+7 (701) 759 90 19
USD 428.71 EUR 519.12
RUB 5.79 CNY 66.61
Jańalyqtar

Qytaıdaǵy taǵy bir qandas Tokıo Olımpıadasyna joldama aldy  - Sheteldegi qazaq tildi BAQ-qa sholý

2021 jylǵy 18 sáýir 13:00
Bólisińiz:
Qytaıdaǵy taǵy bir qandas Tokıo Olımpıadasyna joldama aldy  - Sheteldegi qazaq tildi BAQ-qa sholý

NUR-SULTAN. QazAqparat - «QazAqparat» HAA ádettegideı sheteldegi qazaq tilinde taraıtyn aqparat kózderine aptalyq sholýyn usynady.

Uqsas jańalyqtar

Boks: Qulyn Altynbekqyzy alǵashqy jeńisine qol jetkizdi - Kaznews


Polshanyń Kelts qalasynda bokstan ótip jatqan jastar arasyndaǵy álem birinshiliginde Jandos Asqaruly sharshy alańǵa shyqty. 69 kelige deıingi salmaqta Jandos Asqaruly taılandııalyq qarsylasy Rattapol Kadamdýandy 4:1 esebimen jeńdi, dep habarlaıdy Mońǵolııanyń Kaznews aqparattyq portaly.

Qurama sapynda 69 keli salmaq dárejesinde 2019 jylǵy jastar arasyndaǵy Azııa chempıonatynyń qola júldegeri Jandos Asqaruly, qyzdar arasynda Nalaıhan aýdanynyń boksshysy Qulyn Altynbekqyzy bar.

«Polshanyń Kelts qalasynda bokstan ótip jatqan jastar arasyndaǵy álem birinshiliginde 51 kelige deıingi salmaq dárejesinde búgin (16 sáýir) sharshy alańǵa shyqqan mońǵolııalyq Qulyn Altynbekqyzy da alǵashqy jeńisine qol jetkizdi. Alǵashqy kezdesýinde Qulyn ýkraınalyq qarsylasy Darıa-Olga Gýtarınadan basym tústi», dep jazdy Kaznews.

Aıta keteıik, 11-24 sáýir aralyǵynda Polshada bokstan jastar arasyndaǵy álem chempıonaty ótedi. Mońǵolııa Boks Federatsııasy álem chempıonatynda el namysyn qorǵaıtyn boksshylardyń tizimin jarııalaǵan bolatyn.

Irannyń joǵary oqý oryndaryna 133 elden stýdentter qabyldandy - Parstoday

Iran Ǵylym mınıstrliginiń ırandyq emes stýdenttermen jumys jónindegi jalpy bóliminiń bastyǵy Iran ýnıversıtetterine 133 elden stýdentter qabyldanǵanyn habarlady, dep jazdy Irannyń Parstoday aqparat agenttigi.

Irandyq resmı ókil Afshın Ahýndzadeniń aıtýynsha, Aýǵanstan, Irak, Sırııa, Lıvan jáne Qytaı - Iranda eń kóp stýdentteri oqıtyn bes memleket eken.

«Iran Ǵylym mınıstrliginiń ırandyq emes stýdenttermen jumys jónindegi jalpy bóliminiń bastyǵy parsy tili men, quqyq jáne kompıýterlik ınjenerııany Irandaǵy sheteldik stýdentter úshin eń kóp talap etiletin oqý salasy retinde atady», dep jazady Rarstoday.

ıAsaýı telehıkaıasy Qazaqstanda kórsetiledi - TRT


Bul týraly osy aptada Túrkııa radıo televızııa portaly da habarlady.

«Qazaqstan» telearnasy 19 sáýirden bastap Túrkııada túsirilgen Qoja Ahmet ıAsaýı týraly telehıkaıany kórermen nazaryna usynady.

«Túrkııanyń TRT arnasy túsirgen bul telehıkaıa «Mavera» dep atalady. Mavera – (arab tilinde «kórinetin álemniń kórinbeıtin arǵy jaǵy» degen maǵynany bildiredi) kóne Osmanly tilinde qoldanylǵan sóz. Qazaqsha «tylsym álem», «qarsy jaq», «basqa dúnıe» dep aýdarýǵa bolady», dep jazady TRT.

Túrkııalyq BAQ-tyń deregine súıensek, ıAsaýı týraly telehıkaıany túrikter jańa formatta túsirgen. Telehıkaıada Qoja Ahmet ómiriniń kópshilik bile bermeıtin qyrlary, jalpaq jurtqa beımálim kezeńi kóbirek sýretteledi. Sondyqtan da bul telehıkaıa Qazaqstan kórermenderi úshin de qyzyqty bolary haq.

Aıta keteıik, QR Aqparat jáne qoǵamdyq damý mınıstri Aıda Balaevanyń taıaýdaǵy Túrkııaǵa jumys sapary barysynda Qoja Ahmet ıAsaýı ómiri týraly teleserıal premerasyn Qazaqstan men Túrkııada bir mezgilde kórsetý týraly ýaǵdalastyqqa TRT-nyń bas dırektory Ibrahım Erenmen kezdesýinde qol jetkizilgen bolatyn. Sonymen qatar eki el arasynda túrki jurtyna ortaq tarıhı tulǵa – Qorqyt ata týraly birlesken serıal túsirýge kelisim jasalǵan edi.

Shyńjańdyq taǵy bir qandasymyz Olımpıadaǵa joldama aldy - «Jenmın jıbao» (People Daily)


9 sáýirde keshke Qazaqstannyń Almaty qalasynda ótken kúresten Olımpıadalyq irikteý týrnırinen jaqsy jańalyq keldi. Shyńjań ólkesinen shyqqan Ýálıhan Serikuly 60 keli salmaqta grek-rım kúresinen óner kórsetip, Tokıo Olımpıadasyna joldama aldy, dep habarlady Qytaıdyń People Daily aqparat portaly.

Sonymen Ý. Serikuly Tokıo Olımpıadasyna joldamany áıelder arasyndaǵy erkin kúresten Rýń Nıńnıń men er boksshy Toqtarbek Tańathannan keıingi shyńjańdyq úshinshi sportshy.

Bul kúngi jarysta Ýálıhan Serikuly shırek fınalda kýveıttik oıynshydan 8:0 esebimen basym túsip, odan keıin jartylaı fınalda tájikstan balýanyn 10: 0 esebimen jeńip, sońǵy fınalǵa kirdi. Fınalda ol álem chempıony bolǵan qyrǵyzstandyq sportshydan 3:4 esebimen jeńilip, ekinshi oryndy mise tutty.

Aıta ketý kerek, Tokıo Olımpıadasynyń kúres jarysyna qatynasý tolymdylyǵyn tańdaý belgilemesine saı, Azııa qurlyǵyndaǵy Olımpıadaǵa irikteý jarysynda ár elden kelgen sportshylardyń (tek bir adam ǵana) ishinen ár sport túri boıynsha aldyńǵy ekige kirgender tikeleı Olımpıada joldamasyna ıe bola alady.

«30 jyldan astam ýaqyt buryn Shyńjań kúresi ulttyq oıyndarda altyn men kúmisti birneshe ret jeńip alǵan myqty ulttyq qurama boldy. Alaıda keıinnen álemdik kúrestiń damýymen Shyńjań kúres komandasynyń kórsetkishteri birtindep tómendep ketken bolatyn. 2010 jyldan bastap Shyńjań kúres komandasy qaıta qurylǵan. Oǵan jetekshilik etý úshin Ońtústik Koreıa quramasynyń burynǵy jattyqtyrýshysy Lıý Entaıdy jaldady. Álem chempıonyn tárbıelegen bul jattyqtyrýshy sport salasyna úlken mán berip, Shyńjań kúres komandasynyń negizin qalady. Sońǵy jyldary shyńjańdyq Rýń Nıńnıń, Palıha, Ýálıhan Serikuly sııaqty birqatar sportshylar úzdik otandyq palýandar qataryna qosyldy», dep jazady qytaılyq BAQ.

Aıta keteıik, Ýálıhan Serikuly – 1993 jyly Shyńjańnyń Dórbiljin aýdanynda dúnıege kelgen. Qytaı quramasynyń sapynda óner kórsetedi. Qytaı chempıonatynyń 4 dúrkin júldegeri, Majarstan astanasy Býdapeshtte ótken álem chempıonatynyń qola júldegeri, Azııa chempıonatynda 3-oryndy ıelengen.

Baıan-Ólgeılik balalar Soraban sampın boıynsha onlaın saıysta júldeli boldy - Kaznews


Elimizde 10 sáýirde balalar arasynda soraban sampın (japon shoty jáne mıdyń oń jaq bóligin damytý) boıynsha onlaın saıys ótti, – dep habarlaıdy Kaznews aqparat agenttigi.

Atalǵan BAQ-tyń dereginshe, Baıan-Ólgeı aımaǵynan bul onlaın saıysqa 12 bala qatysyp, 3 altyn kýbok, 2 kúmis kýbok ıelengen. Sonymen qatar 7 qazaq bala mamyrdyń 29 kúni ótetin halyqaralyq soraban sampın júıesiniń saıysyna qatysýǵa joldama aldy. Olar, Aı̆baný, Nurtilek, Jiger, Erasyl, Elmıra, Imanǵalı, Rabıa qatarlylar.

«Atalmysh saıysqa Baıan-Ólgeı aımaǵynyń jasóspirimderinen bólek Ulanbatyr qalasynyń 9 aýdany, Darhan, Býlgan, Dornod, Arhangaı, Óvórhangaı, Dýndgov, Hentıı aımaqtarynan jáne Shvetsııa men AQSh-tan 300 jýyq soraban sampın qyzyqtaýshy balalar baqtaryn synaǵan», dep jazady Kaznews.

Ózbekstanda páter jaldap turatyn stýdentterdiń 50 paıyz jaldaý aqysyn memleket tóleıdi - «ÓzA» aqparat agenttigi


13 sáýirde jastardy jumyspen qamtý jáne olardyń bos ýaqytyn mazmundy uıymdastyrý jónindegi mindetterdi iske asyrý máseleleri boıynsha Ózbek Prezıdenti jıyn ótkizip, onda páter jaldap turatyn stýdentterdiń 50 paıyz jaldaý aqysyn memleket tóleıtini jaıly aıtty, dep jazady Ózbekstannyń « ÓzA « memlekettik aqparat agenttigi.

Ózbekstandyq BAQ-tyń keltirgen deregine súıensek, búginde 130 myńnan astam ýnıversıtet stýdentteri jaldamaly páterde turady. Úkimet bul máseleni sheshý úshin jeke baǵdarlama daıyndap jatyr. Baǵdarlama boıynsha, 1 mamyrdan bastap stýdentterge páter jaldaý aqysynyń teń jartysy memleket esebinen tólenbek.

«Bastapqy kezeńde bul júıe arqyly 60 myń jas qamtylýy josparlanǵan. Sonymen qatar, shyǵyndar muqtaj stýdentterge ákimdikter men ýnıversıtet esebinen óteledi. Sol maqsatta 100 mlrd sým qarjy bólinedi», dep habarlaıdy «ÓzA».


Bizdiń kanalymyzǵa jazylyńyz:

#Álem   #Qoǵam  
Bólisińiz:

Avtor:

Beısen Sultan

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT