+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Qytaıdaǵy úzdik telejúrgizýshiler qatarynda Dıdar Azatqyzy bar - Sheteldegi qazaq tildi BAQ-qa sholý

2020 jylǵy 29 naýryz 13:08
Bólisińiz:
Qytaıdaǵy úzdik telejúrgizýshiler qatarynda Dıdar Azatqyzy bar - Sheteldegi qazaq tildi BAQ-qa sholý

NUR-SULTAN. QazAqparat - «QazAqparat» HAA sheteldegi qazaq tilinde taraıtyn aqparat kózderine aptalyq sholýyn usynady.

Uqsas jańalyqtar
Dáýren Dııarov: QazAqparat júz jylda ataýyn talaı ózgertkenimen, negizin ózgertken joq Eńbek kitapshamda bir-aq jazba bar – QazAqparat ardageri Sara Mustafına Koronavırýs indet qaýpi týraly «Saý bolaıyq!» telejobasy efırge shyqty

Qytaıdaǵy úzdik telejúrgizýshiler qataryndaǵy qazaq qyzy - Qytaıdyń «Ortalyq halyq radıosy» (CNR)

Qytaılyq kazakcnr.com saıtynda, ishki Qytaıdaǵy Sychýan provıntsııasynyń telearnasynda jumys isteıtin telejúrgizýshi qandasymyz Dıdar Azatqyzymen bolǵan suhbat jaryq kórdi.

Atalǵan aqparat quralynyń jazýynsha, Qytaıdyń Tarbaǵataı aımaǵynda dúnıege kelgen Dıdar Azatqyzy Beıjińdegi Qytaı geologııa ýnıversıtetinen aǵylshyn tili mamandyǵy boıynsha bakalavr dárejesin jáne Qytaıdyń aqparattyq medıa ýnıversıtetinen magıstratýrasyn bitirgen. Qazirgi kúni «Sychýan TV» arnasynyń telejúrgizýshisi bolyp jumys atqaryp júr. Dıdar BAQ-qa bergen suhbatynda, ishki Qytaı jerindegi mıllıondaǵan básekelesterinen oq boıy ozyp, respýblıkaǵa tanymaly telearnada jumys istep, bala kúnnen telejúrgizýshi bolsam degen armanynyń oryndalǵanyn baıandaǵan.

«Meniń ata-anamnyń ekeýi de zańger. Biraq men olardyń jolymen júrmedim. Bala kúnimnen sahnada sóıleýge qyzyǵatynmyn. Tórt jasymda ózimdeı qyzdar qýyrshaqpen oınap júrgende men magnıtofondy, mıkrofondy ustap oınaǵandy unatady ekemin. Al eseıe bastaǵan shaǵymda Qytaıdaǵy kóptegen bilikti telejúrgizýshileriniń Beıjińdegi Qytaı aqparattyq medıa ýnıversıtetinen oqyǵanyn bilip, mende osy oqý oryna tússem dep armandadym. 9-shy synyptan bastap ishki Qytaıdaǵy Chjenchjoý qalasynda oqydym. Mektepte oqyp júrip túrli is-sharalarǵa, baıqaýlarǵa belsendi qatystym. Óner kýrstaryna jazylyp ózimdi jan-jaqty jetildirýge tyrystym» - deıdi Dıdar Azatqyzy.

Dıdar joǵary oqý ornynda oqyp júrgen kezinde de túrli konkýrstarda óziniń biliktiligin san márte dáleldeıdi. Ol Beıjiń telearnasy uıymdastyrǵan «Eń symbatty arý» atty Respýblıkalyq dıktorlar básekesine qatysyp, Qytaıdaǵy 50 úzdik dıktordyń qataryna kiredi. Sonymen birge Dıdar «Jenmın jıbao» (People Daily) saıty uıymdastyrǵan «Marafon júrgizýshi» baıqaýynda kúmis medal alyp, «Halyq sporty» marafon jarysynyń júrgizýshiligine usynys etilip, Qytaıdyń memlekettik CCTV telearnasynda praktıkadan ótedi. Dıdar bul sekildi talaı jarystarda baq synap, top jarady.


«Magıstratýrany oqyp pitirgennen keıin maǵan Shanhaı spýtnıktik telearnasynan jáne Beıjińdegi Suning PP Sports telearnasy men Sichuan TV sekildi úsh telearnadan jumys isteýge usynys boldy. Osylaısha Beıjiń nemese Shanhaı sekildi úlken qalada qalyp jumys isteý oraıy týyp, tańdaý jasaýyma týra keldi. Jaqsy kórgen mamandyǵyń boıynsha alǵashqy jumysyńdy bastaıtyn oryndy tańdaý óte mańyzdy dep oıladym. Sol turǵydan qaraǵanda Sichuan TV-de kásibı bilktiligimdi shyńdaýǵa múmkindiktiń kóp ekenin bildim. Sondyqtan osy arnada jumys isteýdi jón sanadym. Keıinnen sol oılaǵan maqsatyma jetip, Sichuan TV-diń birneshe arnasynda, túrli telebaǵdarlamalarda telejúrgizýshi bolyp jumys atqardym. Bul arna meniń jan-jaqty jetilýime kómektesti», - deıdi Dıdar Azatqyzy.


Qytaıda turatyn qyrǵyzdar Qyrǵyzstanǵa kómek zattar jiberdi - «Jenmın jıbao» (People Daily)


Shyńjań-Uıǵyr avtonomııalyq ólkesiniń Qyzylsý Qyrǵyz avtonomdy oblysy koronavırýske qarsy kúreste qoldaý kórsetý úshin Qyrǵyzstanǵa kómek atady, dep habarlaıdy kazakh.people.com.cn saıty.

Atalǵan BAQ-tyń jazýynsha, Qyrǵyzstan eliniń koronavırýske qarsy kúres sharalaryn qoldaý úshin Qytaıda turatyn qyrǵyz qandastary kómek retinde alǵashqy topta 10,000 KN94 maskasy, 200 000 medıtsınalyq maska jáne 1000 dana halat jibergen.

«Qytaı halqy indetke qarsy kúresip jatqan kezde, Qyrǵyzstan úkimeti men halqy da Qytaıǵa óziniń múmkindiginshe qoldaý kórsetti. Al Qyrǵyzstandaǵy qazirgi jaǵdaıda Qytaı halqy da qolynan kelgen kómegin aıanyp qalmaıdy. Aldaǵy ýaqytta taǵyda Qyrǵyzstanǵa Qytaıdyń epıdemııaǵa qarsy kómek zattary jetkiziletin bolady», - dep jazady «Jenmın jıbao» saıty.


8 memleket ókilderi BUU Bas hatshysyna sanktsııalardyń koronavırýspen kúreske teris áserin eskertti - «Fars» aqparat agenttigi


BUU-daǵy Iran, Reseı, Qytaı, Kýba, Soltústik Koreıa, Irak, Venesýela jáne Nıkaragýa elderiniń ókilderi uıymnyń Bas hatshysyna hat jazyp, koronavırýstyń ortaq dushpan ekeni jáne sanktsııalardyń onymen kúresýge teris áser etetini jóninde eskertti, dep jazady Rarstoday.

IRNA aqparat agenttiginiń málimetinshe, 8 memlekettiń ókilderi BUU Bas hatshysy Antonıo Gýterrıshke joldaǵan hatta: «Qazirgi kezde halyqaralyq zańdar men BUU-nyń Jarǵysyn áshkere buzyp, birjaqty jáne zańsyz salynǵan sanktsııalar elderdiń koronavırýspen kúresýin qıyndatty», - dep jazdy. Hattyń jalǵasynda koronavırýsqa qarsy kúrestiń yntymaqtastyq pen birlestiktiń joǵary deńgeıin qajet etetini qýattalyp: «Sanktsııalar úkimetterdiń koronavırýsqa qarsy kúresin, ásirese naýqastardy emdeýge qajet tester men dári-dármek jáne taǵy basqa medıtsınalyq qajettilikterdiń ýaqytyly qamtamasyz etýin álsiretedi»,- dep eskertildi.

Osyǵan oraı BUU-daǵy 8 memlekettiń ókilderi uıymnyń Bas hatshysynan ekonomıkalyq qysym kórsetip otyrǵan zańsyz sanktsııalardyń kúshin tolyq joıýdy surady.


Qazaqstandaǵy túrik azamattary eline oralady - TRT


Túrkııanyń Qazaqstan Respýblıkasyndaǵy ókiletti elshiligi elge qaıtqysy kelgenderge jedel habarlama jarııalady. Qazaqstandaǵy túrik azamattary 29 naýryz kúnine deıin elge oralýyna bolady, dep jazady Túrkııa Radıo Televızııa portaly.

«Bul týraly habarlamany Qazaqstandaǵy Túrkııa elshiligi áleýmettik jeliden jarııalady. Habarlamada «Qazaqstannan elge oralǵysy keletin barlyq azamattarymyzdyń Air Astana jáne SCAT áýejoldarynyń reısterimen elge oralýyna múmkindik jasalady» dep aıtyldy. Túrkııaǵa oralǵysy keletin azamattar osy eki áýejolymen baılanysqa shǵýy kerek. Nur-Sultan jáne Almaty qalalarynan ushatyn jolaýshylar qalada karantın júrgizilgendikten aldymen elshilik jáne Almaty bas konsýldyǵymen habarlasýy tıis. Osyǵan oraı Túrkııaǵa qaıtqysy keletin túrik azamattary 26 naýryz kúni Almaty, 27 naýryz kúni Atyraý, 28 naýryz kúni Nur-Sultan jáne 29 naýryzda Almatydan ushýyna bolady», - dep habarlaıdy BAQ.


Ózbekstan Ulybrıtanııa men Pákistanǵa kúkirt eksporttaıdy - «ÓzA» aqparattyq agenttigi


«Ózbekneftgaz» kompanııasy gazdy qaıta óńdeý nátıjesinde alynǵan kúkirt ónimderin shetelge eksporttaýdy jolǵa qoıdy, dep habarlaıdy Ózbekstannyń «ÓzA» memlekettik aqparattyq agenttigi.

«Qazirgi ýaqytta kúkirt eksportynyń alǵashqy kelisim-sharty Ulybrıtanııada tirkeýden ótti. Kelisim negizinen maı ónimderi, tyńaıtqyshtar jáne astyq óndirýge mamandandyrylǵan jahandyq saýda kompanııalarynyń biri «Commoditrade Limited» pen jasaldy. Kelisimge saı «Ózbekneftgaz» kompanııasy 100 myń tonna kúkirt eksporttaıdy. Sonymen qatar, Pákistan memlekettik «International Business System» kompanııasymen de eksporttyq kelisimge qol qoıylyp, alǵashqy tapsyrys 50 000 tonna kúkirt ónimderin eksporttaýǵa kelisim jasaldy», - dep jazady «ÓzA» aqparattyq agenttigi.

Gújimdi áýlıe «Tamdy sharýageri» gazeti


Ózbekstanda shyǵatyn «Tamdy sharýageri» gazeti «Qyzylqum tarıhy betterinen» aıdarymen «Gújimdi áýlıe» atty maqala jarııalady.

«Qyzylqum ѳӊiri-keӊ baıtaq. Bul ólkeni adamdar este joq eski zamandardan beri meken etip, yssyly-sýyq talaı kúnderdi bastan keshirip keledi. Sol zamandarda eldi ımandylyqqa, qaıyrymdylyqqa bastaǵan, adamgershilik qundylyqtardy ýaǵyzdap, jan tazalyǵymen el qurmetine bѳlengen nebir áýlıeler ѳtken. Jergilikti halyq, bul kisiler pánılik bolǵan soń, qabirlerine zıarat etip, olardy áýlıe sanady, qurmet etti. Zarafshan qalasyna jaqyn maӊdaǵy «Gújimdi áýlıe» qorymy - osyndaı qasıetti oryndardyń biri. Sol maӊaıdan kúnde ótip júrsek te, ѳtken zamandarda osy jerdi meken etken, ѳmirlerin ımandylyqqa baǵyshtap, adamdardy týra jolmen júrýdi nasıhattaǵan adamdar týraly bile bermeımiz» dep jazady gazet.

Gazette Gújimdi áýlıeniń ornalasqan jeri, sol mańdaǵy basqa da jurt kıeli sanaıtyn oryndar týraly jazylady. Solarǵa qatysty el aýzynan úzilmeı kele jatqan ańyzdarǵa, áńgimelerge nazar aýdarady. Máselen, sol áýlıeniń jatqan jerine jaqyn mańda qorym bar eken. «Ozǵan áýlıe» dep atap ketken osy qorymda áýlıeniӊ shyraqshysy bolǵan Altybaı ataǵa arnalǵan tastan jasalǵan eskertkish taqta belgi ornatylǵan.

«Ѳkinishke oraı, el arasynda «Ozǵan áýlıe», onyń ómiri, shyqqan tegi, jasaǵan isteri týraly málimet saqtalmaǵan. Esesine, el ishinde áýlıeniӊ shyraqshysy bolǵan Altybaı ata týraly qyzyqty aӊyz-áӊgimeler kѳp. Altybaı ata-qazaqtyӊ kishi júz, Jetirý taıpasyna jatatyn Teleý rýynan shyqqan kisi. El aýyzyndaǵy aӊyzǵa júginsek, Altybaı ataǵa túsinde «Ozǵan áýlıe» aıan berip, qabiriniӊ qaraýsyz qalǵanyn, osy jerge kelip, ıelik etýin ótingen. Sonan Altybaı ata osy jerge kelip, qorym aınalasyn tazalap, áýlıeniӊ qabirine tastan qorǵan salady. Saıdaǵy bulaq kѳzin ashyp, qudyqty tazalaıdy, aınalasyna Gújimdi daraǵyn otyrǵyzady. Daraqtar gúldep, jaıqala ѳsken bul jer keıin «Gújimdi áýlıe» atalyp ketedi. Altybaı ata ѳmiriniӊ kѳp jylyn, áýlıge qyzmet etýmen birge, járdemge muqtaj kisilerge kómek berip, ımandylyqty, arýaqty qurmetteýdi nasıhattaǵan» dep jazady gazet.

Budan bólek, gazette jazylǵanyndaı, Altybaı ata «Ozǵan» áýlıeniӊ shyraqshysy ǵana emes, keremet qabilet ıesi bolǵan eken. Ol kisige qatysty el arasyndaǵy ańyz, áńgimeler de beriledi.

«Qyzylqum ѳӊirinde este joq erte zamandardan beri kele jatqan, ѳtken ǵasyrlardan syr shertetin kѳptegen aӊyz-áӊgimeler bar. Biz sóz etken «Gújimdi áýlıe» hıkaıasy-osy aӊyzdardyӊ biri ǵana. Shyndyǵyna kelsek, munda kelseń, janǵa jaǵymdy tynyshtyq pen, basqasha áserli jeӊildik sezinesiӊ. Sol úshin be, álde basqasha sebep boldy ma eken, bir zamandarda Altybaı ata meken etken osyndaǵy kishkene bulaq pen qudyq ornynda búgingi kúni demalys orny salynǵan» dep jazady gazet.



Bizdiń kanalymyzǵa jazylyńyz:

#Qandastar   #BAQ   #Qoǵam  
Bólisińiz:

Avtor:

Baqytjol Kákesh

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT