+7 (701) 759 90 19
USD 376.16 EUR 406.18
RUB 5.90 CNY 53.60
Jańalyqtar

Qytaıda taraǵan vırýsqa baılanysty Almaty áýejaıynda jolaýshylar jiti tekserilip jatyr

2020 jylǵy 17 qańtar 14:15
Bólisińiz:
Qytaıda taraǵan vırýsqa baılanysty Almaty áýejaıynda jolaýshylar jiti tekserilip jatyr

ALMATY. QazAqparat - Almaty qalasynyń taýarlar men kórsetiletin qyzmetterdiń sapasy men qaýipsizdigin baqylaý departamenti Qytaıdaǵy qolaısyz epıdemıologııalyq jaǵdaıǵa baılanysty qandaı sharalar qoldanylyp jatqanyn aıtty, dep habarlaıdy QazAqparat tilshisi.

Departamenttiń málimetinshi, 2012 jyldyń qyrkúıeginde Taıaý Shyǵys elderinde jańa vırýstyq ınfektsııalyq aýrý, belgileri pnevmonııaǵa uqsaıtyn koronavırýs anyqtalǵan. Bul juqpaly aýrýdyń qaýpi - ony emdeıtin arnaıy preparattyń bolmaýy. Osyǵan baılanysty ólim deńgeıi 50%-dan asady. Bul ınfektsııa adamǵa aýa arqyly juǵady. Buǵan deıin mundaı jaǵdaılar Saýd Arabııasy, Frantsııa, Germanııa, Iordanııa, Ulybrıtanııa jáne Ońtústik Koreıada tirkelgen.

2015 jyly koronavırýstyq ınfektsııa Ońtústik Koreıadan shyqty. Atalmysh ınfektsııany juqtyrǵandardyń sany 108 adamnan asty.

2020 jyldyń qańtar aıynan bastap Qytaıda pnevmonııaǵa uqsaıtyn 44 jaǵdaı tirkeldi. 11 naýqastyń jaǵdaıy aýyr. Eki adam qaıtys boldy. Búgin qytaı epıdemıologtary belgisiz pnevmonııanyń sebebin - koronavırýstyń jańa túrin anyqtady.

Qytaıdaǵy koronavırýstyq ınfektsııanyń epıdemıologııalyq jaǵdaıyna baılanysty Almaty qalasynyń taýarlar men qyzmetterdiń sapasy men qaýipsizdigin baqylaý departamenti mynadaı aldyn alý sharalaryn qabyldady:

– Almaty halyqaralyq áýejaıyndaǵy sanıtarlyq baqylaý pýnkti jolaýshylardyń dene qyzýyn teplovızor arqyly tekseredi.

– Saqtyq sharalary da qarastyrylǵan. Medıtsınalyq-profılaktıkalyq jáne zerthanalyq qyzmettermen qamtamasyz etildi. Bári daıyn.

– QazAqparatqa Qytaıda belgisiz pnevmonııanyń tirkelýi týraly aqparat jiberildi, onyń aldyn alý boıynsha usynystar berildi;

«Koronavırýs ınfektsııasy tirkelgen qolaısyz epıdemıologııalyq jaǵdaıy bar elderge baratyn azamattar aýrýdyń aldyn alý sharalaryn qoldanýy tıis. Adam aýrýdyń alǵashqy belgilerin baıqasa shuǵyl medıtsınalyq kómekke júginýi tıis», - dep atap ótti departamenttegiler.

Sonymen qatar, juqpaly aýrý belgileri bar adamdarmen tyǵyz baılanysta bolýdan (jótel, túshkirý) aýlaq bolý kerek.

Mamandardyń aıtýynsha, koronavırýstyń 40-qa jýyq túri bar. Onyń zııany adamdarǵa, ıtter men mysyqtarǵa, sonymen qatar iri qara mal, dońyz ben qustarǵa tıedi. Infektsııa tynys alý joldaryn, júıke júıesi men asqazan-ishek joldaryn zaqymdaıdy.


Foto: fr.readkong.com

Bizdiń kanalymyzǵa jazylyńyz:

Basty sózder: Qytaı, Almaty, Medıtsına,
Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT