+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

Qytaıda turatyn qazaq qyzy halyqaralyq baıqaýǵa joldama aldy - Sheteldegi qazaq tildi BAQ-qa sholý

2019 jylǵy 21 qyrkúıek 15:05
Bólisińiz:
Qytaıda turatyn qazaq qyzy halyqaralyq baıqaýǵa joldama aldy - Sheteldegi qazaq tildi BAQ-qa sholý

NUR-SULTAN. QazAqparat - «QazAqparat» HAA ádettegideı sheteldegi qazaq tilinde taraıtyn aqparat kózderine aptalyq sholýyn usynady.

Uqsas jańalyqtar
«Altaıdyń kók jaquty» jurtqa kórsetildi - Sheteldegi qazaq tildi BAQ-qa sholý Qazaq azamaty Qytaıda úzdik model atandy - Sheteldegi qazaq tildi BAQ-qa sholý Qytaıdyń Tarbaǵataı aımaǵynda aqyndar aıtysy ótti - Sheteldegi qazaq tildi BAQ-qa sholý

Qazaq qyzy halyqaralyq arýlar baıqaýyna joldama aldy - Qytaıdyń «Ortalyq halyq radıosy» (CNR)


Qytaı eliniń atynan halqaralyq arýlar baıqaýyna qatysatyn jeńimpazdy irikteý synynda Mereı Ánýarqanqyzynyń mereıi ústem boldy, dep jazady Qytaılyq kazakcnr.com saıty.

«Qytaıdyń Gýandýn ólkesinde 59ـshy kezekti halyqaralyq arýlar baıqaýynyń Qytaı elindegi sońǵy irikteý synynda Shyńjan ólkesinen kelgen qazaq qyzy Mereı Ánýarqanqyzy bas júldeni enshiledi. Atalǵan baıqaýda Qytaıdyń ár óńirinen kelgen 50 arý baq synaǵan. Osylaısha, 23 jastaǵy qazaq qyzy 2020 jyly ótetin halqaralyq arýlar baıqaýyna (Miss International Competition) Qytaı eliniń atynan qatysatyn joldamany jeńip aldy»,- dep jazady CNR.


Atalǵan BAQ-tyń keltirgen málimetinshe, halqaralyq arýlar baıqaý (Miss International Competition) alǵash ret 1960 jyly AQSh-ta uıymdastyrylǵan. Álemniń 100- den astam eliniń sulýlarynyń basyn qosatan baıqaý keler jyly 59 kezekti básekesin ótkizbek. Bul dúbirli doda álemdik úsh úlken sulýlar baıqaýynyń biri. Baıqaý álemdik ortada «Arýlar olımpııadasy» dep atalyp júr. Sulýlyq festıvalnde arýlardyń syrtqy kelbetin baǵalap ǵana qoımaı, olardyń adamgershilik bolmysyn da synaıdy. Sondaı-aq, basqa elder men halyqtardyń mádenıetin túsinýge, izettilikke, dostyqqa, jer betindegi beıbitshiliktiń mańyzyn uǵyndyrýǵa basymdylyq berilgen.



Buqara 2020 jylda «Islam mádenıetiniń astanasy» bolyp jarııalandy - «ÓzA» aqparattyq agenttigi


16 qyrkúıekte Mysyr astanasy Kaırde Ózbekstan Respýblıkasy SІM orynbasary Dılshot Ahatov pen Mysyr Arab Respýblıkasy SІM orynbasary Hanı Salım basshylyǵyndaǵy delegatsııa ókilderi qatysýymen Ózbekstan men Mysyr Syrtqy ister mınıstrlikteriniń saıası keńesiniń 9-shy raýnd kezdesýi ótti, dep jazady Ózbekstannyń «ÓzA» memlekettik aqparattyq agenttigi.

Agenttiktiń habarlaýynsha, kezdesýde eki el arasyndaǵy saıası, saýda-ekonomıkalyq, ınvestıtsııalyq, mádenı-gýmanıtarlyq jáne basqa salalardaǵy yntymaqtastyqtyń qazirgi jaǵdaıy men bolashaǵy jan-jaqty talqylanyp, aımaqtyq jáne halyqaralyq máseleler boıynsha pikir almasylyp qana qoımaı, naqtyly eki eldiń geografııalyq ornalasýynyń araqashyqtyǵynyń alystyǵyna baılanysty ortada saýda-ekonomıkalyq, ınvestıtsııalyq baılanystardyń múmkindigin paıdalanbaı jatqandyǵyna jete nazar aýdaryldy.

Eki jaqtyq kezdesý barysynda Ózbekstannyń Buqara qalasyn 2020 jylda «Islam mádenıetiniń astanasy» dep jarııalap, ondaǵy ótetin Islam dininiń órkendeýine baılanysty sharalarǵa Mysyr eli qulshyna qatysýǵa nıetti ekenin jasyrmady.

Taraptar týrızm salasy men mádenıet jáne bilim salasyna baılanysty yntymaqtastyqty nyǵaıtýǵa ýaǵdalasty.


Altaı qalasy «Qazaq ultynyń án ـ bı mekeni» ataǵyn enshiledi - «Altaı aqparat» saıty


Qytaıdyń Shyńjan avtonomııaly ólkesiniń Ádebıet ـ kórkemónershiler birlestigi men Shyńjan halyqtyq kórkemónershiler qoǵamy Altaı qalasyna «Qazaq ultynyń án ـ bı mekeni» ataǵyn berdi, dep habarlaıdy altxw.com saıty.

«Altaı qalasynda osy ýaqyttarǵa deıin ulttyq salt-dástúr mádenıetin dáripteý maqsatynda túrli aýqymdy is- sharalar uıymdastyrylyp keledi. Altaı aımaǵy buǵan deıin «Adamzattyń qar shańǵy mekeni», «Qazaq ultynyń salt ـ sana mádenıetiniń saqtalǵan jeri» sekildi ataqtarǵa ıe bolǵan. Bul jolǵy «Qazaq ultynyń án ـ bı mekeni» ataǵy Altaı qalasynyń atyn áıgilep, ulttyq mádenıettiń órkendeýine jol ashyp, shabyttandyrýdy kózdegen. Sondaı-aq, qazaqtyń ulttyq mádenıetin tanyp-bilýge qyzyǵatyn týrısterdiń Altaı qalasyna kelýine nasıhat bolady», - dep jazady «Altaı aqparat» saıty.



Taekvondodan eki qola júlde buıyrdy - kaznews.mn


Ulanbatyr qalasynda balalar arasyndaǵy sporttan VI memlekettik festıval ótti. Bul jarysqa Baıan-Ólgeı aımaǵynan 82 sportshy qatysty, dep jazady Mońǵolııanyń KAZNEWS aqparattyq portaly.

«Atalmysh jarysta Mońǵolııanyń ár aımaǵynan kelgen 6000 myńǵa jýyq sportshy, sportyń 34 túrinen kúsh synasty. Taekvondodan Uldar arasyndaǵy 48 keli salmaq dárejesinde óner kórsetken Serǵazyuly Nýrbek pen qyzdar arasyndaǵy saıysta +55 keli salmaq dárejesine óner kórsetken Asylbekqyzy Ásemhan qola júldege ıe boldy», - dep jazady KAZNEWS.



«Qytaıdyń eń kórkem jeri» ataǵyn alǵan Іle jaılaýlary Іle gazeti


Qytaıdaǵy Іle qazaq Avtonomııaly oblysyna qarasty Іle aımaǵynyń qaı aýdanynan barsańyzda kórkem, sulý tabıǵattyń tamasha syıyna kýá bolasyz, dep jazady Іle gazetiniń aqparattyq saıty.

«Іle ańǵarynyń geografııalyq túzilisi ózgeshe, teristik, shyǵys, tústik úsh jaǵyn birdeı taý qorshap turady. Bul aımaqtaǵy Narat, Tańbaly, Kúnes, Mońǵolkúre atalatyn ataqty jaılaýlary Qytaı eline keń tanylǵan iri týrıstik ortalyqtar sanalady. Dúnıe júzindegi qazaq eń kóp ári tyǵyz qonystanǵan Kúnes aýdany da osy aımaqta ornalasqan. Halqynyń 80 paıyzdan astamy qazaqtar, ıaǵnı 300 myńǵa jýyq qazaq turady. 2005 jyly «Qytaı memleket geografııasy» jýrnalynyń uıymdastyrýymen, Qytaı elindegi 34 aqparat ortalyqtarynyń birlesip ótkizgen, «Qytaıdyń eń kórkem jerin» anyqtaý jobasynda Qytaıdaǵy eń kórkem 6 úlken saharasynyń biri Іle jeri bolyp tańdalǵan. Nazarlaryńyzǵa osy kórkem tabıǵat kórinsterinen fotoreportaj usynamyz», - dep jazady Іle gazeti.





Iran men Qazaqstannyń sport salasyndaǵy yntymaqtastyǵyn keńeıtý qajettigi qýattaldy - «Fars» aqparat agenttigi


IIR Ulttyq olımpıadalyq komıtetiniń basshysy Iran men Qazaqstannyń sport salasyndaǵy yntymaqtastyǵyn keńeıtý qajettigin qýattady, dep habarlaıdy parstoday aqparat agenttigi.

IRNA aqparat agenttiginiń habarlaýynsha, Orta Azııa elderiniń olımpıadalyq komıtetiniń úshinshi otyrysyna qatysý úshin Qazaqstanǵa barǵan Reza Salehı Amırı sársenbi kúni osy otyrysta Iran men Qazaqstannyń áleýetterin tanystyra kelip, bul áleýetterdiń eki eldiń sport salasyndaǵy yntymaqtastyǵyna jaǵdaı jasaıtynyn aıtty.

Ol osy otyrysta Orta Azııa elderiniń Olımpıada oıyndaryn ótkizýge usynys jasady. Bul usynys múshe elder tarapynan qoldaý taýyp, qabyldandy.

Iran Ulttyq olımpıadalyq komıtetiniń basshysy, sondaı-aq, sársenbi kúni óziniń qazaq áriptesi Tımýr Qulybaevpen kezdesip, eki eldiń sport salasyndaǵy yntymaqtastyǵyn damytý týraly suhbattasty.

Kýlıbaev bul kezdesýde Iran komıteti basshysynyń Qazaqstanǵa kelgenine qýanysh bildirip, eki eldiń sporttyq áleýetterin paıdalanýǵa jáne ózara yntymaqtastyqty damytýǵa daıyn ekenin málimdedi.

Túrkııa Ózbekstannyń Túrik Keńesine qatysýyna rıza - TRT


Túrkııa Ózbekstannyń Túrki Tildes Memleketter Yntymaqastyq Keńesine (Túrik Keńesi) tolyq múshe bolyp qatysý sheshimine iltıpat bildirdi, dep jazady Túrkııa Radıo Televızııa portaly.

Atalǵan BAQ-tyń jazýynsha, Syrtqy ister mınıstrliginen jasalǵan jazbasha málimdemede Ózbekstannyń Túrik Keńesiniń Nahchyvan kelisimine qosylý úshin qajetti ishki maquldaý protsesin aıaqtaǵany habarlandy.

«Bizge baılanysty qujattar men málimdemeler tolyqtandy. Qatysty babtarǵa saı Nahchyvan kelisimi Ózbekstan úshin 2019 jyly 14 qazanda atqarylady. Dos jáne baýyrlas Ózbekstannyń Túrik Keńesine tolyq múshe bolyp qatysýymen Túrki álemi ishindegi uıymshyldyq bekemdeledi, halyqtarymyzdyń ortaq baılyǵy men tynyshtyǵy úshin júrgizip otyrǵan yntymaqtastyǵymyz kúsheıedi. Ózbekstannyń Túrik Keńesine tolyq múshe bolyp qatysýyna rızalyǵymyzdy taǵy bir márte jetkizemiz» - delingen Syrtqy ister mınıstrliginen jasalǵan jazbasha málimdemede.



Bizdiń kanalymyzǵa jazylyńyz:

Basty sózder: Qandastar, BAQ, Qoǵam,
Bólisińiz:

Avtor:

Baqytjol Kákesh

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT