalymdarymyz Ystanbul Medıpol ýnıversıtetinde jasap shyqty. Atabaı dári fırmasy da osy ónimniń kommertsııalyq ınfraqurylymyn daıyndady. Otandyq sıntezben jetildirilgen mańyzdy dári óndirdik», - dedi TR Ónerkásip jáne tehnologııa mınıstri Mustafa Varank.

«Covid-19 Túrkııa platformasy shańyraǵy astynda qazir 17 joba júrip jatyr. Bulardyń keıbiri vaktsınaǵa baılanysty, keıbiri dári jetildirýge baılanysty jumys isteıdi» dep túıindeıdi TRT.

Aýylda ótken aqyndar aıtysy - CNR

Qytaıdyń Qobyqsary aýdany Baınoba aýylynyń «Toto» sazdyq baqshasy dýmanǵa bólendi. Adam shoǵyry molaıyp, jaǵymdy mýzyka men kórermenniń qýanyshty únine toldy. Sebebi, bul arada dástúrli erekshelikke ıe mádenıet jáne ulttyq sport oıyndary ótip jatqan edi, dep habarlaıdy kazakcnr.com aqparat portaly.

«Aýyl aqyndary aıtys óneri arqyly kórermenniń ystyq yqylasyna bólendi. Olar ázil-qaljyń aralas tartymdy óleńderi arqyly qazaq halqynyń mádenıet jaýharyn, eńbek etip jatqan qarapaıym turmysyn, mádenıetti qasterleıtin, bolashaq ómirge degen armanǵa toly senimderin jyrǵa qosty. Aqyndardyń tartymdy aıtysy, kúıshilerdiń qulaq quryshyn qandyra shertken kúıleri, ánshilerdiń tamyljyta salǵan áni kórermenderdiń qulaq quryshyn qandyrdy» dep jazady Qytaıdyń «Ortalyq halyq radıosy».

Aýylda ótken «Aqyndar aıtysy» dep atalǵan mádenı sharanyń sońynda ulttyq at sportynyń oıyndary ótken. Shabandozdar sheber at ónerimen kórermendi tańdandyryp, sport alańyn dýmanǵa bólegen.

Bul jolǵy mádenı shara qazaq ultynyń tarıhı mádenıeti men mol mazmundy ulttyq salt-sana, ǵuryp-ádetin tolyq áıgilep berdi. Sonymen birge jergilikti halyq pen týrısterdi qazaq halqynyń eshkimge uqsamaıtyn mádenı oıyn túrlerimen sýsyndatty.

Aıta ketý kerek, Qobyqsary aýdanynda «Aqyndar aıtysy» dep atalatyn keń kólemdegi mundaı mádenı shara jyl saıyn ár aýylda ótip otyrady eken.

Meshhed - Irannyń erekshe qolóner ortalyǵy - Fars

Meshhed qalasy - qolóner túrleriniń alýandyǵyna, turaqty jumys ornyn ashýyna, týrıst pen ınvestıtsııa tartýyna baılanysty Irannyń munaıdan tys ónimderin eksporttaý jáne qolóner kásibiniń ortalyǵy sanalady, dep habarlaıdy Parstoday.

«Tas qashaý, kógildir aqyqtan buıym jasaý, mys ydystardyń betine órnek salý, qysh jáne keramıkalyq, bylǵary buıymdar jasaý, aǵashtan oıyp órnek salý Meshhedtegi qolóner túrleriniń qataryna jatady. Tas qashaý – Horasanǵa tán qolóner túri. Onyń 5 myń jyldyq tarıhy bar. Meshhed – baǵzy zamannan beri Nıshapýr aqyǵyn óńdeıtin jer. Álemdegi eń sapaly ári baǵaly aqyq Nıshapýrda óndiriledi. Horasan-e Razavı oblysynda 22-ge jýyq qymbat jáne jartylaı qymbat tas anyqtalǵan» dep jazady parstoday.com.

Osyndaı ereksheligi úshin Meshhed qalasy 2016 jyly Dúnıejúzilik qolóner keńesi tarapynan qymbat tas óńdeý óneriniń dúnıejúzilik qalasy dep tanyldy.



Bizdiń kanalymyzǵa jazylyńyz:

#Qandastar   #BAQ  
Bólisińiz:

Avtor:

Beısen Sultan

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT