+7 (701) 759 90 19
USD 388.81 EUR 429.01
RUB 6.08 CNY 55.49
Jańalyqtar

Qytaıdaǵy sport festıvalinde qyz qýý erekshe kózge tústi - Sheteldegi qazaqtildi BAQ-qa sholý

2019 jylǵy 20 shilde 14:50
Bólisińiz:
Qytaıdaǵy sport festıvalinde qyz qýý erekshe kózge tústi - Sheteldegi qazaqtildi BAQ-qa sholý

NUR-SULTAN. QazAqparat - «QazAqparat» HAA sheteldegi qazaq tilinde taraıtyn aqparat kózderine aptalyq sholýyn usynady.

Ózbekstan men Qazaqstan arasynda halyqaralyq jol ashyldy - ÓzA



17 shildede «Beıneý - Aqjigit - Ózbekstan shekarasy» halyqaralyq avtojolynyń saltanatty ashylý rásimi ótti, dep habarlaıdy Ózbekstannyń «ÓzA» aqparat agenttigi.

Bul halyqaralyq avtomagıstraldiń qaıta jóndeý jumystary eki el prezıdentteri tarapynan 2017 jyldyń 23 naýryzynda Nur-Sultan qalasynda qol qoıylǵan bolatyn.



«Ótken aıdyń 21-shi juldyzynda Qazaqstan Respýblıkasynyń Premer-mınıstri Asqar Mamın Tashkent qalasynda bolǵan kezinde Ózbekstan men Qazaqstan arasyndaǵy ekijaqtyq strategııalyq seriktestik boıynsha komıssııa májilisi aıasynda Ózbekstan basshylyǵyna «Beıneý - Aqjigit - Ózbekstan shekarasy» halyqaralyq avtojolynyń saltanatty ashylýy rásiminde úkimet delegattarynyń qatysýy týraly usynysyn aıtqan edi», - dep jazady ózbekstandyq BAQ.



«Ózbekstan Prezıdenti Shavkat Mırzıeev tapsyrmasymen búgin Ózbekstan Respýblıkasynyń Premer-mınıstri Abdýlla Arıpov basshylyǵyndaǵy delegattar «Beıneý - Aqjigit - Ózbekstan shekarasy» halyqaralyq avtojolynyń saltanatty ashylý rásimine qatysty. Sharada eki el úkimet basshylyǵyndaǵy delegat ókilderi men jol qurylysynyń mamandary jáne de kópshilik qaýym, BAQ ókilderi boldy. Avtomagıstraldiń jalpy uzyndyǵy - 84 shaqyrym. Atalǵan tasjoldyń qurylys jumystaryna 108 mıllıon AQSh dollary jumsalǵan. «Beıneý - Aqjigit - Ózbekstan shekarasy» tasjoly eki eldiń de ekonomıkasynyń adymdaýyna, taýar aıyrbastaýynyń kólemi ósýine ońtaıly qyzmet etetin bolady» dep túıindeıdi uza.uz/kz.




«Qyz qýý» Qytaıdaǵy sport festıvalinde erekshe kózge tústi - «Ortalyq halyq radıosy» (CNR)



Osy aptada Qytaıdyń Іshki Mońǵol avtonomııaly ólkesiniń Kohhot qalasyndaǵy ıppodromda at sportynan jarystar ótti. Jarys baǵdarlamasy boıynsha aýdaryspaq, teńge ilý, kókpar jəne bəıge syndy at oıyndaryna ár ult ókilderiniń komandalary qatysqan, dep habarlaıdy qytaılyq kazakcnr.com saıty.



Aqparat kóziniń málimetinshe, atalǵan mádenı shara «Az ulttardyń XI búkilmemlekettik dástúrli sport festıvali» dep atalady.



«Bul festıvalge Shynjańnan arnaıy barǵan qazaqtar «qyz qýý» jáne «aýdaryspaq» oıynyn kórsetti. «Qyz qýý» - qazaq, qyrǵyz sııaqty ulttardyń dástúrli at ústindegi kóńil ashý qımyly. Bir qyz ben bir jigit jup bolyp, qyzqýar salady. Bundaı sporttyq oıyn kóbinese toı-tomalaq, mereke-meıramdarda ótkiziledi» dep jazady qytaılyq BAQ.


Eń baıyrǵy áshekeı buıymdarynyń biri - «Oltý tasy» týraly bilesiz be? - TRT

«Erzýrýmda (Túrkııanyń soltústik-shyǵysyndaǵy qala – avt.) shyǵarylatyn Oltý tasy (qara injý) álemdegi tanymal eń baıyrǵy áshekeı buıymdarynyń biri ekenin biletin be edińiz?» dep jazady Túrkııa Radıo Televızııa portaly.

Adamzattyń tanymal eń baıyrǵy áshekeı buıymdarynyń biri Oltý tasy (qara injý) - Erzýrýmnyń mańyzdy sımvoldarynyń biri. Óıtkeni, eń sapaly oltý tasy osy terrıtorııadan shyǵady. Oltýdyń shıkizatynyń tabylýy qıyn, alaıda zergerligi ońaı tas. Óńirdiń sımvoly bolǵan atalǵan tas aımaqtaǵy júzdegen otbasynyń tirshilik kózine aınalyp otyr. Ken baılyǵynyń az bolýy jáne shyǵarylýynyń qıyndyǵy bul zergerlik buıymnyń qunyn arttyrady.



Túrkııalyq BAQ-tyń málimetine súıensek, topyraqtan shyqqan kezde óte jumsaq bolǵanyna qaramastan, aýamen toǵysqanda jáne óńdelgennen keıin qataıady. Túsi kóbinese qara, keıde qońyrqaı bolyp kelgenimen, qoldanǵan saıyn jarqyraıdy. Sheberler ártúrli etip óńdeıdi. Asyl tastar alqaǵa, syrǵaǵa, júzikke, temeki qutysyna deıin kóptegen áshekeı buıymyna aınalady. Ádette, atalmysh tastan eń kóp óndiriletini jáne tanymaly - taspıyq. Oltý tasynan jasalǵan taspıyqtardyń ataǵy Túrkııadan ózge kóptegen elge tarap ketken deıdi trt.net.tr basylymy.

Oltý tasy zergerliginiń bastalý tarıhy 200 jylǵa sozylady.

Orta Azııadaǵy eń úlken Jantas jel elektr stansasy - «Jenmın jıbao»

Búgingi tańda jel energııasy balama energııa kózderiniń arasynda aldyńǵy qatarda ekeni belgili. «Qytaı halyqaralyq elektr kúshi» JShS qarjylyq qoldaýymen Qazaqstannyń Jambyl oblysyndaǵy Jantas jel elektr nysanynyń jumysy jýyrda bastaldy, dep habarlaıdy Qytaıdyń People Daily aqparat portaly.

Atalǵan jel elektr stansasynyń ashylý saltanatynda sóz alǵan Qytaılyq kompanıanyń basshysy Qazaqstandaǵy jańa energııanyń bolashaǵyna qyzyǵýshyqta ekendigin jetkizgen.



«Bizdiń «Qytaı halyqaralyq elektr kúshi» JShS Qazaqstandaǵy jańa energııanyń bolashaǵyna qyzyǵyp otyr. Biz jergilikti kompanııalarmen birlesip, joǵary kerneýli elektr stansalaryn salýǵa nıettimiz. Sol arqyly Qazaqstan men Qytaıdyń óndiris qýaty seriktestigine, sondaı-aq «Bir beldeý, bir jol» qurylysyna belsene atsalysamyz» deıdi qytaılyq kompanııanyń bas dırektory Tıan Jún.

Ashylý saltanatyna Jambyl oblysy ákiminiń orynbasarymen birge Qytaıdyń Almatydaǵy bas konsýly Mıao Hýnbo da qatysyp, kompanııa basshysynyń sózin qýattady.

«Sońǵy eki jyldan beri Qytaı men Qazaqstannyń óndiris seriktestigi joǵary qarqynmen damydy. Jantas jel elektr stansasy - Orta Azııadaǵy syıymdylyǵy eń úlken jel elektr nysany. Bul - Qytaı men Qazaqstannyń strategııalyq seriktestiktegi eń jańa jemisi», - deıdi bas konsýl Mıao Hýnbo.

«Jantas jel elektr stansasy 2018 jyly Qytaı men Qazaqstannyń óndiris qýaty birlestikteri tizimndegi negizgi nysandarǵa engizilgen. Jalpy, jumsalǵan qarjy - 160 mıllıon dollar. Nysan jobasynda 2.5 megavattyq 40 jel elektr agregaty salynady. Jalpy, agregat syıymdylyǵy 100 megavatqa jetip, óndiriske qosylǵannan keıin jylyna 350 mıllıon kılovat saǵat tok taratady» dep túıindeıdi qytaılyq BAQ.

Iran: Sırek kezdesetin aǵash aýyl - «Fars» aqparat agenttigi


Jergilikti aǵash aýyl Irannyń Horasan-e Razavı oblysynyń Nıshapýr qalasyna jaqyn mańda ornalasqan.

«Bul – Iranda sırek kezdesetin teńdessiz aýyl. Ol ınjener Hamıd Modjahedıdiń arqasynda tolyǵymen aǵashtan salynǵan. Bul aýyldyń kórnekti jerlerine aǵash meshit, murajaı, kitaphana, meıramhana, dúken, naýbaıhana, kúrke, jalǵa beriletin shaǵyn bólmeler men jasyl keńistik jatady», - dep jazady parstoday aqparat agenttigi.




Uly Jibek joly boıynda zamanaýı kerýen saraılar salynady - ÓzA

Ózbekstan Respýblıkasynyń týrızmdi damytý komıtetinde Qytaıdyń BES Cultural Tourism Group kompanııasy ókilderimen týrızm ındýstrııasynyń ınvestıtsııalyq áleýetine baılanysty kezdesý ótti.

Bul týraly osy aptada Ózbekstannyń «ÓzA» aqparat agenttigi habarlaǵan bolatyn..

Kezdesýde qytaılyq delegattar Uly Jibek jolynyń týrıstik dálizi boıynda zamanaýı kerýen saraılar salý jobasyna ınvestıtsııa tartý nıeti bar ekenin jetkizgen.

Bul sáýlet qurylysynyń jobasynda Qytaı men Ortalyq Azııa qalalaryndaǵy týrızmniń damyǵan ortalarynda (barlyǵy - 30) birigip ınvestıtsııa qoryn qurý kózdelgen.



«Qytaıdyń BES Cultural Tourism Group kompanııasy ókilderi atalǵan jobany júzege asyrý men memorandýmǵa qol qoıý maqsatynda Ózbekstan Respýblıkasynyń Týrızmdi damytý komıteti ókilderin 10-12 qyrkúıek aralyǵynda Qytaıdyń Tsıan qalasynda ótetin Halyqaralyq ekonomıkalyq forýmǵa shaqyrdy. Sondaı-aq qytaılyq kompanııa Samarqanda týrıster úshin barlyq qolaıly jaǵdaı jasalǵan zamanaýı kerýen saraı salýdy alǵa tartyp, ondaǵy restoran, qonaq úı jáne saýda oryndary men aqparattyq dúńgirshekterdiń jobasyna 100 mıllıon dollar ınvestıtsııa salý nıetinde ekeninde jetkizdi» dep jazady ózbekstandyq BAQ.

Óz kezeginde týrızmdi damytý komıteti ókilder qytaılyqtardy 29-30 tamyzda Jyzzaq qalasynda ótetin Halyqaralyq ınvestıtsııalyq forýmǵa shaqyrǵan.


Bizdiń kanalymyzǵa jazylyńyz:

Basty sózder:
Bólisińiz:

Avtor:

Beısen Sultan

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT