+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Qytaıdaǵy 2 qazaq boksshysy júldeger atandy - Sheteldegi qazaq tildi BAQ-qa sholý

2021 jylǵy 26 qyrkúıek 13:04
Bólisińiz:
Qytaıdaǵy 2 qazaq boksshysy júldeger atandy - Sheteldegi qazaq tildi BAQ-qa sholý

NUR-SULTAN. QazAqparat - «QazAqparat» HAA ádettegideı sheteldegi qazaq tilinde taraıtyn aqparat kózderine aptalyq sholýyn usynady.

Ystambulda Mustafa Óztúrik atynda saıabaq ashyldy - TRT


Qazaqstan Respýblıkasynyń táýelsizdiginiń 30 jyldyǵyna arnap Ystambuldyń Baǵjylar mýnıtsıpalıteti taekvondodan álemge áıgili Túrkııa qazaǵy, marqum Mustafa Óztúrik atynda saıabaq ashty, dep habarlaıdyTúrkııa radıo televızııa portaly.

Saıabaqtyń ashylýyna Baǵjylar mýnıtsıpalıteti men QR Ystambuldaǵy Bas konsýldyǵy muryndyq bolǵan.

Túrkııalyq BAQ-tyń dereginshe, saıabaqtyń ashylýyda Qazaqtardyń dúnıejúzilik qaýymdastyǵynyń Tóraǵasynyń birinshi orynbasary Zaýytbek Turysbekov, Qazaqstannnyń Ystambuldaǵy Bas konsýly Álim Baıel men Baǵjylar mýnıtsıpalıteti basshysy Lokman Chagryjy jáne Óztúriktiń qyzy Neslıhan Óztúrik sóz sóıledi.

«Óztúriktiń qyzy Neslıhan «Áke, siz balalardy qatty jaqsy kórdińiz, endi balalarǵa toly saıabaǵyńyz bar. Siz árqashan osy saıabaqpen este qalasyz» dep tebirenip sóıledi», delingen TRT jarııalanǵan aqparatta.

Aıta keteıik, Mustafa Óztúrik atyndaǵy saıabaqtyń jalpy aýmaǵy 4771 sharshy metrdi quraıdy. Saıabaqta fýtbol kógaly, balalar úshin oıyn alańy, býfet, otyratyn oryndar jáne 86 kólikke arnalǵan turaq oılastyrylǵan.

Qytaıdaǵy eki qazaq boksshy «altyn», «kúmis» medal jeńip aldy - CNR


«21 qyrkúıekte Qytaıdyń XIV ulttyq oıyndary ótti. Bul chempıonatta bokstan erler arasyndaǵy 75 kelidegi fınalynda Shynjań komandasynyń boksshysy Toqtarbek Tańatqanuly Beıjiń quramasynyń ókili Ulpar Qarqynulyn 5-0 esebimen jeńip, chempıon atandy, dep jazady CNR basylymy.

Bul jolǵy Qytaı chempıonaty Shanshıdiń ıÝýılın qalasynda ótken.

kazakcnr.com saıtynyń málimetinshe, Toqtarbek Tańatqanuly – Qanat Islam jáne Mámettursyn Chońnan keıingi Qytaı atynan Olımpıadalyq oıyndarǵa qatysqan 3-shyńjańdyq boksshy.

Aıta keteıik, 21 qyrkúıekte Shyńjań komandasynyń sportshysy Toqtarbek Tańatqanuly altyn medaldy alsa, ekinshi oryndy ıaǵnı kúmis medaldy Beıjiń komandasynyń múshesi qandasymyz Ulpar Qarqynuly ıelengen. Al úshinshi oryndy Henan komandasynan Chjao Menıan men shandýndyq bylǵary qolǵap sheberi Tao Mınsı qanaǵat tutty.

Toqtarbek Tańatqanuly 1998 jyly 18 qarashada Altaı aımaǵy Altaı qalasy Alaǵaq qalashyǵynda dúnıege kelgen. Aǵasy Jaqyppek Tańatqanulynyń aıtýynsha, Toqtarbek kishkentaı kezinen sport sharalaryna belsendi qatysyp keledi.

Qytaıdyń Altaı aımaǵyndaǵy belgili boks jattyqtyrýshysy Murat Boshaıulynyń nazaryna ol óz aýylynda dop oınap júrgen jerinen ilinedi. Ol kezde Toqtarbek Tańatqanuly 12 jasta bolǵan.

«Boıy 1 metr 30 santımetr shamasyndaǵy balanyń dop teýip júrgenin alystan kózim shaldy. Onyń qarqyny men kúshiniń óte jaqsy ekenin baıqadym. Sonymen janyma shaqyryp alyp, boksqa qyzyǵýshylyǵyn suradym. Ol maǵan elimizdegi ózi jaqsy tanıtyn boksshylardyń atyn aıtyp berdi...», - deıdi tanymal boks jattyqtyrýshysy Murat Boshaıuly.

Sóıtip 15 kúnnen soń Toqtarbek Tańatqanuly óz aýylynan 100 shaqyrymnan artyq alystaǵy Murat Boshaıuly turatyn Qaba aýdanyna baryp oqıdy. Atalǵan aýdandaǵy orta mekteptiń jataqhanasynda turyp, bilim ordasynyń boks bólimindegilermen birge mashyqtana bastaıdy.

«Sodan beri 13 jyl óte shyqty. Bolashaqta batyr bolýdy armandaǵan jas jetkinshek qazirgi ýaqytta halyqaralyq deńgeıdegi boks alańdarynda óner kórsetip, Qytaı boks salasyndaǵy tańdaýly sportshyǵa aınaldy», - dep túıindeıdi Qytaıdyń kazakcnr.com aqparattyq portaly.

Aıta keteıik, osy jolǵy Qytaı chempıonatynda kúmis medaldy enshilegen Ulpar Qarqynuly búgingi kúni boks áleminde ózindik aty shyǵyp júrgen sportshylardyń biri. Qazir bokstan Beıjiń komandasynda óner kórsetip júr.

Eýropada turatyn qazaqtardyń kishi quryltaıy ótti - Kaznews


«Dúnıejúzi qazaqtarynyń qaýymdastyǵy» RQB uıymdastyrýymen Ystambul qalasynda Túrkııa jáne Eýropada turatyn qandastarymyzdyń qatysýynda kishi quryltaı ótti, – dep habarlaıdy Kaznews portaly.

Mońǵolııalyq BAQ-tyń keltirgen málimetinshe, kishi quryltaıǵa «Otandastar qory» KEAQ vıtse-prezıdenti Maǵaýııa Sarbasov qatysty. Іs-shara aıasynda shettegi qandastarǵa kórsetiletin mádenı-gýmanıtarlyq, bilim berý, qazaq tilin oqytý jáne basqa salalarda atqarylatyn jumystar jaıynda baıandama jasalyp, túrli usynystar talqyǵa salyndy.

Maǵaýııa Sarbasov Qazaqstandaǵy «Bir tereze» qaǵıdatynyń qandastar úshin jeńildikteri kóp ekenin aıtqan.

Onyń aıtýynsha, shetelden qonys aýdarǵan etnıkalyq qazaqtar kórsetiletin qyzmetterdi buryn ár túrli memlekettik organdardan alyp kelgen. Búgingi kúni qandastarǵa arnalǵan barlyq memlekettik qyzmetter «Bir tereze» qaǵıdatyna sáıkes ońtaılandyrylyp, «Halyqqa qyzmet kórsetý ortalyqtary» arqyly júrgizilýde.

Maǵaýııa Qanapııaulynyń keltirgen deregine súıensek, ıntegratsııalyq jumystardyń nátıjesinde qandastar tapsyratyn barlyq qujattar sany 3 esege, ıaǵnı 46 – dan 16 – ǵa jáne olardy qaraý merzimi 2 esege, 6 aıdan 3 aıǵa qysqarǵan.

Qazaqstanǵa kóship kelýge nıet bildirgender «Otandastar qory» KEAQ janynan qurylǵan «Qandastardy aqparattyq qoldaý ortalyǵynyń» 1404 tegin nómirine habarlasyp, kez kelgen málimet ala alady. Sondaı-aq, qonys aýdarýǵa bel býǵan etnıkalyq qazaqtarǵa arnalǵan «Erulik.kz» (erýlik.kz) veb-platformasy ázirlengen.

«Qazaqstanǵa qonys aýdarǵysy keletin qandastarymyz úshin «Erulik.kz» veb-platformasy ázirlendi. Veb-platforma arqyly álemniń kez kelgen túkpirinen qandastardy qabyldaýdyń óńirlik kvotasy qarastyrylǵan 5 oblystyń áleýmettik-ekonomıkalyq damý deńgeıimen tanysýǵa jáne qonys aýdarýǵa qolaıly eldi-mekenderdi tańdaýǵa bolady. Atap aıtqanda, bos turǵyn-jaılar, ınfraqurylym, áleýmettik mekemeler, ekonomıkalyq áleýeti, bos jumys oryndary jáne basqa da aqparattar usynylǵan», – dep jazady Kaznews aqparattyq portaly.

Qazaqstanda «Iran tarıhy, mádenıeti jáne búgini» atty onlaın kórme ótti - Parstoday


Qazaqstannyń Ulttyq murajaıy Iran Islam respýblıkasynyń Elshiligi jáne Mádenı ókildigimen yntymaqtasa otyryp, 2021 jyly 2 qyrkúıekten beri «Iran tarıhy, mádenıeti jáne búgini» atty onlaın kórme ótkizýde, dep habarlaıdy ırandyq BAQ.

Iran Islam respýblıkasynyń Qazaqstandaǵy mádenı ókili Álı Akbar Talebı Matınniń aıtýynsha, kórmeniń maqsaty Iran mádenıeti men órkenıetin qazaq halqyna kóbirek tanystyrý boldy. Kórme áleýmettik jelilerde tikeleı kórsetildi. Óıtkeni qazir oqyrmandar qajetti aqparatty osy platformalardan alady.

Aıta keteıik, kórmede ejelgi Irannan zamanaýı Iranǵa deıingi aralyq qamtylǵan. Bul vıdeoda Irannyń tarıhı-arhıtektýralyq eskertkishteri, ırandyqtardyń salt-dástúri men ádet-ǵuryptary, tanymal tulǵalar men áıgili qalalar kórsetilgen. Qazaqstanda Omar Haııam, Saǵdı Shırazı men Djalaleddın Rýmıdiń kóbirek tanymal ekenin aıta ketý kerek. Sondyqtan Abaı Qunanbaı, Shákárim Qudaıberdiuly jáne basqa da qazaqtyń aqyndary parsy tilin bilgen.

«Búginde IIR – halyqaralyq týrızm úshin tartymdy elderdiń biri. Iranda kópti kórgen týrıstiń ózin tańqaldyratyn tartymdylyqtar bar. Elde tarıhı-arhıtektýralyq eskertkishter óte kóp. Irannyń Eýrazııa qurlyǵyndaǵy róli mańyzdy. Búginde Iran – Azııadaǵy eń damyǵan elderdiń biri. Eldiń halyqaralyq sahnadaǵy orny joǵary», dep jazady Parstoday.

Otandastar qory baıqaý jarııalady - «ÓzA»


Otandastar qory uıymdastyrǵan baıqaýǵa 12-18 jas aralyǵyndaǵy mektep oqýshylary qatysa alady, dep habarlady «ÓzA» memlekettik aqparat agenttigi.

«Baıqaýǵa qatysýshylar ózderiniń baıqaý jumystaryn @otandastar_qory ınstagram paraqshasyn jáne #otandastar_qazaqpoeziasy heshtegin belgilep, ınstagram áleýmettik jelisine salý kerek. 16 qazanǵa deıin jalǵasatyn ataýly baıqaýdyń jeńimpazdary qymbat baǵaly syılyqtarmen marapattalady», dep jazady ózbekstandyq BAQ.

Aıta ketý kerek, baıqaý jaıly tolyq aqparatty Otandastar qorynyń resmı paraqshasynan alýǵa bolady.


Bizdiń kanalymyzǵa jazylyńyz:

#Qandastar   #BAQ  
Bólisińiz:

Avtor:

Beısen Sultan

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Úmbet Sholpan
Úmbet Sholpan
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT