+7 (701) 759 90 19
USD 443.50 EUR 479.47
RUB 5.79 CNY 62.51
Jańalyqtar

Qytaıdan evakýatsııalanǵan 89 stýdent Nur-Sultandaǵy aýrýhanadan shyǵaryldy

2020 jylǵy 16 aqpan 12:12
Bólisińiz:
Qytaıdan evakýatsııalanǵan 89 stýdent Nur-Sultandaǵy aýrýhanadan shyǵaryldy

NUR-SULTAN. QazAqparat – Qytaıdan evakýatsııalanǵan 89 stýdent elordadaǵy Kópsalaly medıtsınalyq ortalyqtyń juqpaly aýrýlar bóliminen shyǵaryldy, dep habarlaıdy QazAqparat tilshisi.

Uqsas jańalyqtar
Pavlodarǵa Túrkııadan ushyp kelgen Qazaqstannyń 102 azamatynan koronavırýs tabylmady Koronavırýs juqtyrǵan 6 adamnyń barlyǵy Shıeli aýdanynan bolyp shyqty Almaty ákimi jumyssyz rejimniń 13 sáýirge deıin uzartylǵanyn eske saldy

«2020 jyly 2 aqpanda Ýhan qalasynan stýdentter jetkizildi. Onyń ishinde Belarýstyń - 5, Armenııanyń 1 azamaty bar. Olar 14 kúndik karantınde boldy. Bul ýaqyt aralyǵynda birqatar zertteý júrgizdik, sonyń ishinde koronavırýs bar-joǵyn anyqtadyq. Olardyń eshbirinde koronavırýs ınfektsııasy anyqtalǵan joq. Búgin olar úılerine jiberildi», - dedi Nur-Sultan qalasy Qoǵamdyq densaýlyq saqtaý basqarmasynyń shtattan tys bas ınfektsıonısi Sáýle Atyǵaeva.

Kópsalaly medıtsınalyq ortalyqtyń dırektory Muhtar Tóleýtaev 89 stýdenttiń kıimderi aýystyrylyp, qazaqstandyq uıaly baılanys operatorlarynyń nomerlerimen qamtamasyz etilgenin aıtty.

«Olar koronavırýs ınfektsııasy taralǵan jaqtan kelgendikten, bárine túsinistikpen qarady. 1-2, 3-4 oryndyq jeke bólmelerge ornalastyryldy. Ortalyqta Belarýs, Armenııa memleketteri men Qazaqstannyń ártúrli óńirleriniń týmalary jatty, barlyǵyn qosqanda – 89 adam. Bul ǵımarattyń ereksheligi – bólmeler tolyq ızolıator retinde jasalǵan. ıAǵnı bir-birimen aýa almaspaıdy. Stýdentterge bes ýaqyt tamaq berildi, kıimderin aýystyryp, qazaqstandyq SIM-kartalarmen qamtamasyz etildi», - dedi Muhtar Tóleýtaev.

Almatylyq Ajar Naqypbek Qytaıda 2018 jyldan beri til úırený kýrsynda bilim alýda.

«Qytaıdy 2018 jyldan beri til kýrsynda oqyp kelemin. Negizi Qyzdar pedagogıkalyq ýnıversıtetiniń stýdentimin. Qytaıda stýdent almasý baǵdarlamasy boıynsha oqyǵanmyn. Bul jerde dárigerlerdiń bizge degen qarym-qatynasy jaqsy boldy», - deıdi ol.

Sondaı-aq, Belarýs Respýblıkasynyń azamaty qazaqstandyqtarǵa alǵys aıtty.

«Men Ýhandaǵy kompanııalardyń birinde jumys istegen edim. Ýhannan Nur-Sultan qalasyna 2 aqpan kúni keldik. Qazaq halqyna Belarýs azamattaryna qajet kezde pana bolyp, kómek kórsetkenderi úshin alǵys aıtamyn. Dárigerlerge, medbıkelerge rahmet. Bizge óte jaqsy qarap, bes ýaqyt tamaqtandyrdy. Ózimizdi shıpajaıda jatqandaı sezindik. Qytaıdaǵy másele sheshimin taýyp, jaǵdaı turaqtalyp jatsa - jumysqa qaıtyp baramyn», - deıdi Vadım Pental.



Bizdiń kanalymyzǵa jazylyńyz:

Bólisińiz:

Avtor:

Zarına Qaharman

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT